Month: February 2022

बझाङ । बझाङको दुर्गाथली गाउँपालिका–२ झनानाबाट एउटा ट्याक्टर सेती नदीमा खस्दा दुई जना बेपत्ता भएका छन् भने तीन जनाले हाम फालेर ज्यान जोगाएका छन् ।

जिल्ला प्रहरी कार्यालय बझाङका प्रहरी निरीक्षक किशोर जोशीका अनुसार, जयपृथ्वी राजमार्गअन्तर्गत मौरी बगरदेखि झनानातर्फ गइरहेको ट्याक्टर अनियन्त्रित भएर सडकबाट ५० मिटर तल सेती नदीमा खस्दा ट्याक्टर चालक जाजरकोटको भेरी नगरपालिका–२ का २० वर्षीय सञ्जय बुढासहित २ जना बेपत्ता भएका छन् । बेपत्ता अर्का एक जनाको पहिचान खुलेको छैन । उनीहरुको खोजी भइरहेको प्रहरीले जनाएको छ ।

ट्याक्टरमा चालकसहित ५ जना सवार रहेकोमा ३ जनाले हाम फालेर ज्यान जोगाएको प्रहरीले जनाएको छ । घाइते उनीहरुको झोतामा उपचार भइरहेको छ ।

काठमाडौं । हालै काठमाडौंमा आयोजित एक कार्यक्रममा नेपाल सरकारका मुख्यसचिव एकनारायण अर्यालले एक कुसल प्रशासकमा हुनुपर्ने क्षमता प्रस्तुत गरेका छन् । ‘बजारको सुशासनमा देखिएको चुनौती र हाम्रो दायित्व’ विषयक कार्यक्रममा सहभागि हुन पुगेका अर्यालले जनताका लागि कर्मचारीले खटिनु पर्ने र जनताकै हितमा काम गर्नु पर्ने बताएका थिए ।
काठमाडौं उपत्यकाका तीन सिडियोलाई साथमै राखेर नजिकिदै गरेको चाडपर्वमा हुन सक्ने कालाबजारीलाई रोक्न लाग्न निर्देशन नै दिए । त्यति मात्र हैन कार्यक्रम मार्फत ७७ वटै जिल्लाका प्रमुख जिल्ला अधिकारीसहित सम्बन्धित सबै निकायलाईसमेत यो विषयमा गम्भिरताका साथ अगाडि बढ्न निर्देशन नै दिए ।

‘खास गरेर चाडपर्वको समयमा जिम्मेवार पदाधिकारीहरूले राजनीतिक झोला छाडिदिनुहोस् । पद र बर्दि पनि बिर्सिदिनुहोस् ।’, उनले भने, सबै कुरा बिर्सिएर जनताको लागि काम गरौं, जनताको सेवामा लाग्न म अनुरोध गर्छु ।’
अर्याललको यो भनाइलाई कतिको अक्षरस पालना हुन्छ भन्ने विषय हेर्न बाँकी छ । तर उनको यो औपचारीक निर्देशन नै थियो ।

उनको यो निर्देशन कर्मचारी बृत्तमा धेरै खुसियाली छाएको छ । धेरै कर्मचारीहरुले आफुहरुलाई मुख्यसचिवको अभिव्यक्ति काम गर्न थप सहज भएको बताउछन् ।

एकनारायण अर्याल यस्ता प्रशासक हुन जो अहिलेसम्म कुनै पनि राजनीतिक ट्याग भिरेका छैनन् । उनी आफु प्रस्ट भएको र स्वतन्त्र रुपमा काम गर्न पाउनु पर्ने धारणासमेत राख्ने प्रशासकका रुपमा चिनिन्छन् ।

विगतमा चाडपर्वकोे वेलामा कालाबजारी गर्नेहरु छ्याप छ्याप्ती भेटिन्थे तर तिनिहरुलाई कार्वाही गरेको कतै भेटिदैन थिए ।कर्मचारीको अभिभावका रुपमा आएक अर्याल जस्तो व्यक्ति मुख्यसचिव हुँदा कालाबजारी गर्नेहरुलाई कानुनी कठघरमा उभ्याउन देशभरका सम्बन्धित निकायहरु जाग्नु पर्ने बेला भएको सम्बन्धित क्षेत्रका विज्ञको धारणा छ ।

काला बजारी रोक्न के गर्नु पर्छ ?

१. कालाबजारीलाई रोक्नका लागि कडा कानून बनाउनु र लागू गर्नु आवश्यक छ । उल्लङ्घनकर्ताहरूलाई कडा सजायको व्यवस्था गर्नुपर्छ ।
२. बजार निरीक्षण गर्ने निकायहरूको प्रभावकारीता बढाउनुपर्छ । नियमित निरीक्षण र अनुगमन गर्ने व्यवस्था गर्नु महत्त्वपूर्ण छ ।
३. अत्यावश्यक वस्तुहरूको मूल्यमा नियन्त्रण राख्नका लागि नीति निर्माण गर्नुपर्छ । ताकि कृत्रिम रूपमा मूल्य बढाउन नपाओस ।
४. कालाबजारीको बारेमा जनचेतना बढाउने काम गर्नुपर्छ, ताकि उपभोक्ताहरू सचेत र सतर्क रहन सकोस ।
५. आपूर्ति श्रृंखलामा अनुगमन गर्नुहोस् र सुनिश्चित गर्नुपर्छ कि उत्पादनहरू उचित मूल्यमा वितरण भइरहेका छन् ।
६. सम्भव भए अनलाइन बिक्री च्यानलहरूमा पनि निगरानी गर्नुपर्छ, ताकि त्यहाँ पनि कालाबजारी रोक्न सकियोस् ।
७. समुदायलाई कालाबजारीको विरुद्धमा सचेत र सक्रिय बनाउनुपर्छ, ताकि स्थानीय स्तरमा निगरानी र प्रतिरोध गर्न सकियोस ।
८. विभिन्न सरकारी निकायहरू, व्यापार संघहरू र उपभोक्ता संरक्षण संगठनहरूबीच समन्वय गर्नुपर्छ ।

बजार अनुगमन गर्ने निरिक्षकमा हुनुपर्ने गुण

• उच्च नैतिक मानक र ईमानदारीका साथ काम गर्नुपर्छ ।
• समस्याहरू र जानकारी प्रभावकारी तरिकाले सञ्चार गर्न सक्नुपर्छ ।
• डाटा र तथ्यहरूको गहिरो विश्लेषण गरेर तर्क गर्न सक्ने क्षमता आवश्यक छ ।
• समस्या समाधानस् समस्याहरू चिन्न र समाधान गर्न चतुर हुनुपर्छ ।
• समुदायको आवश्यकता र चासोहरूमा सजग रहनु महत्त्वपूर्ण छ ।
• काम प्रति प्रतिबद्ध रहनु र कालाबजारी रोक्नका लागि समर्पित हुनु आवश्यक छ ।
• सम्बन्धित कानूनी प्रावधानहरूको राम्रो ज्ञान हुनु महत्त्वपूर्ण छ ।
• अन्य निकायहरूसँग सहकार्य गरेर काम गर्न सक्ने क्षमता आवश्यक छ ।
• अनुगमन गर्दै गर्दा सजग रहनु र कुनै पनि असामान्य गतिविधिहरूमा ध्यान दिनु महत्त्वपूर्ण छ ।

काठमाडौं । आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष आजदेखि विधिवत् आरम्भ भएको छ । नेपाल पञ्चाङ्ग निर्णायक विकास समितिका सदस्य तथा धर्मशास्त्रविद् प्राडा देवमणि भट्टराईका अनुसार प्रतिपदा तिथिमा श्राद्धको पिण्डदान अपराह्नकालमा गर्नुपर्ने हुन्छ ।

सोह्रवटा तिथिमा दिवङ्गत पितृलाई तर्पण, सिदादान, र पिण्डदान गरिने भएकाले यसलाई सोह्र श्राद्ध भनिन्छ । वैदिक सनातन परम्पराअनुसार चाडपर्वको प्रारम्भअघि पितृलाई श्रद्धापूर्वक सम्झने प्रचलन छ । पितृलाई श्रद्धासाथ सम्झेर श्राद्ध गर्नाले पितृऋणबाट मुक्ति पाइने धार्मिक विश्वास छ ।

धर्मशास्त्रविद् प्राडा रामचन्द्र गौतमका अनुसार जाताशौच, मृताशौच वा पत्नी रजस्वला अवस्थाबाहेक सोह्र श्राद्ध रोक्नु हुँदैन । कुनै कारणवश श्राद्ध गर्न नसकिएमा विभिन्न वैकल्पिक दिनहरूमा पनि गर्न सकिने शास्त्रीय व्यवस्था छ । यदि तिथिमा गर्न सम्भव भएन भने लक्ष्मीपूजाका दिन वा मङ्सिरसम्म श्राद्ध गर्न सकिन्छ ।

धर्मशास्त्रविद्हरूका अनुसार, सोह्र श्राद्ध विधिपूर्वक अपराह्नकालमा गर्नुपर्ने हुन्छ । पितृपक्षको अन्त्यसँगै दुर्गा पक्ष अर्थात् बडा दसैँ सुरु हुन्छ, र यसअघि पितृ तृप्तिका लागि श्राद्ध गरिन्छ, जुन वैदिक परम्पराअनुरूप रहेको छ ।

काठमाडौं । मनसुनको न्यून चापीय रेखाको पश्चिमतिर सरदर स्थानको उत्तरतर्फ र पूर्वतिर सरदर स्थानको आसापस अवस्थित रहेको छ । देशभर मनसुनी वायुको प्रभाव संगै पश्चिम बंगाल र आसपास रहेको न्यूनचापिय प्रणालीको आंशिक प्रभाव देखिएको छ। हाल देशभर आंशिक देखी साधारणतया बदली रहेको छ।कोशी र बाग्मती प्रदेशका थोरै स्थानहरु र बाँकी प्रदेशका एक्दुइ स्थानमा हल्का देखि मध्यम बर्षा भइरहेको छ।

आज दिउँसो देशको पहाडी भू-भागमा आंशिक देखि साधारणतया बदली र बाँकी भू(भागमा आंशिक बदली देखि मूख्यतया सफा रहने छ। देशको पहाडी भु(भागका थोरै स्थानहरुमा तथा बाँकी भू(भागको एक्दुई स्थानमा मेघ गर्जन्चट्याङ्ग सहित हल्का देखि मध्यम वर्षाको सम्भावना रहेको छ । लुम्बिनी र सुदूरपश्चिम प्रदेशका प्रदेशका तराई भू(भागका केही स्थानहरूमा हावाहुरीको पनि सम्भावना रहेको छ।

आज राती कोशी प्रदेश,बाग्मती प्रदेश र सुदूरपश्चिम प्रदेश लगायत देशको पहाडी भू-भागमा आंशिक देखि साधारणतया बदली र बाँकी भू-भागमा आंशिक बदली देखी मूख्यतया सफा रहने छ। कोशी प्रदेश र बाग्मती प्रदेशका एक्दुई स्थानमा हल्का वर्षाको सम्भावना रहेको छ ।

काठमाडौं । भारतले पाम, सोयाबिन र सूर्यमुखी तेल आयातमा लाग्दै आएको भन्सार शुल्क बढाएको छ ।

भारतले कच्चा र प्रशोधित खाद्य तेलमा आधारभूत भन्सार कर २० प्रतिशत बिन्दुले बढाएको भारतीय सञ्चारमाध्यमले जनाएका छन् ।

कर बढेपछि भारतले आयात गर्ने कच्चा खाने तेल आयातमा लाग्ने कर साढे २७ प्रतिशत पुगेको अन्तर्राष्ट्रिय सञ्चार माध्यमहरूले जनाएका छन् ।

यसअघि कच्चा पाम, सोयाबिन तथा सूर्यमुखी तेल आयात गर्दा साढे ५ प्रतिशत मात्रै कर लाग्दै आएको थियो ।

त्यस्तै प्रशोधित खाने तेलमा भने भारतमा भन्सार दरबन्दी ३५.७५ प्रतिशत पुगेको छ । यसअघि यी तीन वस्तुबाट उत्पादित प्रशोधित खाने तेलमा १३.७५ प्रतिशत भन्सार लाग्दै आएको थियो ।

काठमाडौं । अधिक तरलताको समस्या खेपिरहेका ८ वटा वाणिज्य बैंकहरूले असोज महिनामा बचतकर्तालाई झनै कम ब्याज दिने भएका छन् ।

बैंकहरूले निक्षेपमा औसत ब्याजदर व्यक्तिगततर्फ ६.४३ प्रतिशत र संस्थागततर्फ ५.१८ प्रतिशत कायम गरेका हुन् । केही बैंकहरूले भदौको तुलनामा असोजमा निक्षेपतर्फको ब्याजदर घटाएका छन् ।
असोज १ देखि लागू हुने निक्षेपतर्फको ब्याजदरमा २० वाणिज्य बैंकमध्ये ८ वटाले ब्याजदर घटाएका छन् । दुईवटा वाणिज्य बैंकले ब्याजदर बढाउँदा १० वटाले भदौ महिनाकै ब्याजदरलाई यथावत राखेका छन् ।

असोज महिनाको लागि कायम भएको व्यक्तिगत निक्षेपतर्फको ब्याजदरमध्ये सबैभन्दा धेरै एनआइसी एशियाले ७.१८ प्रतिशत ब्याज दिने भएको छ ।

काठमाडौं । अख्तियार दुरुपयोग आयोगले रौतहटको सदरमुकाम गौरमा रहेको प्रादेशिक अस्पतालमा छापा मारेको छ । सोमबार राति अख्तियारको टोलीले अस्पतालमा छापा मारेको हो ।
टोलीले अस्पतालको स्टोर रुममा खरिद अनुसारको औषधी उपकरण भए नभएको बुझी मुचुल्का उठाएर लगेका छन् । अख्तियारको टोलीले खोजे अनुसार परिमाणको उपकरण र सामाग्री नपाएपछि सोही अनुसार मुचुल्का गरि लगेको अस्पताल श्रोतले जनाएको छ।