काठमाण्डौँ । अख्तियार दुरुपयोग अनुसन्धान आयोग हेटौडाका प्रमुख उमाकान्त आचार्यले ‘जन्मदिनलाई सत्कर्मसंग जोडौँ’ अभियानको वृक्षारोपण गर्ने कार्य प्रशंसनिय भएको बताएका छन् ।
तराई विकास तथा संञ्चार केन्द्र नेपालले ‘जन्मदिनलाई सत्कर्मसंग जोडौँ’ अभियान प्रति उनले एक्यवद्धता जनाए । अख्तियार दुरुपयोग अनुसन्धान आयोगको कार्यालय हेटौडामा सो अभियानका संयोजक गोविन्दप्रसाद चौलागाई तथा हाईवे न्यूज दैनिकका प्रकाशक मनोजकुमार शाहले सोमबार विहान विरुवा दिदैँ यो अभियानमा जोडिन आयोगका प्रमुख आचार्यलाई आग्रह गरेका थिए ।
उक्त कार्यक्रममा बोल्दै उनले मानवलाई विरुवा र विरुवालाई मानव आवश्यक पर्ने बताएका छन् । मानवलाई तनाव व्यवस्थापन, हरियाली बातावरण सिर्जना वा अन्य विविध कारणले वृक्षारोपण गर्नु पर्ने अहिलेको आवश्यक्ता रहेको उनको धारणा छ । यस पवित्र अभियानमा जोडिन पाउँदा हर्षित भएको उल्लेख गर्दै उनले प्रशासनिक निकायका कर्मचारीले मात्र वृक्षारोपण गरेमा रुख विरुवाको संख्या बढ्दै जाने बताए ।
यस अभियान अन्तर्गत मकवानपुरमा हुने हरेक कार्यक्रममा आफुले साथ दिने समेत उनले प्रतिवद्धता व्यक्त गरे । रौतहट जिल्लाबाट सुरु भएको यो अभियानले काठमाण्डौ सहित विभिन्न स्थानमा भएको वृक्षारोपण कार्यक्रमको प्रशंसा समेत गरे । सकरात्मक सोचका साथ यो अभियान देशव्यापी रुपमा लैजानु पर्ने अहिलेको आवश्यक्ता समेत भएको उनले औल्याएका थिए ।
उतm कार्यक्रममा नेपाल पत्रकार महासंघका केन्द्रिय सचिव तथा अभियानका संयोजक चौलागाईले जन्मदिनलाई सत्कर्मसँग जोडेर परिबेश अनुसार फरक–फरक कार्यक्रमहरु गरेर यो अभियानलाई अगाडी बढाउने बताए । जन्मदिन वा अन्य कुनै शुभ अवसरमा फजुल खर्च गर्नेहरुको संख्या बढिरहेको अवस्थामा यस्ता पुण्य काम गर्नाले समाजलाई सकरात्मक दिशा तर्फ लैजान सहयोग पुग्ने उनले बताए ।
प्रकृतिसंग मानव सम्वन्ध जोडिएकोले प्रकृति नभएमा मानव अस्तित्व नरहने उल्लेख गर्दै यस बारेमा धेरै जानकार भएपनि व्यवहारतः नभएको उनको भनाई छ । प्रकृति नै हाम्रो जिवन हो भन्ने चेतना मानवमा हराउँदै गएको प्रति उनले चिन्ता ब्यक्त गरे । प्रकृतिलाई माया र संरक्षण गर्नु पर्ने धारणा हराउँदै गएकाले यसलाई जागृत गर्ने वेला भएको उनले बताए ।
नेपालको नौलो तथा पहिलो यो अभियानमा कुनै ब्यक्ति तथा संस्थाबाट कुनै प्रकारको आर्थिक सहयोग नमागेको र नलिएको पनि उनले स्पष्ट पारे । जन्मदिनलाई सत्कर्मसंग जोडेर बिदेशी नागरिकले पनि यहाँकोे सिको गर्न सक्ने खालको सकारात्मक नतिजा दिन हरेक ब्यक्तिले आ–आफ्नो तर्फबाट यो अभियानसंग जोडिएर लाग्न समेत उनले सुझाव दिए । अहिले गरेको वृक्षारोपणले भावी पुस्ता सम्मलाई फाईदा पुग्ने उनको तर्क छ ।
हाईवे न्यूज दैनिकका प्रकाशक शाहले यस अभियानमा आफुले पनि साथ दिदै आएको उल्लेख गरेका छन् । देशभरी नै ‘जन्मदिनलाई सत्कर्मसंग जोडौँ’ अभियानलाई लैजाने आयोजकले जनाएको छ ।
पछिल्लो समयमा यो अभियानको चौतर्फी रुपमा प्रशंसा भईरहेको छ ।
Month: February 2022
बागमती प्रदेशः गणिमाइ बाहिनिपती मगरले बृक्षारोपण गरी मनाए जन्मदिन
हेटौंडा । ३ नम्बर प्रदेशका प्रमुख तथा गणिमाइ बाहिनिपती सशस्त्र प्रहरीका प्रहरी नायब महानिरीक्षक गणेश ठाडा मगरले “जन्मदिनलाई सतकर्ममा जोडौँ” अभियानमा एक्यवद्धता जनाउदै आफनो जन्मदिन स्मरण गर्दै हेटौंडा गणमा बृक्षारोपण गरेका छन् । रौतहटबाट पहिलोपटक अभियानका रुपमा सुरु भएको यो अभियानका बारेमा समाचार हेरेपछि प्रभावित भएर बैशाख अन्तिम हप्ता देखी आफ्नो कार्यालय मातहतका साथीहरूको जन्मदिन पनि सो अभियानमा जोड्दै बृक्षारोपण गर्न थालिएको बताउदै हेटौंडा गणबाट सुरु गर्न पाउँदा खुसी लागेको बताएका छन् ।
अबका दिनमा मातहतका सबै निकायलाई परिपत्र गरी सकेको बताउदै जन्मदिनमा बागमती प्रदेशका सशस्त्र प्रहरीले एक–एक बृक्ष रोप्ने प्रतिबद्धता समेत व्यक्त गरे ।
उनले आफ्नो जन्मदिनलाई स्मरण गर्दै हेटौंडा औद्योगिक क्षेत्र भित्र रहेको सशस्त्रको गण भित्र एक बिरुवा समेत रोपेका थिए । कार्यक्रममा हेटौंडा गणका प्रमुख ज्ञानप्रसाद भुर्तेलले समेत अभियानलाई एक्यवद्धता जनाउदै एक बिरुवा रोपेका छन् ।
यस्तै, अभियानका संयोजक तथा तराई बिकास तथा संचार केन्द्र नेपालका अध्यक्ष गोबिन्दप्रसाद चौलागाईंले सशस्त्र प्रहरी बागमती प्रदेशका प्रमुखबाट मातहतका निकायमा पत्राचार गरेर अभियानलाई सामुहिक रुप दिनुभएकोमा धन्यवाद दिदै दिनरातको प्रवाह नगरी राष्ट्रसेवामा सकृय रहेको सशस्त्र प्रहरी बलका हरेक काम समाजमा अनुकरणीय रहेको बताए ।
कार्यक्रममा हाइवे दैनिकका सम्पादक प्रकाशक मनोज साह, सशस्त्र बल हेटौंडाका प्रहरी प्रमुख तथा प्रहरी उपरीक्षक, नायब प्रहरी उपरीक्षक, निरीक्षक लागायतका प्रहरी अधिकृतको उपस्थिति रहेको थियो ।
पछिल्लो समय गणिमाइ बाहिनिपती ठाडा मगर बागमती प्रदेशमा आएदेखि आफ्नो सस्थाभित्र रचनात्मक काम गर्दै गोताखोर तालिम देखी फौजलाई विभिन्न सिपसँग जोडिएका काम गराउन सफल हुनुभएको छ। ठाडा मगरले समाज रुपान्तरण तथा परिर्वतनका कामहरुमा सकृयभई प्रदेश भित्रका जनताको मन जित्न सफल भएको देखिएको छ।
सभामुखलाई धनराज गुरुङको पत्र : रवि लामिछानेलाई कारबाही गर्न माग
काठमाडौँ । प्रमुख प्रतिपक्षी दल नेपाली कांग्रेसका उपसभापति धनराज गुरुङले उपप्रधान तथा गृहमन्त्री रवि लामिछानेले आफूमाथि लगाएको आरोप तथ्यहीन भएको भन्दै संसद सचिवालयमा निवेदन दिएका छन् ।
गृहमन्त्री लामिछानेले संसदमा अर्थहीन र आधारहीन कुरा गरी काँग्रेस सांसदहरूको मानमर्दन गर्न खोजेको र उनको अभिव्यक्ति प्रतिनिधिसभा नियमावली विपरीत भएको भन्दै संसदको अवहेलनामा कारबाही गर्नुपर्ने गुरुङको माग छ ।
‘प्रतिनिधि सभा नियमावलीको नियम २१९ मा सभाका सदस्यले पालना गर्नुपर्ने आचरण पनि निज गृहमन्त्रीले पालना नगरेकाले सोतर्फ समेत विचार गरी निजलाई संसदको अवहेलनामा कारबाही गर्न गम्भीर रूपले माग गर्दछु’, गुरुङले सभामुखलाई लेखेको निवेदनमा उल्लेख छ ।
गुरुङले निवेदनसँगै रातो कूटनीतिक राहदानी दुरुपयोग गरेको भन्ने आरोपको सम्बन्धमा सर्वोच्च अदालतले २४ असोज २०६४ मा गरेको फैसलाको प्रतिलिपि पनि संलग्न गरेका छन् ।
गगन थापालाई गिरफ्तार नगरे गृहमन्त्री लामिछाने देशद्रोहीको मतियार ठहरिन्छन्रा : रावल
काठमाडौं । नेकपा एमालेका नेता एवं पूर्व गृहमन्त्री डा. भीम रावलले नेपाली कांग्रेसका महामन्त्री गगन थापालाई राज्यका सूचना बेचेको अभियोगमा तत्काल गिरफ्तार गरिनुपर्ने बताएका छन् । सोमबार उपप्रधान एवं गृहमन्त्री रवि लामिछानेले संसद्मा सम्बोधन गर्ने क्रममा महामन्त्री थापाले देशका गोप्य सूचना विदेशीलाई बेचेको आरोप लगाएका थिए ।
उक्त अभिव्यक्तिमा केन्द्रीत भएर नेता रावलले गगनलाई कारबाही नगर्ने हो भने गृहमन्त्री लामिछाने देशद्रोहीको मतियार ठहरिने बताएका हुन् । उनले देशको सूचना बेचेको आरोप लागेका गगनलाई गिरफ्तार गरेर कारबाही प्रक्रिया अगाडि नबढाएको खण्डमा प्रधानमन्त्री लामिछानेलाई बरखास्त गर्नुपर्ने बताएका छन्।
उनले सामाजिक सञ्जालमा भनेका छन्-
राज्यका सूचना बेच्नु देशद्रोह हो । यसरी सूचना नेपाली कांग्रेसका महामन्त्री, सांसद गगन थापाले बेचेको गम्भीर आरोप गृहमन्त्री तथा रास्वपाका सभापति रवि लामिछानेले लगाएका छन् । यस्तो देशद्रोह गगन थापाले गरेको भनी गृहमन्त्रीले संसदमा नै घोषणा गरेकोले थापालाई गिरफ्तार गरी तत्काल कानूनी कार्वाई गरियोस् । यदि गगन थापालाई गिरफ्तार गरी गृहमन्त्रीले कारबाही अघि बढाउदैनन् भने उनी पनि देशद्रोहीका मतियार ठहरिने छन् र निजलाई प्रमं प्रचण्डले तुरून्त बर्खास्त गरी गिरफ्तार गर्नुपर्छ ।
गृहमन्त्रीले गगन थापाले भ्रष्टाचार गरेको भनी विभिन्न मुद्दाबारे समेत संसदमा प्रस्तुत गरेका छन् । ती मुद्दामा राज्यका सम्बन्धित निकायबाट तत्काल अनुसन्धान गरियोस् । यस्ता आरोप झुठा ठहरे देशको गृहमन्त्री जस्तो जिम्मेवार पदमा बसेर अनर्गल कुरा गरेकोमा निजलाई कानूनी कार्वाई होस् । राज्य कानून र मर्यादमा आधारित हुन्छ भन्ने सामान्य कुराको हेक्का नराख्ने हो भने देश र जनता प्रति गद्दारी गरेको ठहर्छ ।
नेप्सेमा उच्च अंकको वृद्धि, झण्डै ६ अर्बको सेयर कारोबार
काठमाडौं । नेपाल स्टक एक्सचेञ्ज (नेप्से)मा सोमबार उच्च अंकको वृद्धि भएर बन्द भएको छ । आज नेप्से २७.५४ अंकले बढेर दुई हजार ९२ विन्दुमा बन्द भएको हो ।
सोमबार नेप्से परिसूचकसँगै कारोबार रकममा पनि उल्लेख्य सुधार भएको छ । उक्त दिन झण्डै ८१ हजार वटा कारोबारमा १ करोड ४३ लाख ७० हजार ६ सय ८९ कित्ता सेयर किनबेच भए । ती किनबेचमा ५ अर्ब ८५ करोड ४३ लाख रुपैयाँ बराबरको सेयर कारोबार भएको छ । अघिल्लो दिनको तुलनामा कारोबार रकम बढेको हो । आइतबार ५ अर्ब २५ करोड रुपैयाँ बराबरको सेयर कारोबार भएको थियो ।
आज कारोबार भएका कम्पनीमध्ये १३४ वटाको बढेको छ भने १०७ वटा कम्पनीको शेयरमूल्य घटेको छ । बाँकी ५ कम्पनीको शेयरमूल्य स्थिर रहेको छ ।
नेप्सेका अनुसार आज तीन कम्पनीको शेयरमूल्य १० प्रतिशतले बढेको छ । अन्य तीन कम्पनीको शेयरमूल्य ९ प्रतिशतले बढेको छ भने एक कम्पनीको शेयरमूल्य ८ प्रतिशतले बढेको छ ।
आज उपकार लघुवित्त वित्तीय संस्था लिमिटेडको शेयरमूल्यमा उच्च गिरावट आएको छ । यस कम्पनीको शेयरमूल्य आज ७.४० प्रतिशतले घटेको छ । सबैभन्दा बढि पोखरा फाइनान्स लिमिटेडको १९ करोड ९२ लाख बराबरको कारोबार भएको छ ।
मिनी बस दुर्घटना हुँदा दुईको मृत्यु
सुर्खेत । सुर्खेतमा मिनिबस दुर्घटना हुँदा दुई जनाको मृत्यु भएको छ।
दैलेखको दुल्लु नगरपालिकाको भुकाँहदेखि सुर्खेतको वीरेन्द्रनगर आउँदै गरेको मिनी बस दुर्घटना भएको छ । वीरेन्द्रनगर नगरपालिका-७ को गोजेनी जङ्गल नजिक दुर्घटनामा परेको जिल्ला प्रहरी कार्यालय सुर्खेतले जनाएको छ ।
दुर्घटनामा परी दुई जनाको मृत्यु भएको जिल्ला प्रहरी कार्यालय सुर्खेतले जनाएको छ। मृतकको सनाखत हुन सकेको छैन।
बसमा सवार १८ जना घाइते भएका छन् । घाइतेहरूको उपचारको लागि प्रदेश अस्पताल सुर्खेत र कर्णाली कियरमा लगिएको जिल्ला प्रहरी कार्यालय सुर्खेतका प्रमुख रुपेश खड्काले जानकारी दिए । उनका अनुसार कर्णाली प्रदेश ०२ ००१ ख ०८५२ नम्बरको मिनी बस दुर्घटनामा परेको हो ।
राष्ट्रिय वाणिज्य बैंकको सीईओमा ५ जनाको नाम सर्टलिस्ट
काठमाण्डौँ। राष्ट्रिय वाणिज्य बैंकको प्रमुख कार्यकारी अधिकृत(सीईओ)पदका लागि ५ जना उमेदवारहरु सर्टलिस्टमा परेका छन् । बैंकको सीईओ नियुक्तीका लागि सिफारिस गर्न गठित सीईओ नियुक्ती सिफारिस उप समितिको जेठ ६ गते बसेको बैठकले ५ जना उम्मेदवारको नाम सर्टलिस्ट गरेको हो ।
बैंकको सीईओ नियुक्ति सिफारिस उपसमितिका अनुसार सर्टलिष्टमा सीईओ पदका लागि कृष्ण बहादुर अधिकारी,देवेन्द्र रमण खनाल, प्रकाश चन्द्र अधिकारी, विष्णुदेव यादव र शंकर केसी छन् ।यी मध्ये देवेन्द्र रमण खनाल हाल बैंकको कामु सीईओ छन् ।
साथै बैंकले प्रमुख कार्यकारी अधिकृत पदका उम्मेदवारहरूका लागि प्रस्तुतीकरण र अन्तरवार्ता लागि समेत तोकेको छ । बैंकले उम्मेदवारहरूको शैक्षिक योग्यता, कार्य अनुभव र व्यावसायिक कार्य योजनाको मूल्याङ्कनमा सबैभन्दा बढी अङ्क प्राप्त गर्ने पाँच जना उम्मेदवारहरूलाई व्यावसायिक कार्य योजनाको प्रस्तुतीकरण तथा अन्तरवार्ताका लागि बोलाएको छ ।
सर्टलिष्टमा परेका उम्मेदवारहरुले अन्तरवार्तामा व्यावसायिक कार्य योजनाको प्रस्तुतीकरण गर्नुपर्ने छ । यसैगरी, अन्तरवार्ता तथा प्रस्तुतीकरणका लागि छनोट भएका उम्मेदवारहरू आफूले पेस गरेका सम्पूर्ण सक्कल कागजात सहित आगामी जेठ ९ गते राष्ट्रिय वाणिज्य बैंकको कार्यालय सिंहदरबार प्लाजामा उपस्थित हुनु पर्नेछ ।
जसमध्येबाट संचालक समितिले एक जनालाई सीईओ नियुक्त गर्नेछ । बैंकका प्रमुख कार्यकारी अधिकृत किरण कुमार श्रेष्ठको कार्यकाल सकिएपछि हाल बैंकमा सीईओ पद रिक्त छ ।
गिरीबन्धु जस्तै हदबन्दी छुट र सट्टापट्टा माग्ने १०१ भन्दा बढी कम्पनीको सूची बालेनद्वरा सार्वजनिक
काठमाडौँ । काठमाडौं महानगरका मेयर बालेन्द्र शाहले गिरिबन्धुलाई जग्गा सट्टाभर्ना गर्दै बेच्न दिने भनेपछि अरु १०१ भन्दा बढि कम्पनीले गिरिबन्धु जसरी नै हदबन्दी छुट र सट्टापट्टा पाउनुपर्ने भन्दै हजारौं बिघा जमिन बेच्न पाउने निवेदन हालेको खुलासा गरेका छन् ।
गिरिबन्धुलाई जग्गा सट्टाभर्ना गर्दै बेच्न दिइने भएपछि यसभन्दा बढी कम्पनीले निवेदन दिएको दाबी बालेनले गरेका छन् । उनले सबै कम्पनीलाई हदबन्दी छुटको नीतिगत निर्णय गर्दा कम्तीमा पनि ५० खर्बसम्मको खेल भएको हुन सक्नेसमेत दाबी गरेका छन् ।
‘सर्वोच्च अदालतको एउटा फैसलाले अहिले यसरी निवेदन दिने कम्पनीको खेलमा केही धक्का लागेको छ । तर, बिचौलियाको गिरोह र नीतिगत तहमा बसेर निर्णय गराउनेहरू भने खुलेआम राजनीतिक शक्ति केन्द्रमा रहेका छन्’, बालेनले भनेका छन्, ‘उनीहरूको स्वर घटेको छैन । कानुन नै परिवर्तन गर्न कुरेर बसेका छन् । यदि त्यस्तो भयो भने यसले राज्यको खर्बौं रकम अपचलनको ढोका खोलिदिन्छ ।’ यसै पनि सर्वोच्चले बाँझो भए वा अरू नै प्रयोजनमा भए सरकारीकरण गर्नु भनिसकेको छ ।
जग्गा सट्टापट्टा गर्न निवेदन दिने कम्पनीहरू :
१. केपी ओली ट्रस्ट
२ . रेराङ्ग हाइड्रोपावर डेभलपमेन्ट पाँचथर
३ . केशरी चिया बगान पाँचथर
४. ओमटी गार्डेन प्रालि इलाम
५. सिद्धपोखरी टी–स्टेट प्रालि इलाम
६. इलाम टी–स्टेट इलाम
७. सान्भी इनर्जी प्रालि सानाजलविद्युत् आयोजना इलाम
८. माङमालुङ चियाबगान लि. इलाम
९. किरातेश्वर टी गार्डेन प्रालि त्रिशूल इलाम
१०. हिम चियाबगान प्रालि इलाम
११. फिक्कल टी एन्ड कफी कम्पनी प्रालि कन्याम पशुपति, पञ्चकन्या इलाम
१२. रोनक टी–स्टेट झापा
१३. गोमादेवी टी–स्टेट झापा
१४. झापा टी–स्टेट झाप
१५. राजगढ चिया विकास कम्पनी प्रालि भद्रपुर झापा
१६. कल्पना टी–स्टेट झापा
१७. मोहन टी–स्टेट इन्डस्ट्रिज झापा
१८. बज्रायोगिनी टी–स्टेट प्रालि झापा
१९. ज्यामिरगढी टी–स्टेट झापा
२०. राज टी–स्टेट झापा
२१. पदम टी–टेट झापा
२२. इलाम चियाबारी प्रालि झापा
२३. पौडेल बन्धु टी–स्टेट प्रालि झापा
२४. हिमाल इन्टरनेसनल प्रालि झापा
२५. नक्कलबन्दा टी–स्टेट झापा
२६. चकचकी टी–स्टेट झापा
२७. लक्ष्मी टी–स्टेट झापा
२८. सौरभ चिया उद्योग प्रालि झापा
२९. इन्टरनेसनल इन्स्टिच्युट अफ हेल्थ साइन्स एन्ड सर्भिसेज प्रालि झापा
३०. चन्द्रगढी टी–स्टेट प्रालि झापा
३१. रोमन टी–स्टेट प्रालि झापा
३२. हडिया रियल टी–स्टेट प्रालि झापा
३३. प्रयास चिया उद्योग झापा
३४. ऋद्धि गणेश टी–स्टेट प्रालि झापा
३५. न्यू–गिरी एन्ड सन्स झापा
३६. गुप्ता टी–स्टेट प्रालि भद्रपुर झापा
३७. कुवाडीदेवी टी–स्टेट प्रालि पागनडुब्बा, झापा
३८. जीपीको इराला फाउन्डेसन मोरङ
३९. इस्टर्न स्टार कृषि तथा सहकारी स.लि मोरङ
४०. जिरी टी डेभलपमेन्ट प्रालि धनकुटा
४१. कुवापानी टी प्लान्टेसन प्रालि धनकुटा
४२. मुँगा टी गार्डेन्स प्रालि धनकुटा
४३. चुलाचुली टी–स्टेट प्र.लि धनकुटा
४४. मारुती सिमेन्ट प्रालि सिरहा
४५. केचना टी–स्टेट प्रालि दोलखा
४६. सोलु हाइड्रोपावर प्रालि (तल्लो सोलु) गार्मा र तिङला, सोलु र रसुवा
४७. अप्परसोलु हाइड्रो इलेक्ट्रिक कम्पनी प्रालि सल्लेरी, तिङला, गामा, रसुवार सोलु
४८ ग्रीनभेन्चर्स प्रालि रामेछाप
४९. हिमालय ऊर्जा विकास क.(अप्पर खिम्ती) चुचुरे रामेछाप
५०. रिलायन्स सुगुर एन्ड केमिकल्स इ.प्रालि बारा
५१. गिजरा खाडाखारी मिल प्रालि बाँके
५२. युनाइटेड सिमेन्ट प्रालि नौबीसे धादिङ
५३. इको अर्गानिक फार्मस प्रालि काभ्रे
५४. गेल्डेन फ्रार्मस प्रालि कफी, तरकारी पशुपन्छी काभ्रे
५५. तिमाल इन्ट्रगे्रटेड फाउन्डेसन काभे्र
५६. युलेन्स एजुकेसन फाउन्डेसन काभ्रेपलाञ्चोक
५७. द्वारिकाज हिमालयन सांग्रिला भिलेज रिसोर्ट काभे्र
५८. आदि शक्ति विद्युत विकास कं.प्रालि नुवाकोट
५९. नेपाल वाटर एन्ड इनर्जी डेभलपमेन्ट कं. प्रालि (माथिल्लो त्रिशूली) हाकुगाविस रसुवा
६०. लिबर्टी इनर्जी हाइड्रो पावर लमजुङ
६१. आराभ नेपाल भोर्डन एग्रिकल्चर क. प्रालि लमजुङ
६२. हिमालयन पावर पार्टनरसिप लमजुङ
६३. होङ्गसी शिवम् सिमेन्ट प्रालि नवलपरासी पाल्पा
६४. सान्जेन जलविद्युत् कं.लि रसुवा
६५. सगरमाथा सिमेन्ट प्रालि हटिया, मकवानपुर
६६. घोरही सिमेन्ट उद्योग घोराही दाङ
६७. सोनापुर सिमेन्ट प्रालि दाङ
६८. रोल्पा सिमेन्ट प्रालि बुढागाउँ रोल्पा
६९. रोवष्ट इनर्जी प्रालि (मिष्ठी खोला जलविद्युत आयोजना) म्याग्दी
७०. रोड सो रियल स्टेट प्रालि कास्की
७१. सैबु भिलेज रिसोर्ट प्रालि भैंसेपाटी ललितपुर
ललितपुर
७२. नारायणी उष्ट प्रालि ललितपुर
७३. ओरियन्टल बिल्डर्स एन्ड डेभलपर्स प्रालि ललितपुर
७४. होमल्यान्ड हाउजिङ प्रा.िललितपुर
७५. सिभिल होम्स प्रालि ललितपुर काठमाडौं
७६. सैबु भिलेज रिसोर्ट प्रालि भैंसेपाटी ललितपुर
७७. पवनपुत्र सेक्युरिटी प्रालि ललितपुर
७८. उपहार हाउजिङ क.लि. बलम्बु काठमाडौं
७९. सिभिल इन्फ्रास्ट्रकचर काठमाडौं
८०. सिनर्जी प्रोपर्टिज डेभलप्र्स प्रालि दहचोक काठमाडौं
८१. एसबी कम्पनी प्रालि सीतापाइला, चितवन
८२. सांग्रिला हाउजिङ प्रालि काठमाडौं
८३. सि.ई कन्स्ट्रक्सन प्रालि काठमाडौं
८४. बागमती प्रपर्टी डिलर्स प्रालि. काठमाडौं भक्तपुर
८५. युरो इन्भेस्टमेन्ट् प्रालि काठमाडौं
८६. आयुषा डेभलपर्स प्रालि काठमाडौं
८७. कोहिनुर हिलहाउजिङ प्रालि काठमाडौं
८८. हेभेन्स भिलेज प्रालि काठमाडौं
८९. बृहत् इनभेन्टमेन्ट प्रालि काठमाडौं
९०. होमल्यान्ड हाउजिङ प्रालि काठमाडौं
९१. पदमा मर्चेन्ट कं. प्रालि सीतापाइला, काठमाडौं
९२. टावर हाउजिङ प्रालि काठमाडौं चितवन
९३. टचउड हाउजिङ प्रालि काठमाडौं
९४. सुभारम्भा हाउजिङ एन्ड डेभलपर्स प्रालि
९५. सीडी डेभलपर्स प्रालि काठमाडौं
९६. सिद्धार्थ हाउजिङ प्रालि काठमाडौं
९७. तनहुँ हाइड्रोपावर लि. तनहुँ
९८. लिवर्टी इनर्जी क.लि. लमजुङ
९९. काबेली इनर्जी पाँचथर
१००. हिमालय महालक्ष्मी गार्डेन प्रालि झापा
१०१. गिरिबन्धु टी–स्टेट प्रालि झापा
प्रधानमन्त्री ‘प्रचण्ड’ले प्रतिनिधिसभाबाट चौथो पटक विश्वासको मत पाए
काठमाडौं । प्रधानमन्त्री पुष्पकमल दाहाल ‘प्रचण्ड’ले प्रतिनिधिसभाबाट चौथो पटक विश्वासको मत पाएका छन् । प्रमुख प्रतिपक्षी दल नेपाली काँग्रेसको नाराबाजीबीच प्रधानमन्त्रीले विश्वासको मत पाएका हुन् ।
प्रधानमन्त्रीको पक्षमा १५७ र विपक्षमा शून्य मत पर्यो । मत दिन्न भन्ने पक्षमा १ मत परेको सभामुखले जानकारी गराए ।
नेकपा माओवादी केन्द्रका अध्यक्षसमेत रहेका ‘प्रचण्डलाई एमाले, रास्वपा, नेकपा एकीकृत समाजवादी, जसपाको समर्थन छ ।
सरकारमा सहभागी उपेन्द्र यादव नेतृत्वको जनता समाजवादी पार्टी नेपाल सरकारबाट बाहिरिएपछि प्रधानमन्त्रीले विश्वासको मत लिएका हुन् ।
उपप्रधान तथा गृहमन्त्री रवि लामिछानेमाथि छानबिन गर्न संसदीय समितिको माग गर्दै काँग्रेसले बेल घेराउ गरिरहेकै अवस्थामा सभामुखले विश्वासको मतको प्रक्रिया अगाडि बढाएका थिए ।
विश्वासको मत लिँदा पनि काँग्रेसले अवरोध गरिरहेपछि गतिविधि महँगो पर्ने चेतावनी दिँदै इतिहासको कलङ्कको रूपमा स्थापित हुने प्रधानमन्त्रीले बताएका थिए ।
संसदीय समिति हाम्रो बटमलाइन हो : कांग्रेस
काठमाडौँ। प्रमुख प्रतिपक्षी दल नेपाली कांग्रेसले सहकारी ठगी प्रकरणमा मुछिएका गृहमन्त्री रवि लामिछानेले आइतबार संसदमा दिएको अभिव्यक्तिका बारेमा प्रधानमन्त्रीको ध्यानाकर्षण गराउने निर्णय गरेको छ ।
सोमबार बिहान बसेको कांग्रेस संसदीय दलको बैठकले गृहमन्त्री लामिछानेले संसदमा दिएको अभिव्यक्तिका बारेमा प्रधानमन्त्री पुष्पकमल दाहाल प्रचण्डको ध्यान आकर्षण गराउने निर्णय गरेको कांग्रेस प्रमुख सचेतक रमेश लेखकले जानकारी दिए ।
प्रमुख प्रतिपक्षी नेपाली कांग्रेसले उपप्रधान तथा गृहमन्त्री रवि लामिछाने सदनमा हिंस्रक ढंगले प्रस्तुत भएको निष्कर्ष निकालेको छ। गृहमन्त्री लामिछानेले आइतबार प्रतिनिधि सभा बैठकमा आफूमाथि लागेका आरोपबारे जबाफ दिएका थिए। सो क्रममा गृहमन्त्रीले असत्य र कपोलकल्पित कुरा राखेको कांग्रेसको भनाइ छ।
संघीय संसद भवन नयाँ बानेश्वरको ल्होत्से हलमा सोमबार बिहान बसेको संसदीय दल बैठकले गृहमन्त्री लामिछाने हिंस्रक ढंगले सदनमा प्रस्तुत भएको निष्कर्ष निकालेको प्रमुख सचेतक रमेश लेखकले जानकारी दिए।
‘हिजो गृहमन्त्रीजीले प्रतिनिधि सभामा जे कुरा बोल्नुभएको छ, त्यो यो असत्य, असभ्य, भ्रामक, कपोलकल्पित र हिस्रक ढंगले उहाँ प्रस्तुत हुनुभएको छ,’ उनले भने, ‘उपप्रधानमन्त्री र गृहमन्त्रीजस्तो जिम्मेवार पदमा बसेको मानिसले अर्कालाई प्रश्न सोध्ने होइन, उहाँकामाथि उठेका प्रश्नको जवाफ दिने हो।’
गृहमन्त्री लामिछानेले अरूका बारेमा तथाकथित विषय उठाएको पनि उनले बताए। ‘अरूका बारेमा तथाकथित विषय उठाएर उहाँ आफूमाथि लागेको अभियोगबाट भाग्ने पर्यत्न गर्नुभयो,’ उनले भने, ‘गृहमन्त्रीका अभिव्यक्तिका प्रति घोर निन्दा र भर्सना गरेका छौं।’
उनले गृहमन्त्री लामिछानेले सदनमा दिएका अभिव्यक्तिलाई लिएर प्रधानमन्त्री पुष्पकमल दाहाल ‘प्रचण्ड’ को ध्यानाकर्षण गराइने पनि बताएका छन्।
‘कांग्रेसलाई लक्षित गरेर गृहमन्त्रीजीले जे-जे आरोप लगाउनुभएको छ त्यसमा निष्पक्ष, स्वतन्त्र छानबिन र अनुसन्धान गरेर प्रमाणित गर्न कांग्रेस खुला छ,’ लेखकले भने।
कांग्रेसले संसदीय छानबिन समिति आफूहरूको बटमलाइन भएको भन्दै विश्वास मत लिन आउनुअघि नै समिति बनाउन प्रधानमन्त्रीलाई आग्रह गरेको छ।
प्रचण्डलाई विश्वासको मत दिन रास्वपाको ह्विप
काठमाडौं । प्रधानमन्त्री पुष्पकमल दाहाल ‘प्रचण्ड’लाई विश्वासको मत दिन राष्ट्रिय स्वतन्त्र पार्टीले ह्विप जारी गरेको छ।
सोमबार बसेको रास्वपा संसदीय दलको बैठकले प्रधानमन्त्री प्रचण्डलाई विश्वासको मत दिन ह्विप जारी गरेको हो।
प्रधानमन्त्री प्रचण्डले आज प्रतिनिधि सभामा विश्वासको मत लिँदै छन्। नेपालको संविधानको धारा १०० को उपधारा २ बमोजिम प्रधानमन्त्री प्रचण्डले विश्वासको मत लिन लागेका हुन्।
फेरी बढ्यो सुनचाँदीको मूल्य
काठमाण्डौँ । नेपाली बजारमा आज सुनचाँदीको मूल्य बढेको छ ।
नेपाल सुनचाँदी व्यवसायी महासङ्घका अनुसार छापावाला सुन आइतबारतोलामा रु एक लाख ४० हजार नौ सयमा कारोबार भएकामा आज भने तोलामा नौ सय रुपैयाँले बढ्दै एक लाख ४१ हजार ८ सय निर्धारण भएको छ ।
तेजावी सुनको मूल्य प्रतितोला एक लाख ४१ हजार १०० रुपैयाँ रहेको छ । त्यस्तै, आज चाँदीको मूल्य पनि बढ्दै तोलामा एक हजार ९४० रुपैयाँ कायम भएको महासङ्घले जनाएको छ ।
इरानी राष्ट्रपति रइसीको हेलिकोप्टर दुर्घटनामा निधन
काठमाडौं ।हेलिकोप्टर दुर्घटनामा इरानका राष्ट्रपति इब्राहिम रइसीको निधन भएको छ। उक्त दुर्घटनामा इरानका विदेशमन्त्री हुसेन अमिर अब्दुल्लाहियानको पनि मृत्यु भएको छ।
आइतबार भएको हेलिकप्टर दुर्घटनामा राष्ट्रपति रइसी र विदेशमन्त्री अब्दुल्लाहियानको मृत्यु भएको इरानी सरकारी सञ्चारमाध्यमहरूले पुष्टि गरेका छन् ।
राष्ट्रपति रइसी, विदेशमन्त्री अब्दुल्लाहियानलगायत सवार हेलिकप्टर आइतबार इरानको उत्तरपश्चिमी क्षेत्रमा दुर्घटना भएको थियो। हेलिकोप्टरमा बडिगार्ड, पाइलट, को-पाइलट, सुरक्षा प्रमुखलगायत अधिकारी पनि सवार थिए।
राष्ट्रपति रइसी र विदेशमन्त्री अबदुल्लाहियान चढेको हेलिकप्टर सम्पर्कविहीन भएको १५ घन्टापछि दुर्घटनाग्रस्त अवस्थामा सोमबार बिहान भेटिएको थियो।
राष्ट्रपति र विदेशमन्त्री सवार हेलिकप्टर खोज्न २० वटा भन्दा बढी उद्धार टोली खटिएका थिए। टर्की र रूसले पनि हेलिकप्टर खोज्नका लागि सहयोग गरेको थियो।
बाजुरा एमाले अध्यक्षमा ओली विजयी, उपाध्यक्ष बोहरा
धनगढी । नेकपा एमालेको बाजुरा जिल्ला कमिटीको अध्यक्षमा लालबहादुर ओली विजयी भएका छन् । अध्यक्षका पदका प्रतिस्पर्धी उम्मेदवार भरत थापालाई ओलीले १५ मतले पराजित गरेका हुन् । ओलीले कुल ४२५ खसेका मतमा २१८ मत प्राप्त गरेका छन् भने थापाले २०३ मत पाएका छन् ।
यस्तै उपाध्यक्ष पदमा जनकबहादुर बोहरा, सचिवमा काँशीबहादुर बिक, उपसचिवमा हरिबहादुर रोकाया र उपसचिव महिलामा राजकला सार्की विजयी भएकी छिन् । उनीहरू सबै ओली प्यानलबाट उम्मेदवारी दिएकाहरू हुन् ।
उपाध्यक्षमा निर्वाचित रोकाया बुढीनन्दा नगरपालिकाका नगर प्रमुख, र उपसचिवमा निर्वाचित रोकाया गौमुल गाउँपालिका अध्यक्ष र सार्की हिमाली गाउँपालिका उपाध्यक्ष हुन् । सदस्य पदको गणना हुन भने बाँकी छ । अधिवेशन जेठ १ गतेदखि सुरु भएको थियो ।
यस्तो छ तपाईंको ७ जेष्ठ २०८१, सोमबार आजको राशिफल
मेष : आज समय शुभ छ । पारिवारिक सम्बन्ध सुदृढ बन्नेछ । व्यापार र व्यवसायका क्षेत्रमा उन्नति प्रगतिको वातावरण बन्नेछ । जग्गा जमिनको कारोबार गर्दा राम्रो प्रतिफल आउन सक्छ । सामाजिक क्षेत्र र नोकरीबाट मानसम्मान मिल्नेछ । विदेशको काममा सफलता मिल्नसक्छ । खर्च भने बढ्न सक्छ ।समय शुभ छ उपयोग गर्नुहोला ।
वृष : खर्च बढ्ने दिन छ। सकेसम्म खर्च कटौती गर्नु राम्रो हुनेछ। लगानीका अवसर धेरै भएकाले लगानी गर्दा सचेत हुनुपर्ने देखिन्छ। शिक्षामा उत्कृष्ट नतिजा प्राप्त हुनेछ। परिवारको साथ मिल्नेछ। प्रेम सम्बन्ध सुमधुर बन्नेछ।
मिथुन : मनमा उत्साह बढ्नेछ। स्वास्थ्यमा लाभ हुनेछ। शिक्षा क्षेत्रमा प्रगति हुनेछ। वैदेशिक क्षेत्रको लगानीबाट नाफा हुने दिन छ। परिवारसँगको सम्बन्धमा भने खटपटी बढ्ने देखिन्छ। व्यवहार गर्दा सचेत हुनु राम्रो हुन्छ।
कर्कट : आम्दानीका स्रोत धेरै भए पनि निर्णय क्षमतामा देखिएको कमजोरीले सोचेजस्तो फाइदा नहुनसक्छ। तपाईंलाई अगाडि बढाएर बाटोमा अलपत्र पार्ने साथी सक्रिय भएकाले संगत गर्दा विवेक पुर्याउनु राम्रो हुनेछ। आफन्तबाट धोका हुने जोखिम छ। ठुला उद्योग धन्दामा लगानी नगर्नु राम्रो हुनेछ।
सिंह : योजना गोप्य ढंगले अगाडि बढाउनु राम्रो हुनेछ। परिवारको सुझाव लिएर सुरुवात गरेको कामले फाइदा हुनेछ। शिक्षा क्षेत्रमा गरेको लगानीबाट उन्नति हुनेछ। प्रेम सम्बन्ध सुमधुर बन्नेछ। व्यापारमा फाइदा हुनेछ।
कन्या : दिन रमाइलो छ। भौतिक सुख प्राप्त हुनेछ। लगानीको क्षेत्रमा फाइदा हुनेछ। प्रतिस्पर्धी कमजोर बन्नेछन्। शिक्षा क्षेत्रमा गरेको लगानीबाट उन्नति हुनेछ। परिवारको साथले व्यापार बढ्नेछ।
तुला : आज अधुरा काम पूरा हुने दिन छ। शिक्षा क्षेत्रमा गरेको लगानीबाट सफलता प्राप्त हुनेछ। स्वास्थ्य क्षेत्रमा सुधारका संकेत देखिनेछन्। सामाजिक क्षेत्रमा सेवाको मौका मिल्नेछ। परिवारसँगै बसेर रमाइलो गर्ने दिन छ।
वृश्चिक : आफ्नो महत्त्व बुझ्न नसक्दा समस्या बढ्ने देखिन्छ। लगानीका क्षेत्रमा अगाडि बढ्नु भन्दा भएको सम्पत्ति जोगाउन सक्रिय हुनुपर्नेछ। साथीले नै आक्रमण गर्ने भएकाले व्यवहार गर्दा सचेत बन्नुपर्नेछ। परिवारको साथ प्राप्त हुनेछ।
धनु : दैनिकी रमाइलो छ। गुम्न लागेको धन प्राप्त हुनेछ। श्रमको उचित मूल्यांकन हुने दिन छ। लगानीका क्षेत्रमध्ये वैदेशिक क्षेत्रमा नाफा हुनेछ। प्रेम सम्बन्ध सुमधुर बन्नेछ। परिवारको साथ प्राप्त हुनेछ।
मकर : दैनिकी सहज हुनेछ। आफन्तको साथ पाइने योग छ। श्रम गरेको ठाउँबाट सन्तुष्टि मिल्नेछ। सामाजिक क्षेत्रमा विवाद हुने जोखिम रहेकाले बोल्दा ख्याल गर्नु राम्रो हुनेछ। शिक्षाको लगानीले उत्साह थप्नेछ।
कुम्भ : चन्द्रमा भाग्यको स्थानमा पुगेकाले पूर्व योजना सफल हुनेछन्। चुनौती आए सामना गरेर अगाडि बढ्नु राम्रो हुनेछ। स्वास्थ्यमा गढबढी हुने भएकाले खानपानमा ख्याल गर्नुपर्नेछ। कुनै पनि योजना परिवारबाट नलुकाउनु राम्रो हुनेछ।
मीन : साढेसाती शनिको सुरुवात भएको छ। यसबाट जोगिन थोरै भए पनि दान गर्नु राम्रो हुनेछ। शिक्षाको क्षेत्रमा सफलता मिल्नेछ। परिवारसँगको सम्बन्ध उत्साहपूर्ण बन्नेछ भने प्रेम सम्बन्ध सुमधुर हुनेछ।
