Month: February 2022

काठमाडौं । आज असार १८ गते मंगलबार । नेपाल राष्ट्र बैंकका अनुसार आज अमेरिकी डलर एकको खरिद दर १३३.२१ रुपैयाँ रहेको छ भने बिक्री दर १३३.८१ रुपैयाँ रहेको छ । त्यस्तै युरोपियन युरो एकको खरिद दर १४३.१७ रुपैयाँ रहेको छ भने बिक्री दर १४३.८२ रुपैयाँ रहेको छ ।

यता बेलायती पाउन्ड स्टर्लिङ एकको खरिद दर १६८.८० रुपैयाँ रहेको छ भने बिक्री दर १६९.५६ रुपैयाँ रहेको छ । अस्ट्रेलियन डलर एकको खरिद दर ८८.८८ रुपैयाँ रहेको छ भने बिक्री दर ८९.२८ रुपैयाँ रहेको छ ।

साउदी रियाल एकको खरिद दर ३५.५१ रुपैयाँ रहेको छ भने बिक्री दर ३५.६७ रुपैयाँ रहेको छ । मलेसियन रिंगिट एकको खरिद दर २८.२६ रुपैयाँ रहेको छ भने बिक्री दर २८.३९ रुपैयाँ रहेको छ ।

काठमाडौं । गृहमन्त्री रविलामिछानेलाई निलम्बन माग गरिएको रिटमा आज अन्तिम बहस हुँदैछ ।

न्यायाधीशद्वय सपना प्रधान मल्ल र सारङ्गा सुवेदीको इजलासमा पेशी रहेको मुद्दामा असार ७ गते बहस नसकिएपछि हेर्दा हेर्दैमा राखिएको थियो।

अधिवक्ता अनुपम भट्टराईले दर्ता गराएको रिटमा रिट निवेदक र सरकारी वकिलको मात्र बहस सकिएपछि हेर्दाहेर्दैमा राखिएको थियो। मंगलबार लामिछानेका तर्फबाट बहस हुनेछ। ।

जवाफी बहस सकेर फैसला सुनाउने छ।

काठमाडौँ । आज देशभरको मौसम साधारणतया देखि पूर्णतया बदली रहने पूर्वानुमान भएको छ । मौसम पूर्वानुमान महाशाखाका अनुसार देशैभरका धेरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ ।

साथै कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा भारी वर्षाको पनि सम्भावना रहेको छ। बागमती, गण्डकी र लुम्बिनी प्रदेशका एक–दुई स्थानमा धेरै भारी वर्षाको पनि सम्भावना रहेको छ ।

ती क्षेत्रमा हुन सक्ने गेग्रान बहाव, बाढी, पहिरो तथा भू–क्षयका जस्ता प्रकोपको जोखिम वा क्षतिबाट बच्न तथा यस बाट ती क्षेत्रहरूमा दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकोले आवश्यक सतर्कता अपनाउनु हुन महाशाखाको अनुरोध छ ।

काठमाडौं । नेकपा(एमाले) र नेपाली कांग्रेसबीच नयाँ सरकार गठनको सहमति भएको छ । मध्यरातमा भएको सहमति अनुसार नेपाली कांग्रेसले केपी ओलीलाई प्रधानमन्त्री बनाएर अगाडि सार्ने सहमति भएको स्रोतले बताएको छ ।

सरकार गठनबारे मध्यरातमै राष्ट्रपति रामचन्द्र पौडेलसँग मध्यरातमै छलफल भएको बुझिएको छ । मध्यरातमा एक होटलमा दुई दलका नेताहरूले एक आपसमा बसेर र सामूहिक रूपमा सहमतिलाई अन्तिम रूप दिएको थियो ।

मध्यरातमा भएको सहमतिमा चुनावी सरकारको नेतृत्व कांग्रेसले गरि केपी ओलीलाई प्रधानमन्त्रीमा अघिसारको हो । स्रोतका अनुसार एमालेले प्रधानमन्त्री, अर्थसहितका मन्त्रालय पाउने र कांग्रेसले गृहसहितका मन्त्तालय पाउने बुझिएको छ ।

काठमाडौं । आज बसेको मन्त्रीपरिषद्को बैठकमा प्रधानमन्त्री पुष्पकमल दाहाल प्रचण्डले बर्तमान सरकार लामै समय जाने ब्रिफिङ गरेका छन् ।

बैठकमा प्रधानमन्त्रीले सत्ता गठबन्धनमा असमझदारी आयो भनेर बाहिर भएको चर्चामा कुनै पनि सत्यता नरहेको बताएका सरकारकी प्रवक्ता रेखा शर्माले बताइन् ।

प्रवत्ता शर्माले राष्ट्रिय सहमतिको सरकार बनाउने विषयमा कुनैपनि छलफल नभएको बताएकी छिन् ।

प्रवत्ता शर्मा भनिन्, ‘प्रधानमन्त्रीले बाहिर चर्चामा आएको विषयको ब्रिफिङ गर्नुभयो । ओली र प्रधानमन्त्रीको छलफल भएको छ । बाहिर असमझदारी बढ्यो भनेर आएका कुरा असत्य हुन् यो गठबन्धन लामै समय जाने जानकारी गराउनुभएको छ ।’

काठमाडौं । आज बसेको मन्त्रीपरिषद्ले धितोपत्रबार्डको अध्यक्ष चयनका लागि पुरानै समिति गठन गरेको छ । मिनवहादुर श्रेष्ठको अध्यक्षता गठन भएको समितिको मधु मरासिनी र उदय निरौला सदस्य छन् । श्रेष्ठ राष्ट्रिय योजना आयोगका उपाध्य हुन, मरासिनी अर्थमन्त्रालयका सचिव र निरौला प्राध्यापक हुन् ।

यसअघि पनि सोही समितिले काम गरेको थियो ।

नवगठित समितिले मंगलवारबाटै काम गर्ने बताइएको छ ।

काठमाडौं । सुदूरपश्चिम प्रदेश सरकारमा रहेको नागरिक उन्मुत्ति पार्टी (नाउपा)का दुई मन्त्री फिर्ता भएका छन् । नाउपाका सुदूरपश्चिम संसदीय दलका नेता घनश्याम चौधरीले दुवै मन्त्रीलाई सरकारबाट फिर्ता हुन पत्राचार गरेर फिर्ता बोलाएका हुन् ।

नाउपाबाट सुदूरपश्चिम सरकारमा कैलाश चौधरी भौतिक पूर्वाधार तथा यातायात मन्त्रालय मन्त्री छन् भने टीका थापाले कृषि तथा भूमि सुधार मन्त्री छिन् ।

दलका नेता घनश्याम चौधरीले उनीहरू दलको निर्णयविरुद्धमा सरकारमा गएकोले फिर्ता हुन पत्राचार गरेको बताए ।

काठमाडौं । नेकपा एकीकृत समाजवादीको १० औं माधिवेशन जारी छ । आजबाट बन्दसत्र समेत सुरु भएको छ । अध्यक्ष बन्नका लागि दौडमा रहेका सम्मानीत नेता अब, दौडबाट बाहिरीएका छन् ।

खनाल अध्यक्ष माधवकुमार नेपालसँगको सहमतिमा सम्माति नेतामा नै राजी भएको खनाल निकट स्रातले बताएको छ ।

काठमाडौं । प्रधानमन्त्री पुष्पकमल दाहाल र नेकपा(एमाले)का अध्यक्ष केपी शर्मा ओलीबीच भेटवार्ता भएको छ । प्रधानमन्त्री निवास बालुवाटरमा दुई नेताबिच भेट भएको हो ।

यसअघि आइतबार पनि दुई नेतासहित उपप्रधान तथा गृहमन्त्री रवि लामिछानेबीच सिंहदरबारमा छलफल भएको थियो ।

शनिबार अध्यक्ष ओली र नेपाली कांग्रेसका सभापति शेरबहादुर देउवाबीचको भेट पश्चात सत्ता समीकरणबारे उठेका आशंकाबीच दुई नेताको भेटघाट बाक्लिएको हो ।