Month: February 2022

काठमाडौं । आगामी भदौ २४ गतेदेखि प्रधानसेनापति प्रभुराम शर्माको तीन वर्षे कार्यकाल समाप्त हुँदै छ । कार्यकाल समाप्त हुन लागेसँगै उनी शुक्रबारदेखि घरविदामा बस्न लागेका छन् ।

प्रधानसेनापति शर्माले आफ्नो कार्यकाल समाप्त हुन लागेसँगै आफ्ना कार्यकालकामा भएका प्रगति विव।ण सार्वजनिक गरेका छन् ।

उनले बुधबार सकल दर्जालाई सम्बोधन गर्दै आफ्नो कार्यकालका उपलब्धिबारे जानकारी गराएका हुन्।

आफ्नो कार्यकालका लागि निर्धारण गरिएका लक्ष्य र प्राप्त उपलब्धिको समीक्षा गर्दै प्रधानसेनापति शर्माले सदैव इमान्दारिता, वफादारिता, निःस्वार्थ भाव र निरन्तर परिश्रमलाई मूलमन्त्रको रूपमा अंगीकार गरी कार्य जिम्मेवारी पूरा गर्न निर्देशन दिएका छन् ।

उनले भने– ‘व्यक्तिगत स्वार्थभन्दा संस्थागत स्वार्थलाई शिरोपर गरी राष्ट्र तथा संगठनको हितअनुरूप कार्य गर्नुहोला। भावी प्रधानसेनापतिलाई पनि मलाई जस्तै साथ र सहयोग मिल्ने विश्वास लिएको छु ।,’

त्यस अवसरमा नेपाली सेनाले निर्माण जिम्मा लिएका विभिन्न पूर्वाधार आयोजनाको प्रगति अवस्थाबारे प्रधानसेनापति शर्माले जानकारी गराएका थिए। काठमाडौँ–तराई मधेश द्रुतमार्गका १२ वटा प्याकेजको ठेक्का कार्य सुरू भएको, नौ वटा सुरुङमार्गमध्ये चार वटाको ‘ब्रेक थ्रु’ भइसकेका, पहिलोपल्ट अग्ला पुलको निर्माण कार्य अगाडि बढेकोलगायत विवरण उनले प्रस्तुत गरे।

राष्ट्रिय प्रतिरक्षा विश्वविद्यालयको प्रक्रियागत कार्य सम्पन्न भई भवन निर्माणको चरणमा गएको उनले जानकारी दिए। नेपाली सेनाले काम गरिरहेको कर्णाली करिडोरअन्तर्गत लालिबगर–दुल्लिकुन्ना ११ किलोमिटर खण्डको निर्माण कार्य सम्पन्न भई हुम्ला जिल्लाको सदरमुकाम सिमिकोट राष्ट्रिय सडक सञ्जालमा जोडिएको पनि प्रधानसेनापति शर्माले समीक्षा प्रतिवेदनमा उल्लेख छ।

काठमाडौं । नुवाकोटमा बुधबार भएको हेलिकप्टर दुर्घटनाको छानमिन गर्न जाँचबुझ आयोग गठन गरेको छ ।

आज बसेको मन्त्रिपरिषद्को आकस्मिक बैठकले नेपाली सेनाका वरिष्ठ पाइलट सुवास थापाको संयोजकत्वमा जाचबुझ आयोग गठन गरेको हो ।

त्यस्तै इलेक्ट्रिकल इन्जिनियर विष्णु बस्नेत र इलेक्ट्रिकल इन्जिनियर तमुजा पोखरेल जाँचबुझ आयोगको सदस्य रहने सञ्चारमन्त्री एवं सरकारका प्रवक्ता पृथ्वीसुब्बा गुरुङले जानकारी दिए ।

बुधबार दिउसो नुवाकोटको शिवपुरी गाउँपालिका–७ सूर्याचौरमा हेलिकप्टर दुर्घटना हुँदा चार चिनिया नागरिसहित पाँच जनाको मृत्यु भएको थियो ।

भक्तपुर । प्राविधिक शिक्षा तथा व्यवसायिक तालिम परिषद् (सिटिइभिटी)ले प्राविधिक जनशक्ति उत्पादन गराउने शिक्षा दिदै आएको छ । यो संस्थाको उपाध्यक्ष खगेन्द्र अधिकारीको चार वर्षको कार्यकाल असार १ गतेबाट सकिएको छ । तर, यहाँ नयाँ उपाध्यक्ष नियुक्तिको प्रकृया अगाडि बढाउन कसैले चासो देखाएका छैनन् ।

विद्यार्थी संघ संगठनको दुहुनो गाइ जस्तै यो संस्थामा क्षमतावान व्यक्तिको ठुलो आवश्यकता छ । कार्यकाल सकिएका उपाध्यक्ष अधिकारीले आफ्नो चार वर्षको कार्यकालमा खासै चित्त बुझ्दो काम गरेको देखिदैन ।

सिटिइभिटी भित्र एमाले इतर आस्था राख्नेहरुले तेह्रथुम, झापा, भोजपुर लगायतका स्थानमा पोलि टेक्निक ईन्स्टिच्युट बनाउन भरपुर मेहनत गरेर अधिकासं स्थानमा नतिजा दिए पनिउपाध्यक्ष अधिकारीले संस्था प्रति कुनै योगदान दिन नसकेको बुझिएको छ ।

अधिकारी झापा घर भएको नाता जोडेर बेला बेलामा बालकोट पुगेर संस्थाका गतिविधिहरु सबै मैले गरेको हो भनेर गलत रिपोर्टिङको बलमा फेरि उपाध्यक्ष हुने दौडमा लागेको एमाले वृत्तबाटै सुनिएको छ ।

आफ्नो कार्यकाल भरी नै कुनै काम गर्न नसकेका निजी कलेज संचालकसमेत रहेका अधिकारीलाई जागिर दिन की काम गराउन ल्याउने हो भन्ने विषय चौतर्फी टिप्पणी हुन थालेको छ ।

सरकार सफल भएको आम जनता बीच सन्देश राम्रो जाने गरिको क्षमतावान व्यक्ति आवश्यक परिरहेको बेला उनी नै फेरि दोहोरिन खोज्नु सिटिइभिटीको दुर्भाग्य हुने निश्चित नै छ ।

शिक्षालाई प्रविधिसँग, प्रविधिलाई सीपसँग, सीपलाई रोजगारीसँग जोडने उद्देश्यले अगाडि बढेको यो संस्था भित्र चर्को राजनीतिका कारण कामले भने अपेक्षित गति लिन सकेको छैन ।
अराजकता मौलाएको यो संस्था भित्रका हरेक महाशाखामा स्वार्थ केन्द्रित चलखेल हुन्छ भन्ने नागरिकको तहमा आउने गुनासो सम्बोधन गर्न सक्ने ब्यक्तिलाई उपाध्यक्ष बनाउनुपर्ने आवाज चौतर्फि उठेको छ ।
अधिकारी आफु दोहोरिन पाउँ भन्दै शक्तिकेन्द्र धाउन थालेको देख्नेहरु एमालेमा पद पाएर पनि नतिजा दिन नसक्ने अधिकारी मात्रै छ र ? भन्दै प्रश्न गर्न थालेका छन् ।

काठमाडौं । आज नुवाकोटमा भएको हेलिकप्टर दुर्घटनामा सवार पाँचै जनाको ज्यान गएको छ । क्याप्टेनसहित अन्य ४ चिनियाँ पर्यटकको ज्यान गएको हो ।
हेलिकप्टरमा पाइलट अरुण मल्ल थिए । अन्य चार जना चिनियाँ नागरिक रहेका छन् ।

काठमाडों । नुवाकोटमा भएको हेलिकप्टर दुर्घटनामा चार जनाको शव फेला परेको खबर प्राप्त भएको छ ।

एयर डाइनेस्टीको ९एन एजेडी हेलिकप्टर हेलिकप्टरमा पाँच जना सवार रहेको खुलेको खुलेको छ ।

बुधबार दुर्घटना भएको काठमाडौँबाट रसुवाको स्याफ्रुबेसीका लागि उडेको थियो ।

हेलिकप्टर क्याप्टेन अरुण मल्लले उडाएका थिए । हेलिकप्टरमा अन्य चार जना चिनियाँ पर्यटक सवार थिए ।

चिनियाँ पर्यटकमा जुदाड टाङ , जी लि , यियाद वु र जेमिङ सी रहेका छन् ।

हेलिकप्टर नुवाकोटको शिवपुरी डाँडामा दुर्घटना भएको हो ।

काठमाडौं । नुवाकोटको शिवपुरी गाउँपालिका ७ मा हेलिकप्टर दुर्घटना भएको छ ।

सूर्याचौरको जंगलमा हेलिकप्टर दुर्घटना भएर आगलागी भइरहेको नुवाकोटका प्रमुख जिल्ला अधिकारी रामकृष्ण अधिकारीले जानकारी दिएका छन् ।

स्थानीयहरुका अनुसार केहीबेरअघि त्यहाँ ठूलो आवाज आएको र हेलिकप्टर दुर्घटनाको खबरपश्चात आफूहरु त्यहाँ जान लागेको बताए ।

काठमाडौं । लामो समयदेखि अल्झेर रहेको संक्रमणकालीन न्यायसम्बन्धीको विधेयकका विषयमा भएको सहमतिसहितको प्रतिवदेन आज कार्यदलले शीर्ष नेतालाई बुझाएको छ ।

प्रधानमन्त्रीको सरकारी निवास बालुवाटारमा एक कार्यक्रमकाबीच कार्यदलका संयोजक तथा गहृमन्त्री रमेश लेखकले उक्त प्रतिवेदन बुझाएका हुन् ।

उक्त कार्यक्रममा प्रधानमन्त्री केपी शर्मा ओलीसहित पूर्व प्रधानमन्त्री एवं कांग्रेस सभापति शेरबहादुर देउवा र पूर्व प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहालको उपस्थिति रहेको थियो ।

गत बिहीबार संक्रमणकालीन न्याय सम्बन्धी विधेयक (टीआरसी) मा सहमति जुटाएका छन् ।

काठमाडौं । मंगलबार बसेको मन्त्रिपरिषद्को बैठकले एआइजी श्याम ज्ञवालीलाई प्रहरीको केन्द्रीय अनुसन्धान ब्युरो (सिआइबी)बाट हटाउने निर्णय गरेको छ । त्यतिमात्र हैन ज्ञवालीलाई सरकारले आर्थिक लेनदेन र पदको चरम दुरुपयोग गरेको भन्दै अब कार्वाहीको दायरामा ल्याउने तयारी गरिरहेको बुझिएको छ ।

सहकारी ठगीको फाइल दबाउने र सुन तस्करलाई जोगाएको भनेर यसअघि विवादित देखिएका ज्ञवालीका विषयमा पर्याप्त प्रमाण फेला परेको बुझिएको छ । नेपाल प्रहरीमा ‘कु’ गरेर आइजिपी बन्ने चलखेलमा धेरै अगाडिबाट सक्रिय रहेका उनलाई अब भने कानुनी दायरामा ल्याइने निश्चित नै भएको छ ।

एआइजी टेकप्रसाद राई नेतृत्वमा गठित छानबिन समितिमा पीडितहरूबाट पर्याप्त प्रमाणहरू समेत पेश गरिसकिएको बुझिएको छ ।
ज्ञवालीले सहकारीको फाइल दबाएको, सुन तस्करीलाई सघाएको, बालमन्दिरको जग्गा हिनामिना गर्ने व्यक्तिहरुसँग प्रत्यक्ष सम्पर्कमा रहेको, तत्कालीन सेन्चुरी बैंकको कर्जा हिनामिना आरोपितसँग हिमचिम गरेकोलगायतका आरोप उनीमाथि लागेका छन् ।

सोमबारको मन्त्रिपरिषद् बैठकमा गृहमन्त्री रमेश लेखकले सीआईबीका तत्कालीन प्रमुख ज्ञवालीको बदमासीको बारेमा संक्षिप्त जानकारी गराएको एक मन्त्रिले बताएका छन् ।

लेखकले ज्ञवालीलाई सोही ठाउँमा राख्दा प्रमाणहरू नष्ट गर्ने देखिएकाले सरुवा प्रस्तावसमेत लगेको ति मन्त्रिले बताए । १६ गतेको राज्य व्यवस्था तथा सुशासन समितिको बैठकमा प्रहरी निरिक्षक बसन्त कुँवरले ज्ञवालीको विषयमा छानमिन भइरहेको समेत बताएका थिए ।

तत्कालिन गृहमन्त्रि रवि लामिछानेले एआइजी किरण बज्राचार्यलाई हटाएर ज्ञवालीलाई सीआइबी प्रमुख बनाएका थिए । त्यसबेला रवि लामिछानेको बचाउमा ज्ञवाली खुलेआम लागेका थिए । अपराध अनुसन्धानमा अब्बल इतिहास बनाएको सीआइबीको छवि नै समाप्त हुने गरी ज्ञवालीले पदको चरम दुरुपयोग गरेको धेरैले टिप्पणी गरेका छन् ।ज्ञवाली माथि काठमाडौंको एलओडी क्लबमा भएको एउटा अपराधको अनुसन्धान दबाएको विषयमा पनि छानमिन भइरहेको स्रोतले दाबी गरेको छ ।

गृहमन्त्रि लेखकले बैठकमा प्रस्तुत गरेको विषयलाई उदृत गर्दै एक मन्त्रीले ज्ञवालीले जिम्मेवार प्रहरीको हैसियतमा पदको चरम दुरुपयोग गरेको प्रमाण भेटिएपछि छानमिन सुरु गरिएको हो ।

छानमिन समितिले सबै प्रमाणहरू संकलन गरेपछि उसको सिफारिसका आधारमा उनीमाथि सरकारले कारबाही गर्नेछ ।

काडठमाडौं । बागलुङको बढिगाड गाउँपालिकामा गएको पहिरोमा परी घाइते भएका तीन जनालाई आर्मीको हेलिकोप्टरद्वारा काठमाडौं ल्याइएको छ ।

बढिगाड गाउँपालिका १० बस्ने १९ वर्षीय रिमा पुन, ३१ वर्षकी सिता थापा र ४६ वर्षकी सङ्गीता बुढालाई आज बिहान सेनाको हेलिकोप्टरद्वारा काठमाडौं ल्याइएको हो ।

सोही पहिरोमा परी ८ जनाको मृत्यु भएको छ ।