Month: February 2022

रौतहट २ जेष्ठ। रौतहटको सम्पूर्ण पालिका पूर्ण खोप सुनिश्चितता पालिका घोषणा गरिएको छ। कटहरिया नगरपालिका संगै जिल्लाको सम्पुर्ण पालिका पूर्ण खोप सुनिश्चितता पालिका घोषणा गरिएको हो। बुधबार एक विशेष समारोह वीच” पूर्ण खोप सुनिश्चितता हाम्रो प्रतिबद्धता’ भन्ने मूल नाराका साथ कटहरिया नगरपालिका पुर्ण खोप सुनिश्चितता पालिका घोषणा गरिएको हो । कटहरिया संगै जिल्लाको सबै १६ नगरपालिका र दुई गाँउपालिका पुर्ण खोप सुनिश्चितता पालिका घोषणा गरिएको छ।
कटहरिया नगरपालिकाको स्वास्थ शाखा द्वारा आयोजित कार्यक्रममा जिल्ला समन्वय समिति एवं खोप समन्वय समिति रौतहटका सभापति रामअयोध्या यादव र जिल्ला स्वास्थ्य कार्यालयकाको चेन कोल्ड अधिकृत अनिल कर्णले संयुक्त रूपमा पूर्ण खोप सुनिश्चितता घोषणा गरेका थिए। समन्वय प्रमुख यादवले मेयर अजयप्रकाश जैसवाल लाई पूर्ण खोप सुनिश्चितता प्रमाणपत्र हस्तान्तरण गरेका थिए।
लगत्तै कार्यक्रमका प्रमुख अतिथि यादव र मेयर जैसवालले नौ वटै वडाका वडा अध्यक्षहरु लाई खोप सुनिश्चितताको प्रमाणपत्र हस्तान्तरण गरेका थिए।
नगरलाई पुर्ण खोप सुनिश्चितता घोषण गर्न सहयोग गर्ने सम्पूर्ण कर्मचारी तथा स्वयंशेविकालाई मेयर जैसवालले कदर पत्र प्रदान गरेका थिए।
कार्यक्रममा जिल्ला समन्वय समिति तथा खोप समन्वय समितिका अध्यक्ष राम अयोध्या प्रसाद यादव, मेयर अजयप्रकाश जैसवाल,नगरपालिका प्रमुख प्रशासकीय अधिकृत उपसचिव सुरेन्द्र प्रधान, स्वास्थ शाखा प्रमुख शंकर यादव, ९ वडाका वडाध्यक्ष लगायत डब्लु. एच. ओ.को प्रतिनिधि आशा चौधरी ,जनप्रतिनिधिको उपस्थिति रहेको थियो ।
रौतहटका १८ पालिका मध्ये १७ पालिक यस अघिनै पूर्णखोप सुनिश्चितता घोषणा गरिएको थियो।

सुनसरी । सुनसरीको देवानगंज गाउँपालिका-५ मेहता टोलबाट अवैध लागूऔषध गाँजा ४ सय ४० किलोग्राम, १ लाख ५० हजार भारतीय रूपयाँ र ५२ हजार नेपाली रूपैयाँसहित ३ जनालाई मंगलबार राति प्रहरीले पक्राउ गरेको छ ।

पक्राउ पर्नेहरूमा मकवानपुर भिमफेदी नगरपालिका-१४ बस्ने २५ वर्षीय चन्द्र बहादुर पाख्रिन, मोरङ लेटाङ नगरपालिका-६ बस्ने बल बहादुर लिम्बु र सुनसरी देवानगंज गाउँपालिका-४ बस्ने ३० वर्षीय अरबिन्द पाल रहेका छन् ।

इलाका प्रहरी कार्यालय साहेबगंजबाट खटिएको प्रहरीले राजगंज सिनबारीबाट साहेबगंजतर्फ जाँदै गरेको को.१ ख ७१२३ नम्बरको मिनि ट्रकलाई जाँच गर्ने क्रममा १३ वटा बोरामा रहेको उक्त परिमाणको गाँजा फेला पारी ट्रक चालक चन्द्र बहादुर तथा ट्रकमा सवार  बल बहादुर र अरबिन्दलाई पक्राउ गरेको हो । 

त्यस्तै मोरङको बिराटनगर महानगरपालिका-१७ आइसिपी रोडबाट अवैध लागूऔषध गाँजा २ सय ५० किलोग्रामसहित धनकुटा सहिदभुमी गाउँपालिका-३ बस्ने १८ वर्षीय किशोरलाई मंगलबार राति प्रहरीले पक्राउ गरेको छ । उक्त स्थानमा प्रदेश १-०२-०२ च. ६३३१ नम्बरको पिकअप भ्यानमा गाँजा अनलोड गर्दै गरेको भन्ने सूचनाको आधारमा जिल्ला प्रहरी कार्यालय मोरङ र इलाका प्रहरी कार्यालय रानीबाट खटिएको प्रहरीले पिकअपका चालक ती किशोरलाई उक्त गाँजासहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

काठमाडौँ । नेपाल प्रहरीका ६४ जना वरिष्ठ नायव निरीक्षक पदमा बढुवा सिफारिस भएका छन् ।

मंगलबार बसेको बढुवा समितिको बैठकले उनहरूलाई बढुवाका लागि सिफारिस गरेको हो । प्रहरी नियमावली, २०७१ (संशोधन सहित) को नियम २७ को उपनियम (४) बमोजिम बढुवा सूची प्रकाशन गरिएको प्रहरी प्रधान कार्यालयले जानकारी दिएको छ ।

हेर्नुहोस् सूची

रौतहट २ जेठ। रौतहट स्थित सशस्त्र प्रहरीलाई सफलता मिलेको छ। सशस्त्र प्रहरीको गस्ती टोलीले साढे ९ लाखको अबैध भारतीय सामान,४ वटा मोटरसाइकल सहित एकजना भारतीय तस्कर लाई पक्राउ गर्न सफल भएको छ।

सशस्त्र प्रहरी बल ११ नम्बर हेक्वा रौतहट र मातहतका युनिटबाट खटिगएको गस्ती टोलीले उक्त सामान मोटरसाइकल सहित तस्करलाई पक्राउ गरेको हो।

भारतीय बजारबाट ९ लाख ४५ हजार १३२ रुपैया बराबरको फेन्सी कपडा, किराना, धानको बीउ लगायत बिभिन्न सामानहरू बा५१ प ९९९३,भे२ प ४३८९, विआर ०५ क्यू ९४६२ र विआर २२ एम ६११२ नम्बरको मोटरसाईकलमा राखेर भन्सार छली ल्याउँदै गरेको अवस्थामा सीमाक्षेत्र बाट भारत बिहार घोडासहन पञ्चायत ११ बस्ने बर्ष ३४ का तस्कर सन्तोष कुमार लाई गस्ती टोलीले पक्राउ गरेको सशस्त्र प्रहरी रौतहटका प्रमुख एसपी बिक्रम हुमागाईंले बताएका छन्।

अन्य तीनजना मोटरसाईकल चालक तस्कर गस्ती टोलीलाई हेरेर मोटरसाईकल सहित सामान फालेर भारत तर्फ भाग्न सफल भएको एस्पी हुमागाईंले जानकारी दिएका छन्।
बरामद सामान मोटरसाईकल सहीत तस्कर सन्तोष लाई आवश्यक कारवाहीको लागि जिल्ला भन्सार कार्यालय गौरमा बुझाईएको सशस्त्र प्रहरी ११ नम्बर हेक्वा रौतहटले जारी गरेको सूचनामा उल्लेख गरिएको छ। पछील्लो समय प्रहरीको गस्ती टोलीले धमाधम अबैध सामान सहित तस्कर लाई पक्राउ गरिरहेको देखिएको छ।

मेष :समय राम्रो छ। बोलीको प्रभावले धेरै मानिस आकर्षित हुनेछन्। सामाजिक र राजनीतिक क्षेत्रबाट प्रगति हुनेछ। शिक्षामा सफलता मिल्नेछ। परिवारको साथ मिल्नेछ। व्यापार व्यवसायमा फाइदा हुनेछ।

वृष : दाजुभाइमा आत्मीयता बढ्नेछ भने प्रेम र मित्रताको बन्धनसमेत कसिलो हुनेछ। लगानी गर्दा व्यवसायमा मनग्गे धनलाभ हुनेछ। मिहिनेतले दिगो फाइदा दिलाउन सक्छ। पहिलेका प्रतिस्पर्धीहरू सहयोगीका रूपमा देखा पर्नेछन्। साँझतिर साथीभाइमा असमझदारी बढ्नाले लक्ष्यमा पुग्न समस्या पर्नेछ। आफन्तजनको विश्वास पनि गुम्न सक्छ।

मिथुन : नयाँ जिम्मेवारी प्राप्त हुनुका साथै काममा ठूलै फड्को मार्न सकिनेछ। मनग्य धनलाभ हुनाले पारिवारिक आवश्यकता पूर्ति हुनेछ। रोकिएको काम सम्पादन हुनेछ। साझेदारी र सट्टापट्टामा विशेष लाभ मिल्न सक्छ। श्रमको उचित मूल्यांकन हुनेछ। सञ्चित धन उपयोग गर्दा पनि फाइदा हुनेछ। साँझतिर विवादास्पद जिम्मेवारी सुल्झाउन जुट्नुपर्ने हुन सक्छ।

कर्कट : मनमा अशान्ति बढ्नेछ। जुनसुकै काममा पनि झन्झट आइलाग्न सक्छ। साथीले शंकाले हेर्नेछन्। आफू सकारात्मक बनेर काम गर्नुपर्ने दिन छ। परिवारसँगको सम्बन्ध सुमधुर होला। वैदेशिक लगानीबाट भने घाटा हुने देखिन्छ।

सिंह : बौद्धिक क्षेत्रको प्रयास सफल हुने योग छ। गुरुको सुझाव अनुसार अगाडि बढ्नु राम्रो हुनेछ। प्राप्त भएको धन जोगाउनतर्फ लाग्नुपर्ने समय छ। प्रेम सम्बन्ध सुमधुर बन्नेछ। विदेशको लगानीले मनमा उत्साह थप्नेछ।

कन्या : पुराना साथी र आफन्तसँग भेट हुनेछ। नयाँनयाँ कामको थालनी गर्ने समय छ। स्वास्थ्य र शिक्षा क्षेत्रमा गरेको लगानीबाट फाइदा हुनेछ। परिवारमा विवाद बढ्ने देखिन्छ। शान्त बसेमा परिवार भित्रको झगडा मिलाउन सक्नुहुनेछ।

तुला : आफ्नो काम आफै गर्नु राम्रो हुनेछ। कुनै योजना बनेको भए गोप्यता कायम राख्नु राम्रो हुन्छ। परिवारमा मेलमिलाप हुनेछ। व्यापार र शिक्षा क्षेत्रमा उपलब्धि नहुने देखिन्छ।

वृश्चिक : दैनिकी चुनौतीपूर्ण छ। खुट्टा तान्नेहरु सक्रिय हुनेछन्। तपाईंको अगाडि मिठो बोल्नेहरु असफल बनाउन सक्रिय छन्। समस्यालाई चिर्दै अगाडि बढे समाधानको बाटो खुल्नेछ। आर्थिक र सामाजिक क्षेत्र सबल छन्। परिवारसँगको सम्बन्ध सुमधुर बन्नेछ।

धनु : स्वास्थयमा सुधार हुनेछ। सामाजिक क्षेत्रमा सम्मान प्राप्त हुनेछ। वैदेशिक क्षेत्रमा भने सोचे भन्दा विपरीत नतिजा प्राप्त हुनेछ। परिवारको सहयोग मिल्नेछ। प्रेम सम्बन्ध सुमधुर बन्नेछ।

मकर : आर्थिक क्षेत्रमा सफलता मिल्नेछ। शिक्षामा प्रगति हुनेछ। बोल्दा ख्याल नगरेमा आफ्नै बोलीले समस्या पार्ने देखिन्छ। परिवारको साथ र सहयोग प्राप्त हुनेछ। व्यापारमा घाटा होला।

कुम्भ : तपाईंलाई शंकाको दृष्टिले हेर्ने धेरै छन्। जुनसुकै काम गर्दा पनि जोगिएर गर्नु राम्रो हुनेछ। परिवारको साथ र सहयोग प्राप्त हुनेछ। आज शनि शान्तिको पूजा गर्नु राम्रो हुनेछ।

मीन : खर्च बढ्ने योग छ। काममा अवरोध हुने भएकाले सचेत बन्नुपर्ने देखिन्छ। अवरोध भइहाले शान्त भएर संघर्ष गर्नु राम्रो हुनेछ। परिवारको साथ र सहयोग प्राप्त हुनेछ। प्रेम सम्बन्ध सुमधुर बन्नेछ।

काठमाडौ । कोरिया सरकारले पोखरामा हरित रोजगारी सिर्जनाका निम्ति ९८ लाख अमेरिकी डलर प्रदान गर्ने भएको छ ।

सहयोगसम्बन्धी समझदारीपत्रमा नेपालका लागि कोरियाका राजदूत तेयोङ पार्क र अर्थसचिव मधुकुमार मरासिनीले मङ्गलबार अर्थ मन्त्रालयमा आयोजित एक कार्यक्रममा हस्ताक्षर गरे।

कोरियाली अन्तर्राष्ट्रिय सहयोग निकाय (कोइका)मार्फत उक्त रकम पोखरा महानगरपालिकालाई प्रदान गरिनेछ । महानगरपालिकासँगको सहकार्यमा फोहरमैला व्यवस्थापनका माध्यमबाट हरित रोजगारी सिर्जना गरिनेछ । हरित रोजगारी परियोजना राष्ट्रसङ्घीय विकास कार्यक्रम (युएनडिपी)मार्फत सञ्चालन हुनेछ ।

त्यस अवसरमा अर्थसचिव मरासिनीले नेपालको सामाजिक–आर्थिक विकासमा कोरियाबाट निरन्तर सहयोग प्राप्त भएकामा कृतज्ञता व्यक्त गरे ।

राजदूत पार्कले परियोजनाका माध्यमबाट नेपालको आर्थिक विकासमा योगदान पुग्ने विश्वास व्यक्त गरे । उनले कोरिया र नेपालबीच कूटनीतिक सम्बन्ध स्थापनाको ५० वर्ष पुगेको सन्दर्भमा आपसी सहयोग विस्तारमा जोड दिइएको उल्लेख गर्दै नेपाल कोरियाको प्राथमिकताप्राप्त देश भएकाे बताए ।