काठमाडौं । आज पनि नेपाली बजारमा सुनको मूल्यले नयाँ रेकर्ड बनाएको छ ।
सुनचाँदी व्यवसायी महासंघले सार्वजनिक गरेको तथ्याङ्क अनुसार आज सुन तोलामा पाँच सय रुपैयाँले बढेर १ लाख ५७ हजार ३ सय रुपैयाँ कायम भएको छ ।
आइतबार छापावाला सुनको मूल्य प्रतितोला १ लाख ५६ हजार ८ सय रुपैयाँ कायम भएको थियो।
काठमाडौं । निम्न माध्यमिक तहको शिक्षकका लागि अध्यापन अनुमति पत्रका लागि विज्ञापन खुला भएको छ ।
शिक्षक सेवा आयोगले आज एक सूचना मार्फ विज्ञापन खुलाएको हो ।
सूचना जारी गर्दै न्यूनतम योग्यता पुगेका इच्छुक उम्मेदवारहरूबाट दरखास्त आह्वान गरेको हो ।
उम्मेदवारहरूले आयोगले तोकेको अनलाइन दरखास्त फाराम भरी आवश्यक सम्पूर्ण कागजातसहित सिङ्गल दस्तुरका लागि असोज २९ गते रातको १२ बजेभित्र र दोब्बर दस्तुरका लागि मङ्सिर ६ गते रातको १२ बजेभित्र फारम भर्ने गरि व्यवस्था मिालएको जनाएको छ ।
फारम अनलाईन मार्फत भर्न सकिने पनि आयोगले जनाएको छ ।
काठमाडौं । आज संवैधानिक परिषद्को बैठक बस्दै छ । परिषद्को अध्यक्षका हैसियतले प्रधानमन्त्री केपी शर्मा ओलीले आज बैठक आह्वान गरेका हुन् ।
यस अघि शुक्रबार पनि बैठक बसेको थियो तर उक्त बैठब निष्कर्ष विना टुङ्गीएको थियो ।
सर्वोच्च अदालतको प्रधान न्यायाधीशसहित रिक्त संवैधानिक निकायमा सिफारिसका लागि ओलीले तेस्रो पटक संवैधानिक परिषदको बैठक बोलाएका हुन् ।
काठमाडौं । अमेरिकाका पूर्व राष्ट्रपति राष्ट्रपति डोनाल्ड ट्रम्पको फेरि हत्या प्रयास भएको छ ।
ट्रम्पको फ्लोरिडा गोल्फ कोर्समा हत्या प्रयासपछि ट्रम्प सुरक्षित रहेका छन् ।
घटनामा एक ‘सम्भावित संदिग्ध’ हिरासतमा रहेको अमेरिकी अधिकारीहरूले पुष्टि गरेका छन्। सिक्रेट सर्भिस एजेन्टहरूले झाडीबाट राइफलको ब्यारेल देखेपछि संदिग्धमाथि गोली हानेको अधिकारीहरूले जानकारी दिएका हुन् ।
एफबीआईका अनुसार ट्रम्प त्यतिबेला २७५ देखि ४५५ मिटर टाढा थिए। घटनास्थलमा एक एके४७ शैलीको बन्दुक र स्कोप, दुई ब्याकप्याक र गोप्रो क्यामेरा फेला परेको बीबीसीले जनाएको छ ।
एजेन्टहरूले गोली हानेपछि प्रत्यक्षदर्शीले संदिग्धलाई झाडीबाट भागेको र कालो निसान कारमा हाम फालेको जानकारी दिएका थिए ।
काठमाडौं । मनसुनको न्यून चापीय रेखा सरदर स्थानको आसापस अवस्थित रहेको छ । देशभर मनसुनी वायुको प्रभाव संगै पश्चिम बंगाल र आसपास रहेको न्यूनचापिय प्रणालीको आंशिक प्रभाव देखिएको छ। हाल कोशी, मधेश, बागमती र गण्डकी प्रदेशमा साधारणतया देखी पूर्णतया बदली भई धेरै स्थानहरुमा गर्जन/चट्याङ्ग सहित हल्का देखी मध्यम वर्षा भईरहेको छ भने बाँकी प्रदेशमा आंशिक देखि साधारणतया बदली रही लुम्बिनी प्रदेशको एक्दुई स्थानहरुमा हल्का वर्षा भईरहेको छ।
आज दिउँसो देशभर आंशिक देखि साधारणतया बदली रहने छ। कोशी र बागमती प्रदेशका केही तथा बाँकी प्रदेशका थोरै स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ । कोशी र बागमती प्रदेशका एक्दुई स्थानमा भारी वर्षाको पनि सम्भावना रहेको छ। कोशी प्रदेशको तराई भू-भाग तथा मधेश प्रदेशका केही स्थानहरूमा हावाहुरीको पनि सम्भावना रहेको छ।
आज राती देशभर आंशिक देखि साधारणतया बदली रहने छ। कोशी, बागमती र गण्डकी प्रदेशका पहाडी भू-भागका थोरै स्थानहरुमा तथा बाँकी प्रदेशका एक्दुई स्थानमा मेघ गर्जन्चट्याङ्ग सहित हल्का देखि मध्यम वर्षाको सम्भावना रहेको छ । कोशी प्रदेशको तराई भू-भाग तथा मधेश प्रदेशका केही स्थानहरूमा हावाहुरीको पनि सम्भावना रहेको छ।
मेष
मेष राशि हुनेहरुको आजको दिन राम्रो रहेको छ । बाधाहरु हटनेछन् । सबैतिरबाट सहयोग मिल्नेछ । रोकिएका कामहरु बन्नेछन् । पढाइमा मन लाग्नेछ । व्यवसायबाट लाभ मिल्नेछ । नयाँ कामको सुरुवात हुनेछ ।
बृष
वृष राशि हुनेहरुको आजको दिन राम्रो रहेको छ । स्वास्थ्यमा सुधार आउनेछ । रोकिएका कामहरु बन्नेछन् । रोकिएका धन हातपर्नेछ । श्रम अनुसारको फल पाइनेछ । साथिभाइबाट सहयोग मिल्नेछ ।
मिथुन
मिथुन राशि हुनेहरुको आजको दिन सामान्य रहनेछ । स्वास्थ्यमा समस्या देखिनेछ । काममा ढिलाइ हुनेछ । व्यापारमा सफलता हात लाग्नेछन् । काम गर्ने जोश जाँगरमा कमी आउनेछ । अनावश्यक झन्झन्ट आइलाग्नेछ ।
कर्कट
कर्कट राशि हुनेहरुको आजको दिन केहि प्रतिकूल रहेकोछ । समयमा काम बन्नेछैन । पुरानै समस्याहरु आइलाग्नेछन् । स्वास्थ्यमा समस्या आउनेछ । यात्रा गर्दा विचार पुर्याउनुहोला । कामहरु रोकिन सक्छन् ।
सिंह
सिंह राशि हुनेहरुको आजको दिन राम्रो रहेको छ । स्वास्थ्यमा सुधार आउनेछ । रोकिएका कामहरु बन्नेछन् । रोकिएका धन हातपर्नेछ । श्रम अनुसारको फल पाइनेछ । साथिभाइबाट सहयोग मिल्नेछ ।
कन्या
कन्या राशि हुनेहरुको आजको दिन राम्रो रहेको छ । रोकिएका कामहरु बन्नेछन् । नयाँ कामको सुरुवमत हुनेछ । धर्मकर्ममा मन लाग्नेछ । साथिभाइसँग यात्रा हुनेछ । जोश जाँगर बढ्नेछ ।
तुला
तुला राशि हुनेहरुको आजको दिन मध्यम रहेको छ । बोलीका कारण समस्या आइलाग्न सक्छ । यात्रा गर्दा विचार पुर्याउनु होला । धार्मिक तथा सामाजिक क्षेत्रमा समय दिँदा राम्रो हुन्छ। पारिवारिक मनोरञ्जनमा खर्च बढ्न सक्छ ।
वृश्चिक
वृश्चिक राशि हुनेहरुको आजको दिन राम्रो रहेको छ । रोकिएका कामहरु बन्नेछन् । नयाँ कामको सुरुवमत हुनेछ । धर्मकर्ममा मन लाग्नेछ । साथिभाइसँग यात्रा हुनेछ । जोश जाँगर बढ्नेछ ।
धनु
धनु राशि हुनेहरुको आजको दिन शुभ रहेको छ । पढाइमा मन लाग्नेछ । स्वास्थ्यमा सुधार हुनेछ । नयाँ कामको सुरुवात हुनेछ । गरेको लगानीकाट राम्रो प्रतिफल प्राप्त हुनेछ । कामहरु बन्नेछन् ।
मकर
मकर राशि हुनेहरुको आजको दिन सामान्य रहेको छ । पढाइमा मन लाग्नेछ । स्वास्थ्यमा सुधार हुनेछ । नयाँ कामको सुरुवात हुनेछ । गरेको लगानीकाट राम्रो प्रतिफल प्राप्त हुनेछ । कामहरु बन्नेछन् । अनावश्यक काममा खर्च हुने छ ।
कुम्भ
कुम्भ राशि हुनेहरुको आजको दिन राम्रो रहेको छ । सबै पक्षहरु सबल रहनेछन् । मिष्ठान्न भोजन गर्न पाइने छ । स्वास्थ्यका पुराना समस्याहरु हराउँदै जानेछ । कृषिमा सफलता मिल्नेछ । कामहरु सजिलै बन्नेछन् ।
मीन
मीन राशि हुनेहरुको लागि आजको दिन सामान्य रहेकोछ । खानपान विशेष ध्यान पुर्याउनुपर्छ, अन्यथा स्वास्थ्यमा समस्या देखिन सक्छ । व्यापार व्यवसायमा ठूलो प्रगति हुने समय छैन । अनावश्यक विवाद नगर्दा राम्रो हुन्छ। यात्रा गर्दा विचार पुर्याउनु होला ।
काठमाडौं । आइतबारको बसको मन्त्रिपरिषद्को बैठकले उपनिर्वाचन आगामी मंसिर १६ गते गर्ने भएको छ ।
निर्वाचन आयोगले मंसीर १६ गतेलाई निर्वाचन गर्न आइतबारनै सुझाव दिएको थियो ।
स्थानीय तहमा हाल रिक्त जिल्ला समन्वय समितिका दुई प्रमुखसहित ४१ जनप्रतिनिधिको बाँकी कार्यकालका लागि उपनिर्वाचनको हुनेछ।
काठमाडौं । सरकारले संघीय संसद्को दुवै सदनको अधिवेशन अन्त्य गर्ने निर्णय गरेको छ ।
आज साँझ बसेको मन्त्रिपरिषद् बैठकले सो निर्णय गरेको सरकारका प्रवक्ता पृथ्वीसुब्बा गुरुङले जानकारी दिए ।
उनका अनुसार भदौ ३१ गते अर्थात् भोलि राति १२ बजेबाट लागू हुने गरी अधिवेशन अन्त्य हुनेछ ।
त्यसो त भोलिका लागि प्रतिनिधि सभाको बैठक बोलाइएको छ । भोलि दिउँसो १ बजे बैठक बसेपछि अधिवेशन अन्त्य गर्न लागिएको हो ।
काठमाडौं । नेपाल आयल निगमले पेट्रोल र डिजेलको मूल्य घटाएको छ । नेपाल आयल निगमले राती १२ बजेदेखि लागु हुनेगरी पेट्रोलमा प्रतिलिटर ४ र डिजेलमा प्रतिलिटर ५ रुपैयाँ मूल्य घटाएको हो ।
नयाँ मूल्य अनुसार काठमाडौँ उपत्यकामा पेट्रोलको मूल्य १५९ रुपैयाँ पर्नेछ । डिजेल र मट्टितेलमा १४९ रुपैयाँ मूल्य निर्धारण गरिएको छ । यो मूल्य तेस्रो वर्ग अन्तर्गत पर्ने पोखरा र दिपायलमा समेत लागु हुनेछ ।
त्यस्तै दोस्रो वर्ग अन्तर्गत दाङ र सुर्खेतमा क्रमशः १५८ रुपैयाँ र १४८ रुपैयाँ तथा बाँकी पहिलो वर्ग अन्तर्गतका क्षेत्रहरूमा १५६।५ रुपैयाँ र १४६।५ रुपैयाँ मूल्य निर्धारण गरिएको निगमले जनाएको छ ।
काठमाडौं । अख्तियार दुरुपायो अनुसन्धान आयोगल आर्थिक वर्ष २०८०/०८१ मा २६ हजार ९ सय १८ वटा भ्रष्टचार सम्बन्धि मुद्दा दायर गरेको छ ।
आज शितलनिवासमा अख्तियार दुरुपयोग अनुसन्धान आयोगले राष्ट्रपति रामचन्द्र पौडेललाई वार्षिक प्रतिवेदन बुझाउने क्रममा सो तथ्याङ् सार्वजनिक गरेको हो ।
अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले अघिल्लो आर्थिक वर्षबाट जिम्मेवारी सरेर आएका ९ हजार २६८ उजुरीहरू समेत गरेर कारबाही गर्नुपर्ने जम्मा उजुरीको संख्या ३६ हजार १८६ रहेको जानकारी दिए । उनले यस अवधिमा कुल ३६ हजार १ सय ८६ उजुरीमध्ये २७ हजार ७१४ अर्थात् ७६.५९ प्रतिशत उजुरी स्क्रिनिङ र प्राथमिक छानबिनबाट फर्छ्यौट भएको बताए ।
उनले फर्छ्यौट गरेका उजुरीहरूमध्ये आयोगको क्षेत्राधिकारभित्र नपरेका गोलमटोल प्रकृतिका भइरहने वा दुःख दिने नियतका र कुनै तथ्य प्रमाणबिनाका सामान्य प्रकृतिका १३ हजार ५९३ वटा उजुरीहरू तामेली गरिएको बताए ।
उनले फर्छ्यौट भएकामध्ये १ हजार १३३ वटा उजुरीहरू उपर विस्तृत अनुसन्धान गर्ने निर्णय गरिएको, १३१ उजुरीउपर सुझाव दिई तामेली गरिएको र १२ हजार ७८६ उजुरी उपर कानून बमोजिम अन्य आवश्यक कारबाही गरिएको जानकारी दिए । उनले प्रारम्भिक छानबिनको क्रममा रही फर्छ्यौट हुन बाँकी रहेका ८ हजार ४७२ उजुरीहरू आर्थिक वर्ष २०८१/०८२ मा सरेको बताए ।
काठमाडौं । आगामी मंसिर १६ गतेका लागि निर्वाचनको मिति तय गर्न निर्वाचन आयोगले सरकारलाई सुझाव दिएको छ ।
निर्वाचन आयोगका प्रमुख आयुक्त दिनेशकुमार थपलियासहितका पदाधिकारीले प्रधानमन्त्री केपी शर्मा ओलोलाई आज भेट गरी आगामी मंसिर १६ गते आइतबार स्थानीय तहको उपनिर्वाचनको मिति तोक्न नेपाल सरकारलाई परामर्श दिएका हो ।
स्थानीय तहमा हाल रिक्त जिल्ला समन्वय समितिका दुई प्रमुखसहित ४१ जनप्रतिनिधिको बाँकी कार्यकालका लागि उपनिर्वाचनको तयारी भएको हो ।
उक्त भेटमा प्रधानमन्त्री ओलीले प्रस्ताव अध्ययन गरी नेपाल सरकारले छिटो मिति तोक्ने जनाउँदै निर्वाचनलाई मितव्ययीरुपमा स्वतन्त्र, निष्पक्ष र शान्तिपूर्ण ढङ्गले सम्पन्न गर्न आग्रह गरे ।
काठमाडौं । ४० सहसचिवहरुको सरकारले सरुजा गरेको छ । बिहीबार बसेको मन्त्रिपरिषद्को बैठकले विभिन्न मन्त्रालय तथा निकायमा कार्यरत सहसचिवहरूको सरुवा गर्ने निर्णय गरेको थियो ।
तर, त्यसको अन्तिमरुप भने दिएको थिएन सोहि अनुसार सरकाले आज सरुवा हुने सहसचिवहरुको लिस्ट सार्वजनिक गरेको हो ।
संघ, प्रदेश र स्थानीय गरी तीनै निकायमा कार्यरत ४० सहसचिवहरूको सरुवा गरिएको बुझिएको छ ।
काठमाडौं । आज शेयर बजारमा दोहोरो अंकको गिरावट आएको छ । आज नेप्सेमा ५० दशमलव ७३ अंकको गिवरावट आएको हो । कुल १ दशमलव ९७ प्रतिशतले बजारमा गिरावट आउँदा शेयर बजार २ हजार ६ सय ३७ बिन्दुमा अड्किएको नेप्सेले जनाएको छ ।
आज कारोबारमा आएकामध्ये २२ वटा कम्पनीको शेयर मूल्य वृद्धि भएको छ भने २२२ कम्पनीको शेयरमा गिरावट भएको नेप्सेले जनाएको छ ।
बजार घटे पनि आज कारोबार रकममा भने सुधार देखिएको छ । नेप्सेका अनुसार आज १० अर्ब ३३ करोड ९२ लाख ३५ हजार ९ सय ५७ रुपैयाँ बराबरको कारोबार भएको नेप्सेले जनाएको छ ।
नेप्सेका अनुसार आज हिमालयन हाइड्रोपावर कम्पनी, रावा इनर्जी डेभलवमेन्ट लिमिटेड, एस्ट्रन हाइड्रोपावर लिमिटेड, रिभर फल्स पावर लिमिटेड लगायतका कम्पनीका लगानीकर्ताहरुले धेरै आर्जन गर्न सफल भएका छन् । यता थ्री स्टार हाइड्रोपावर लिमिटेड, ग्रीनलाइफ हाइड्रोपावर लिमिटेड, सीईडीसी डेभलवमेन्ट लगायत कम्पनीका लगानीकर्ताहरुले धेरै गुमाएका छन् ।
पछिल्ला दिनहरुमा शेयर बजारमा उतारचढाव देखिएको छ । त्यसो त अघिल्लो साता निरन्तर घटेको शेयर बजार अन्तिम कारोबार दिन बिहीबार भने सुधार देखिएको थियो ।
काठमाडौं । नेकपा माओवादी केन्द्रले ‘माओवादी हिंसा’ शब्द नहटाएसम्म संसद बैठक अवरोध गर्ने निर्णय गरेको छ ।
सोहि सब्दका कारण आज १ बजेका लागि बोलाइएको बैकठ बस्न सकेको छैन् ।
सभामुख देवराज घिमिरेले बोलाएको दलका प्रमुख सचेतकहरूसँगको छलफल पश्चात् माओवादीले संसद अवरोध गर्ने अनौपचारिक छलफल गरेको थियो ।
छलफलले संसदीय दलको बैठकको निर्णय अनुरूप पार्टीले उठाएको विषय सम्बोधन नभएसम्म सदन अवरोध गर्ने निर्णय गरेको हो ।
काठमाडौं । २०८१ भदौ ३० गते सुनको मूल्य प्रतितोला १ लाख ११ हजार ८ सय रुपैँया थियो । आज २०८२ भदौ ३० गते मा १ लाख ५६ हजार ८ सय रुपैयाँ पुगेको छ ।
यसरी एक वर्षको तथ्याङ्क हेर्दा पछिल्लो एक वर्षमा ४५ हजार रुपैयाँ प्रतितोला सुनको भाउ बढेको छ । पछिल्ला दिनहरुमा दिनदिनै मूल्य आकासिन थालेपछि यसले नेपाली बजारमा तरङ्गनै पैदा गरेको छ ।
आज नेपाली बजारमा १ लाख ५६ हजार ८ सय रुपैयाँ प्रतितोलामामा कारोबार भइरहेको छ । यो शुक्रबारको तुलनामा ५ सय रुपैयाँको वृद्धि हो ।
नेपालमा सुनका गरगहना बढी प्रयोग हुने हुँदा मूल्य वृद्धिलाई एकदम चासोका रुपमा हेरिन्छ ।
के कारण हुन सक्छ मूल्य वृद्धि ?
नेपालमा सुनको मूल्यमा अन्तराष्ट्रिय बजारलाई हेरेर समायोजन गरिन्छ ।
अन्तर्राष्ट्रिय बजार, वैदेशिक मुद्रा र अन्तर्राष्ट्रिय बैंकको ब्याजदरअनुसार नेपालमा मूल्य तलमाथि हुने गरेको छ ।
सुनको मूल्य बृद्धि हुनु युरोपेली केन्द्रीय बैंक (ईसीबी) ले ब्याजदर घटाएको असरलाई लिन सकिने अर्थविदहरु बताउछन् । ईसीबीले पछिल्लो समय बैंकको ब्याजदर घटाएको छ । त्यहि असरले सुनको मूल्य वृद्धि भएको हुन सक्छ । विवरणहरुका अनुसार पछिल्लो समय ईसीसी ब्याजदर ०.२५ प्रतिशतले घटाएर ३.५० प्रतिशतमा पु¥याएपछि अन्तर्राष्ट्रिय बजारमा सुनको भाउ ह्वात्तै बढेको अर्थविदहरु विश्लेषण गर्छन् ।
त्यति मात्रै होइन अमेरिकी केन्द्रीय बैंकले फेडरल रिजर्भले पनि निक्षेपको ब्याजदर घटाउने निर्णय गरेको छ । जसको असर सुनको बजारमा देखिएको हो । ब्याजदर घटेपछि लगानीकर्ता डलरको सट्टा सुनमा लगानी गर्न उत्प्रेरित भएकाले सुनको माग र मूल्य बढेको बढेको हो ।
त्यसो त नेपाली बजारमा मात्रै होइन अन्तर्राष्ट्रिय बजारमा पनि सुनको मूल्यले नयाँ रेकर्ड बनाइरहेको छ । शुक्रबारको कुरा गर्दा अन्तर्राष्ट्रिय बजारमा सुनको मूल्य प्रति औंस २ हजार ५ सय ६८ दशमलव ५ अमेरिकी डलरमा कारोबार भएको थियो ।
आगामी नोभेम्बरमा हुने अमेरिकी राष्ट्रपतीय निर्वाचनको असर समेत सुनको बजारमा देखिएको छ ।
अमेरिकी राष्ट्रपतीय निर्वाचनले सम्भावित बजार अस्थिरताले लगानीकर्ताहरूलाई सुनको कारोबारतर्फ धकेल्न सक्ने, जसका कारण बजारमा माग बढी भएसँगै मू्ल्यमा समेत वृद्धि हुनक्ने विश्व गोल्ड काउन्सिलका बजार रणनीतिकार जोसेफ काभाटोनीको विश्लेषण रहेको छ ।
