काठमाडौं । राष्ट्रिय स्वतन्त्र पार्टी (रास्वपा)को केन्द्रीय समितिको बैठक आज बस्दै छ । दिउँसो १ बजे बस्ने बैठकमा समसामयिक राजनीतिक, आर्थिक र सामाजिक विषयमा छलफल हुनेछ ।
राष्ट्रिय भेलामा सहभागिताका लागि आएको प्रतिनिधिको नाम र रिपोर्टबारे कार्यवाहक महामन्त्रीबाट अपडेट गराउने बैठकको एजेन्डा रहेको कार्यवहाक प्रवक्ता मनिष झाले जानकारी दिए ।
काठमाडौं । नेपाल एयरलाइन्सको लुम्बिनी जहाज ल्यान्डिङ गियरसँग सम्बन्धित हाइड्रोलिक समस्याका कारण दुबईमा ग्राउन्डेड भएको छ । विमान शुक्रबार राति ११स्५२ बजे काठमाडौंबाट दुबईका लागि उडेको थियो र शनिबार बिहान ३ः५५ बजे नेपाल फर्किनुपर्ने तालिका थियो । तर, प्राविधिक समस्याले गर्दा जहाज समयमै फर्किन सकेन ।
निगमका प्राविधिक प्रवक्ता इञ्जिनियर मनोज कुमार साहले स्पेयर पार्ट्सको खोजी भइरहेको जानकारी दिएका छन् । निगमसँग अन्य जगेडा विमान नहुँदा १५० नेपाली कामदारसहितका यात्रुहरू दुबईमै अलपत्र छन् । यात्रुहरूलाई होटलमा राख्ने व्यवस्था गरिएको छ ।
दुबईमा प्राविधिक टिम नहुँदा नेपाल एयरलाइन्सले कुबेत एयरवेजसँग सम्झौता गरी प्राविधिक सहयोग लिइरहेको छ । जहाज मर्मतपछि नेपाल फर्काइने योजना रहेको छ ।
काठमाडौं । प्रधानमन्त्री केपी शर्मा ओलीले २०८१ सालभित्रै सडक बालबालिकालाई सडकमुक्त गर्ने प्रतिबद्धता जनाएका छन् ।
आज ६०औँ राष्टिय बाल दिवसका अवसरमा शुभकामना सन्देश जारी गर्दै प्रधानमन्त्री ओलीले सडकमा बस्नुपर्ने परिस्थितिबाट बालबालिकालाई यही वर्षभित्र मुक्त गरिने दाबी गरे ।
‘कतिपय बालिबालिका अहिले पनि सडक बालबालिकाका रुपमा रहनुपर्ने बाध्यताबाट पिल्सिएका छन् । यस अवस्थाबाट मुक्त गर्नका लागि हामीले २०८१ भित्रै बालबालिकालाई सडकमा बस्नुपर्ने परिस्थितिबाट मुक्त गर्ने अठोट गरेका छौँ,’ प्रधानमन्त्रीद्वारा जारी शुभकामना सन्देशमा उल्लेख छ ।
त्यस्तै, उनले बालबालिकाका लागि प्रतिकूल अवस्था हटाएर अनुकूल अवस्था सिर्जना गर्न बालमैत्री वातावरण बनाउन सरकार लागिपरेको बताए ।
ठूलो संख्यामा बालबालिकाहरु कुपोषणको सिकार भइरहेको र विद्यालय जानबाट वञ्चित रहेको भन्दै यस अवस्थाबाट बालबालिकालाई बाहिर निकाल्नुपर्नेमा कुरामा जोड दिए ।
उनले गरिबीको रेखामुनि रहेका मानिसलाई रोजगारी उपलब्ध गराउन सरकार लागिपर्ने बताए ।
काठमाडौं । एनसेलको सेयर स्वामित्व खरिद बिक्री रोक्न माग गर्दै स्वतन्त्र सांसद अमरेश कुमार सिंहले दायर गरेको रिट पूर्ण इजलासमा पेस गर्ने आदेश भएको छ । शुक्रवार न्यायाधीशद्वय सपना प्रधान मल्ल र शारंगा सुवेदीको इजलासले उक्त रिट पूर्ण इजलासमा पेस गर्ने आदेश भएको हो ।
दूरसञ्चार सेवा प्रदायक कम्पनी एनसेलको सेयर कौडीको भाउमा बिक्री गरेको देखाइएको र त्यसको उद्देश्य कर छली गर्नु तथा इजाजत लम्बाउनु रहेको भन्दै स्वतन्त्र सांसद अमरेश कुमार सिंहले गत मङ्सिर २२ गते सर्वोच्चमा खरिद विक्री रोक्न माग गर्दै रिट दायर गरेका थिए । सिंहले आफ्नो रिटमा अन्तरिम आदेश जारी गर्न माग गर्दै एनसेल, कम्पनी रजिस्ट्रारको कार्यालय, नेपाल दूरसञ्चार प्राधिकरण लगायतलाई विपक्षी बनाएका थिए ।
अन्तरिम आदेश छलफलका लागि शुक्रवार भएको सुनुवाइपछि अन्तरिम आदेश दिने कि नदिने भन्ने सम्बन्धमा पूर्ण इजलासबाट नै निर्णय हुनु उचित देखिएको भन्दै उक्त रिटलाई पूर्ण इजलासमा पठाउने आदेश भएको हो । साथै उक्त रिटलाई अग्राधिकार प्रदान गरी छिटो सुनुवाइ गर्नसमेत आदेश दिइएको छ ।
केही समयअगाडि मलेसियन कम्पनी आजियटाले आफ्नो स्वामित्वमा रहेको एनसेलको सबै सेयर गैर आवासीय नेपाली सतिशलाल आचार्यको कम्पनी स्पेक्ट्रलाइट युके लिमिटेडलाई बिक्री गरेको जानकारी गराएको थियो ।
काठमाडौं । लगानी बोर्डका प्रमुख कार्यकारी अधिकृत सुशील ज्ञवालीले शुक्रबार पदबहाली गरेका छन् । मन्त्रिपरिषद्को बिहीबारको बैठकले उनलाई चार वर्षका लागि प्रमुख कार्यकारी अधिकृत नियुक्त गरेको हो ।
उपप्रधान तथा अर्थमन्त्री विष्णुप्रसाद पौडेल संयोजक रहेको सिफारिश समितिले विष्णुप्रसाद भट्टराई, रघुराज काफ्ले र सुशील ज्ञवालीको नाम मन्त्रिपरिषद् समक्ष सिफारिश गरेको थियो । उपप्रधान तथा अर्थमन्त्री एवं लगानी बोर्डका उपाध्यक्ष विष्णु पौडेलको संयोजकत्वमा राष्ट्रिय योजना आयोगका उपाध्यक्ष शिवराज अधिकारी तथा प्रशासनिक प्रशिक्षण प्रतिष्ठानका कार्यकारी निर्देशक राजन खनाल सदस्य रहेको सिफारिश समितिले छनौटमा परेका उम्मेद्वारहरूसँग अन्तर्वार्ता गरेको थियो ।
ज्ञवालीलाई आज मुख्यसचिव एकनारायण अर्यालले नियुक्तिपत्र प्रदान गरेपछि उनी अन्तर्राष्ट्रिय सम्मेलन केन्द्रमा रहेको लगानी बोर्डको कार्यालयमा पुगेर पदबहाली गरेका थिए । उनलाई सहसचिव प्रद्युम्नप्रसाद उपाध्याय लगायतले स्वागत गरेका थिए ।
ज्ञवाली यसअघि पुनर्निमाण प्राधिकरणका सीईओ थिए । उनी सहरी योजनाविद् हुन् । उनले पुनर्निमाणका काम प्रभावकारी ढंगले सम्पन्न गरेका थिए । उनीसँग राष्ट्रिय योजना आयोगको सदस्य भएर काम गरेको अनुभव पनि छ ।
पदबहाली गर्दै उनले रणनीतिक र ठूला लगानीका परियोजना समयमै सम्पन्न गर्नका लागि राजनीतिक देखि संस्थागत तहसम्मको पहल आवश्यक हुने बताए ।
काठमाडौं । नेपाल राष्ट्र बैङ्कले आजका लागि विदेशी मुद्राको विनिमय दर सार्वजनिक गरेको छ । केन्द्रीय बैङ्कका अनुसार शुक्रबारको तुलनामा अमेरिकी डलरको मूल्यमा कमी आएको छ भने युरो र युके पाउन्ड स्टर्लिङको मूल्य बढेको छ ।
अमेरिकी डलरको खरिददर एक सय ३३ रुपैयाँ ९३ पैसा र बिक्रीदर एक सय ३४ रुपैयाँ ५३ पैसा कायम भएको छ । युरोको खरिददर एक सय ४८ रुपैयाँ ४९ पैसा र बिक्रीदर एक सय ४९ रुपैयाँ १६ पैसा रहेको छ । त्यस्तै, युके पाउन्ड स्टर्लिङको खरिददर एक सय ७५ रुपैयाँ ७० पैसा र बिक्रीदर एक सय ७६ रुपैयाँ ४८ पैसा कायम भएको छ ।
अन्य मुद्राहरुमा पनि सामान्य परिवर्तन आएको छ। वाणिज्य बैङ्कले तोक्ने विनिमयदर फरक हुनसक्ने र अद्यावधिक जानकारी राष्ट्र बैङ्कको वेबसाइटमा उपलब्ध हुने बताइएको छ ।
मेष
समय राम्रो छ। व्यापारबाट आम्दानी हुनेछ। शिक्षा क्षेत्रमा सफलता प्राप्त हुनेछ। स्वास्थ्य लाभ हुने दिन छ। परिवारसँगको सम्बन्ध सुमधुर बन्नेछ।
बृष
परिवारको रचनात्मक साथ प्राप्त हुनेछ। आफन्तले सहयोग गर्नेछन्। स्वदेशमा अवसरको सिर्जना हुनेछ। श्रमको उचित मूल्यांकन हुनेछ।
मिथुन
आफन्तको विश्वास गर्नाले घाटा हुनेछ। स्वास्थ्यमा समस्या हुने भएकाले खानपानमा विशेष ध्यान दिनु राम्रो हुनेछ। प्रेम सम्बन्ध सुमधुर बन्नेछ।
कर्कट
स्वास्थ्यमा समस्या हुने देखिन्छ। साथीले दुःख दिनेछन्। ठुलो लगानी नगर्नु राम्रो हुन्छ। सामाजिक र राजनीतिक क्षेत्रमा झगडा हुने जोखिम छ। काम गर्नु अगाडि एक पटक सोच्नु राम्रो हुनेछ।
सिंह
समय रमाइलो छ। शिक्षाको लगानीले उत्साह बढ्नेछ। विदेशमा गरेको लगानीबाट फाइदा हुनेछ। परिवारको सहयोग प्राप्त हुन्छ। समाजसेवाको अवसर मिल्नेछ।
कन्या
दिन राम्रो छ। आफ्नो मेहनतको फल प्राप्त हुनेछ। कार्यक्षेत्रमा प्रशंसा हुनेछ। आफन्तको सहयोग प्राप्त हुनेछ। परिवारसँगको सम्बन्ध सुमधुर बन्ने दिन छ।
तुला
अरुलाई सहयोग गर्दा छायामा परेको महसुस हुनेछ। जमिनको कारोबारबाट उत्साह बढ्नेछ। प्रतिस्पर्धी शान्त भएकाले अगाडि बढ्ने अवसर छ। परिवारसँगको सम्बन्ध सहज बन्नेछ। प्रेम सम्बन्ध सुमधुर बन्नेछ।
वृश्चिक
व्यवहार गर्दा सचेत बन्नुपर्ने दिन छ। शिक्षामा सफलता मिल्नेछ। स्वास्थ्यमा सुधार देखिने छ। परिवारबाट रचनात्मक सहयोग प्राप्त हुनेछ। समाजसेवाको अवसर प्राप्त हुनेछ।
धनु
समय राम्रो छ। धेरै अवसर एकसाथ प्राप्त हुने देखिन्छ। शेयरमा लगानी गरेको भए उत्साह बढ्नेछ। व्यापारमा फाइदा हुने दिन छ। शिक्षा क्षेत्रको लगानीबाट सफलता प्राप्त हुनेछ। परिवारसँगको सम्बन्ध सुमधुर बन्नेछ।
मकर
सामाजिक कार्य सफल हुनेछन् । नयाँ काम गर्दै हुनुहुन्छ भने आजको समय शुभ रहेको छ । आज आफन्तका बीच भेटघाट र परिवारसँग मनोरन्जनात्मक कार्यमा सरिक हुन सकिन्छ। विद्यार्थीको पढाईमा ध्यान जान्छ।
कुम्भ
झुटो आरोपको सामना गर्नुपर्ने हुनसक्छ। स्वदेशी भन्दा विदेशमा गरेको लगानीबाट सन्तुष्टि मिल्नेछ। ठुला उद्योगको हात नलगाउनु राम्रो हुनेछ। परिवारको तर्फबाट भने सहयोग प्राप्त हुनेछ।
मीन
तपाईंको सानो गल्तीले अरुको मन दुख्नसक्छ। बोल्नु अगाडि सोच्नु राम्रो हुन्छ। झुक्याउने मान्छे सक्रिय भएकाले व्यवहार गर्दा सचेत हुनुपर्नेछ। परिवारको सहयोग प्राप्त हुनेछ। समाजसेवाको अवसर प्राप्त हुने योग छ।
काठमाडौं । मनसुनको न्यून चापीय रेखा सरदर स्थानको आसापस अवस्थित रहेको छ । हाल देशभर मनसुनी वायुको प्रभाव संगै भारतको मध्यप्रदेशको उत्तरपश्चिम र आसपास रहेको न्यूनचापिय प्रणालीको प्रभाव देखिएको छ।हाल गण्डकी, लुम्बिनी कर्णाली र सुदूपरश्चिम प्रदेशमा साधारणतया देखी पूर्णतया बदली रही बाँकी क्षेत्रमा आंशिक देखी साधारणतया बदली रहेको छ। लुम्बिनी, कर्णाली र सुदूपरश्चिम प्रदेशका केही स्थानहरुमा मेघ गर्जन्चट्याङ्ग सहित हल्का देखि मध्यम वर्षा भइरहेको छ।
आज दिउँसो देशभर आंशिक देखी साधारणतया बदली रहने छ। कोशी, मधेश, बागमती, गण्डकी र सुदूरपश्चिम प्रदेशका केही तथा बाँकी प्रदेशका थोरै स्थानहरुमा मेघ गर्जन्चट्याङ्ग सहित हल्का देखि मध्यम वर्षाको सम्भावना रहेको छ । कोशी मधेश, बागमती र गण्डकी प्रदेशका एक्दुई स्थानमा हावाहुरी सहित भारी वर्षाको पनि सम्भावना रहेको छ।
आज राती देशभर आंशिक देखी साधारणतया बदली रहने छ। कोशी र मधेश प्रदेशका केही तथा बाँकी प्रदेशका थोरै स्थानहरुमा मेघ गर्जन्चट्याङ्ग सहित हल्का देखि मध्यम वर्षाको सम्भावना रहेको छ । कोशी र मधेश प्रदेशका एक्दुई स्थानमा भारी वर्षाको पनि सम्भावना रहेको छ।
काठमाडौं । शान्ति सुरक्षा महाशाखा तथा गृह प्रवक्ताको जिम्मेवारी सहसचिव ऋषिराम तिवारीलाई दिइएको छ । गृह मन्त्रालयले मन्त्रालयको शान्ति सुरक्षा महाशाखा तथा गृह प्रवक्ताको जिम्मेवारी सहसचिव ऋषिराम तिवारीलाई दिएको हो ।
उनी अनुभवी छन् । उनले आधा दर्जन जिल्लामा प्रमुख जिल्ला अधिकारीको रुपमा काम गरिसकेका छन् ।
त्यस्तै अध्यागमन विभागका महानिर्देशक समेत भएका थिए ।
गृहमन्त्री रमेश लेखकले शुक्रबार मन्त्रिस्तरीय निर्णय गर्दै तिवारीलाई शान्ति सुरक्षा महाशाखा र प्रवक्ताको जिम्मेवारी दिएका हुन् ।
त्यस्तै गृहमन्त्रालयको नीति तथा योजना महाशाखाको डा. टोकराज पाण्डेलाई जिम्मेवारी दिएको । गृह मन्त्रालयले शुक्रबार कार्य अवधि पुगेका केहि जिल्लाका प्रमुख जिल्ला अधिकारी सरुवाको गृहकार्य गरेपनि मन्त्री तथा सचिवको कार्यव्यस्तताका कारण अन्तिम निर्णय हुन नसकेको बताइएको छ ।
करिब करिब एक दर्जन बढि सिडिओको सरुवा हुने प्रस्ताव तयार भइसकेको भएपनि अन्य केहि सिडिआकोे सरुवा थप्नुपर्ने भएकाले निर्णय हुन ढिलाई भएको गृह स्रोतले जानकारी दिएको छ ।
काठमाडौं । नेपाल सरकारका मुख्यसचिव एकनारायण अर्यालले वेइमानी गर्ने कसैलाई पनि नछोड्ने बताएका छन् । तराई विकास तथा सञ्चार केन्द्र, नेपालले शुक्रबार काठमाडौंमा आयोजना गरेको ‘बजारको सुशासनमा देखिएको चुनौती र हाम्रो दायित्व’ विषयक कार्यक्रममा बोल्दै मुख्यसचिव अर्यालले चाडवार्डको समयमा कालाबजारी गर्ने जो कोहिलाई सरकारले नछोड्ने बताएका हुन् ।
उनले सो कार्यक्रममा बोल्दै चाडबाडको बेलामा कालाबजारी गर्ने जो कोहिलाई कारर्वाहीको दायरामा ल्याउन ७७ वटै जिल्लाका सिडिओलाई कार्यक्रम मार्फत निर्देशनसमेत दिएका छन् ।
उनले कुनै पनी बहानामा मुल्यवृद्धी, यातायातमा अनावश्यक भाडा वृद्धी र खाद्य बस्तुमा मिसावट गर्ने जो कोहिलाई कारवाही गर्न नडाराउन पनि निर्देशन दिएका हुन् । अर्यालले जनतालाई सेवा दिने कुरामा बर्दी र पद नहेरी काम गर्न निर्देशन दिएका छन् । चाडपर्व नजिकिएसँगै बजारमा हुने कालोबजारी रोक्नका लागि सबै सम्बन्धित निकायका जिम्मेवार व्यक्तिहरूले बर्दी र पद नहेरी काम गर्न उनले निर्देशन दिएका हुन् ।
उनले चाडपर्वको समयमा राजनीतिक झोला छाडेर जनताको झोला बोक्न पनि आग्रह गरेका छन् । ‘खास गरेर चाडपर्वको समयमा जिम्मेवार पदाधिकारीहरूले राजनीतिक झोला छाडिदिनुहोस् । पद र बर्दी पनि बिर्सिदिनुहोस्, उनी भन्छन्, सबै कुरा बिर्सिएर जनताको लागि काम गरौं, जनताको सेवामा लाग्न म अनुरोध गर्छु ।
उनले भने – ‘ नेपालमा कानुन नभएको होइन, कानुन छ त्यसैले अब हामी यो समयमा कसले कति काम गर्यो भन्ने कुरा हेर्छौ । सोहीअनुसार उहाँहरूको मूल्यांकन हुन्छ । निर्धक भएर जनताको सेवामा खटिनुपर्यो यस विषयमामा कुनै प्रेसर र कार्वाहीको कुरा भयो भने मलाई रिपोर्टीङ गर्नुहोला ।’
‘चाडवार्ड नजिकिदै छ । अब मानिसहरु आफ्नो गन्तव्यमा जान्छन् । सडकमा खाल्डा खुल्डी छन् । विभिन्न ठाउँमा खसेको पहिरो पन्छाएको छैन । म यहिबाट भन्न चहान्छु । सम्बन्धित निकायले तुरुन्तै यस विषयलाई सहजिकरण गर्नु पर्यो ।’ –अर्यालले भने ।
अनुगमनका लागि सादा पोसाकका प्रहरी खटाएका छौंः किरण बज्राचार्य
कार्यक्रममा बोल्दै काठमाडौं उपत्यका प्रहरी कार्यालयका प्रहरी अतिरिक्त महानिरिक्षक किरण बज्राचार्यले हरेक ठाउँको गतिविधि निरिक्षण र अनुगमनका लागि सादा पोसाकका प्रहरी परिचालन गर्न थालेको बताएका छन् ।
नजिकिदै गरेको चाडवार्डमा विभिन्न किसिमका लुटपाट, ठगी जस्ता कृयाकलाप हुने गरेको र त्यसलाई अनुगमन गर्न प्रहरी परिचालन गरिएको बताएका छन् ।
उनले भने – ‘चाडवाडको बेलामा जुवा तास खेल्ने, मादक पदार्थ सेवन, लागु औषध दुर्व्यसन, यातायातमा महिलालाई यौन जन्य हिंसा जस्ता कृयाकलाप हुने हुँदा हामि त्यसको निगरानी गर्छौं ।’
भन्सार छली, राजश्व छलीलगायतका विषयमा पनि प्रहरीले सुक्ष्म तरिकाले अनुगमन गरिरहेको बज्राचार्यले बताए ।
गुणस्तर चिन्हलाई हेरेर हामि अनुगमन गछौंः महानिर्देशक जोसी
नेपाल गुणस्तर तथा नापतौल विभागकी महानिर्देक कुमारी ज्योती जोसी (भट्ट)ले कुनै पनि बस्तु गुणस्तर नभएको लागे ‘कम्पेलन’ गर्न सकिने बताएकी छिन् । ‘हामिले सबै क्षेत्रमा गुणस्तरीय उत्पादनलाई जोड दिन्छौं । विभागले दिने गुणस्तर चिन्हलाई हेरेर हामि अनुगमन गछौं । डोटीदेखि झापासम्म हाम्रो कार्यालय छ । जुनसुकै बेला तपाइहरुले ‘कम्पेलन’ गर्न सक्नु हुन्छ ।’ उनले भनिन् ।
बजार अनुगमन १२ महिनै हुन्छः महानिर्देशक पौडेल
णिज्य आपूर्ती तथा उपभोक्ता संरक्षण विभागका महानिर्देशक राजन पौडेलले चाडवार्डमा मात्र नभएर १२ महिना अनुगमन गरिरहेको बताएका छन् ।
विभागको कार्ययोजनामा आधारित भएर आफुहरुले अनुगमन गर्ने पनि उनले बताए ।
खराव, गुणस्तरहिन बस्तु उत्पादन गर्ने जो कोहीलाई कार्वाहीको दायरामा ल्याउने उनले बताए ।
बजारमा अराजकता रोक्न अनुगमन आवश्यकः सम्पादक पण्डित
नेपाल समाचारपत्र दैनिकका सम्पादक सागर पण्डितले बजारमा भएको अराजकता रोक्न अनुगमनको आवश्यकता भएको बताएका छन् ।
कार्यक्रममा आफ्नो धारणा राख्दै पण्डितले पछिल्लो २ महिनामा महङ्गी अत्यधिक बढेकोसमेत बताएका छन् ।
उनले नागरिक पिडित भएको भन्दै बजारको शुसासन कोमामा गएको समेत बताएका छन् ।
चाडपर्वको समयमा यात्रा गर्दा टिकट काटेर मात्रै यात्रा गर्नुहोस्ः उपाध्यक्ष सिटौला
तायात व्यवसायी महासंघका वरिष्ठ उपाध्यक्ष सरोज सिटौलाले चाडावडका बेला यात्रा गर्दा अनिवार्य टिकट गरेर मात्र यात्रा गर्न अनुरोध गरेका छन् ।
उनले सरकारलाई चाडपर्वलाई ध्यानमा राख्दै असोज महिनाभर यात्रुवहाक सवारीसाधनलाई प्राथमिकतामा राखेर सेवा दिन मिलाइदिन सरकारसँग आग्रहसमेत गरेका छन् ।
चाडवाडको बेलामा धेरै यात्रुहरुलाई घरसम्म पुर्याउनुपर्ने जिम्मेवारी भएकोले अन्य नम्बर प्लेटका सवारीसाधनभन्दा पनि कालो नम्बर प्लेटका गाडी अर्थात् यात्रुबहाक सवारीसाधनलाई प्राथमिकता दिन उनले आग्रह गरेका हुन् ।
तराई विकास तथा सञ्चार केन्द्र, नेपालका अध्यक्ष गोविन्दप्रसाद चौलागाईंको अध्यक्षता भएको उक्त कार्यक्रममा काठमाडौं जिल्लाका सिडियो जयनारायण आचार्य, भक्तपुर जिल्लाको सिडिओ रोशनी कुमारी श्रेष्ठ र ललितपुर जिल्लाका सिडिओ तुलसीबहादुर श्रेष्ठको समेत उपस्थिति रहेको थियो । कार्यक्रममा गुणस्तर खाद्य बिभागका महानिर्देशक औषधि बिभागका महानिर्देशक, सरकारी सबै निकायका महानिर्देशकको उपस्थित र यातायात व्यावसायी राष्ट्रिय महासघ वरिष्ठ उपाध्याक्ष सरोज सिटौलाले समेत धारणा राखेका थिए। सडक बिभागका महानिर्देशक रामहरि पोख्रेल उपमाहानिर्देशक चुडाराज ढकाल, दुग्ध बिकास सस्थान, खाद्य व्यावस्थापन कम्पनीका सिइओ, साल्ट टेडिङ कर्पोरेसन लिमिटेडका ब्रजेस झालगायतले कार्यक्रममा सहभागिता जनाएका थिए ।
काठमाडौं । बागलुङको गलकोट नगरपालिका–२ भुङ्खानीमा आज बिहान जीप दुर्घटना हुँदा दुई महिला र एक पुरुषको मृत्यु भएको छ। दुर्घटनामा एक पुरुष घाइते भएका छन् ।
बागलुङ जिल्ला प्रहरी कार्यालयका प्रहरी निरीक्षक प्रताप पौडेलका अनुसार, दुर्घटनामा ज्यान गुमाएकाको र घाइतेको परिचय खुल्न सकेको छैन । घटनास्थलमा प्रहरी उद्धार कार्यमा जुटेका छन्, र घाइतेलाई बागलुङ अस्पताल पठाइएको छ ।
काठमाडौं । नेपाली बजारमा शुक्रबार सुनको मूल्य ह्वात्तै बढेको छ ।
एकैदिन सुनको मूल्य तोलामा ३ हजारले वृद्धि भएको नेपाल सुनचाँदी व्यवसायी महासंघले जनाएको छ । अघिल्लो कारोबार दिन बिहीबार सुनको मूल्य १ लाख ५३ हजार ३ सय रहेकोमा आज १ लाख ५६ हजार ३ सय कायम भइ कारोबार भइरहेको हो ।
जुन हालसम्मकै उच्च मूल्य हो । यसअघि सुनको मूल्य १ लाख ५३ हजार ४ सय कायम भइ उच्च बनेको थियो ।
त्यसो त आज चाँदीको मूल्यमा पनि वृद्धि भएको छ । बिहीबार प्रतितोला चाँदीको मूल्य १ हजार ७ सय ९५ रहेकोमा मूल्य वृद्धि भइ १ हजार ८ सय ६० कायम भइ कारोबार भइरहेको महासंघले जनाएको छ ।
काठमाडौं । दशैंमा घर जानेहरुका लागि हवाई यात्रामा यात्रा गर्ने यात्रुहरुले हवाई टिकट बुकिङ गर्न थालेका छन् ।
दशैं आउन अझै एक महिना बाँकी हुँदै यात्रुहरुले टिकट बुकिङ सुरु गरेका हुन् ।
अधिकांश टिकट अनलाइनबाटै बुकिङ हुने कारणले गर्दा एयरलाइन्स कम्पनीहरूले दसैँका लागि अग्रिम बुकिङ खुलाउँदैनन् । तर पछि अभाव हुने डरले यात्रुहरूले अहिले नै बुकिङ थालिसकेका छन् । अहिले काठमाडौँबाट सबै गन्तव्यको लागि दसैँ अघिका टिकट बुकिङ भइरहेको बुझिएको छ ।
सामान्य दिनमा पनि काठमाडौँबाट पोखरा, नेपालगञ्ज, भैरहवा, धनगढी, विराटनगर लगायतका गन्तव्यमा दर्जनौँ उडान भइरहेका छन् । दसैँको बेला यी गन्तव्यमा यात्रुको चाप झन् बढ्छ ।
काठमाडौं । आगामी असोस ७ गतेबाट चाडवाड लक्षित सहुलियत पसल खुल्ने भएका छन् । उद्योग बाणिज्य तथा आपूर्ती मन्त्रालयले नेपाल आयल निगम, खाद्य व्यवस्था तथा व्यापार कम्पनी लिमिटेड, साल्ट ट्रेडिङ कर्पोरेशन लिमिटेड र दुग्ध विकास संस्थानलाई परिपत्र गर्दै चाडबाडलक्षित सहुलियत पसल सञ्चालन गर्न भनेका छ ।
मन्त्रालयका अनुसार उपभोक्ताको ध्यानमा राखि अत्यावश्यक खाद्य तथा उपभोग्य वस्तु सहुलियत मूल्यमा उपलब्ध गराउन चाडबाड अवधिभर यस्ता पसल सञ्चालनमा ल्याउन लागिएको हो ।
खाद्य व्यवस्था तथा व्यापार कम्नीले सहुलियत पसल सञ्चालन गर्ने
४२ जिल्लाका ६१ स्थानमा सहुलियत मूल्यका पसर खाद्य व्यवस्था तथा व्यापार कम्नीले सञ्चालन गर्ने छ ।
आमउपभोत्ताको हितलाई ख्यालमा राख्दै चामलमा प्रतिकिलो रु पाँच छुट पाइने व्यावस्था हुने भएको छ ।
कर्णालीका रैथाने उत्पादनहरु जुम्ली मार्सी चामल, कागुनो, चिनो, कर्णालीको सिमी, उवा र तितेफापरमा प्रतिकिलो रु सात छुट पाइने छ ।सबै प्रकारका दाल तथा गेडागुडीमा प्रतिकिलो रु पाँच, गहुँको पिठो, चिउरा, चिनी, गहुँलगायत वस्तुमा प्रतिकिलो रु सात, सनफ्लावर, भटमास तथा तोरीको तेलमा प्रतिलिटर रु सात र डिडिसी घ्यूमा प्रतिलिटर रु १० छुट तथा च्याङ्ग्रा, खसी, बोकाको मासुमा प्रतिकिलो रु १० छुटको व्यवस्था मिलाइएको खाद्य व्यवस्था तथा व्यापार कम्पनी लिमिटेडले जनाएको छ ।
साल्ट ट्रेडिङ कर्पारेशनले पनि सहुलियत मुल्यका पसलहरु खोल्ने
साल्ट ट्रेडिङ कर्पारेशनले पनि सहुलियत मुल्यका पसलहरु खोल्ने भएको छ । काठमाडौँ उपत्यकामा तीनवटा घुम्ती पसलसहित नौ स्थानमा सहुलियत मूल्यका पसलहरु खोल्ने भएको हो ।
उपत्यकाबाहेक विभिन्न २२ जिल्लामा पनि साल्ट ट्रेडिङले सहुलियत सुविधा उपलब्ध गराउने जनाएको छ । साल्ट ट्रेडिङले नूनमा प्रतिकिलो रु दुई, चिनीमा प्रतिकिलो रु पाँच, तेलमा प्रतिलिटर रु सात र चिउरा, पिठो तथा मैदामा प्रतिकिलो रु सात छुट दिनेछ ।
दुग्ध विकास संस्थानले यही भदौ १ गतेदेखिबाटै सुरु
दुग्ध विकास संस्थानले यही भदौ १ बाटै सहुलियतका पसलहरु सञ्चालनमा ल्याएको छ ।
संस्थानले कात्तिक मसान्तसम्मका लागि चाडबाड लक्षित छुट योजना सञ्चालन गरिरहेको छ ।
चाडपर्वको समयमा पेट्रोलियम पदार्थको सहज र नियमित आपूर्तिको व्यवस्था मिलाउन आयल निगमलाई निर्देशन दिइएको मन्त्रालयले जनाएको छ ।
चाडपर्व लक्षित सहुलियत मूल्य पसलबाट उपलब्ध गराइने वस्तु तथा सोको मूल्य बिक्रीकक्ष बाहिर सबैले देख्ने गरी राख्नुपर्नेछ । यस्ता पसलबाट बजार मूल्य नियन्त्रण र गुणस्तरीयता कायम गरी सरल, सहज र सर्वसुलभ रुपमा उपलब्ध गराउने उद्देश्य सरकारले राखेको छ ।
काठमाडौं । संवैधानिक परिषदको बैठक शुक्रबार बस्दैछ । प्रधानमन्त्री एवं नेकपा एमलेका अध्यक्ष केपी शर्मा ओलीले सर्वोच्च अदालतका प्रधानन्यायाधीश नियुक्तिको सिफारिस गर्नेगरि बैठक बोलाएका हुन् ।
प्रधानन्यायाधीश विश्वम्भरप्रसाद श्रेष्ठ ६५ वर्षे उमेर हदका कारण असोज १९ मा अवकाशमा जाँदैछन् । त्यसकारण सर्वोच्चको नयाँ प्रधानन्यायाधीश सिफारिसको तयारी गर्न लागिएको हो ।
संवैधानिक प्रावधान अनुसार एक महिना अगाडि प्रधानन्यायाधीश नियुक्तिका लागि संवैधानिक परिसदले सिफारिस गर्नुपर्छ । तर राजनीतिक खिचातानीका कारण बैठक नै बस्न नसकेको हो ।
न्यायपरिषदले प्रधानन्यायाधीश नियुक्तिको सिफारिसका लागि आठ न्यायाधीशको नाम संवैधानिक परिषदमा पठाइसकेको छ ।
सर्वोच्चको न्यायाधीशको वरिष्ठतामा न्यायाधीश प्रकाशमानसिंह राउत अगाडि छन्। त्यसपछि क्रमस नहकुल सुवेदी, सपना प्रधान मल्ल, प्रकाशकुमार ढुंगाना, कुमार रेग्मी, हरिप्रसाद फुयाँल, मनोज शर्मा, कुमार चुडालको नाम परिषदमा पठाइएको छ।
