काठमाडौं । संविधानको विरुद्धमा प्रदर्शन गर्ने ७ जनालाई प्रहरीले पक्राउ गरेको छ ।
जिल्ला प्रहरी परिसर काठमाडौँका अनुसार संसद् भवनको ३ नम्बर गेट नजिकबाट उनीहरूलाई पक्राउ गरिएको हो ।
उनीहरुले संसद् भवन अगाडि संविधानको विरुद्धमा प्रदर्शन गरेको आरोपमा पक्राउ गरेको प्रहरीले जनाएको छ । पक्राउ परेकाहरूलाई प्रहरी वृत्त नयाँ बानेश्वरमा राखिएको छ ।
सरकारले आज विभिन्न कार्यक्रम गरेर संविधान दिवस मनाइरहेको छ ।
काठमाडौं । संसदीय सुनुवाइ समितिले प्रधान न्यायाधीशमा सिफारिस प्रकाशमान सिंह राउत र दुई देशका प्रस्तावित राजदूत उपर सार्वजनिक उजुरी आह्वान गरेको छ ।
बिहीबार बसेको संसदीय सुनुवाइ समितिको बैठकले संवैधानिक परिषदबाट प्रधान न्यायाधीशमा सिफारिस प्रकाशमान सिंह राउत, अस्ट्रेलियाका लागि प्रस्तावित राजदूत चित्र लेखा यादव र बेल्जियमका लागि प्रस्तावित राजदूत सेवा लम्सालको उपर सार्वजनिक उजुरी आह्वान गर्ने गर्ने निर्णय गरेको हो ।
समिति बैठकमा समिति सभापति ईश्वरीदेवी न्यौपानेले सरकारी सञ्चार माध्यम र विद्युतीय सञ्चार माध्यममार्फत उजुरी आह्वान गर्ने प्रस्ताव प्रस्तुत गरेकी थिइन् । सो प्रस्ताव पारित भएसँगै उनले सूचना सार्वजनिक गर्न समिति सचिवालयलाई निर्देशन दिएकी हुन् ।
काठमाडौं । प्रधानमन्त्री केपी शर्मा ओलीले नेपालीले अब प्राप्त अधिकारको रक्षा र कार्यान्वयनको लडाइँ लड्नुपर्ने बताएका छन् । संविधान दिवसको अवसरमा आज आयोजित कार्यक्रमलाई सम्बोधन गर्दे उनले यस्तो बताएका हुन् ।
उनले राजनीतिक स्थिरता, नीतिगत स्थायित्व र समृद्धिको लागि लड्नुपर्ने बताए । एउटा युवाले देशभित्रै रोजगारी पाउने, एउटा श्रमिकले मर्यादित काम पाउने, प्रत्येक नागरिकलाई स्वास्थ्योपचारमा समान पहुँच, ओत लाग्ने ठाउँ नभएर कुनै नागरिकले आकाशतिर हेर्न नपर्ने अवस्था सिर्जना गर्नेगरी सरकारले काम गर्ने प्रतिबद्धता जनाए ।
उनले आफू नेतृत्वको सरकार बालबालिका सडकमा नभई विद्यालयमा भेटिने, किसानले कृषि उपजको बजार र मूल्य पाउने, अपाङ्गता भएका नागरिकले सम्मानपूर्वक बाँच्न पाउने, राज्य बुढेसकालको सहारा बन्नुपर्ने र कमजोर र असहायहरूको आड–भरोसा बन्नेतिर केन्द्रित रहेको बताए ।
काठमाडौं । लोपउन्ुख जाति राउटे समुदायका एक २२ वर्षिय युवाको मृत्यु भएको छ । २२ वर्षीय वृषबहादुर शाहीको भदौ ३१ गते उपचारको लागि प्रदेश अस्पताल लगिएको थियो ।
उपचार हुन नसकेपछि अहिले राउटे बसोबास गरेको स्थान गुराँस गाउँपालिका–१, सिमेलसाल फर्कँदै गर्दा बुधवार राति ९ बजे सुर्खेतको कल्यान काँधमा मृत्यु भएको राउटे परियोजनाका स्वास्थ्यकर्मी विनोद बिसी जानकारी दिए ।
उनका अनुसार मृतक युवा ६ महिनादेखि बिरामी थिए । उपचार गर्न अस्पताल जान नमान्ने राउटे समुदायलाई सम्झाई बुझाई गर्दा बल्ल भदौ ३१ मा उपचार गर्न सहमति जनाएका थिए ।
गुराँस गाउँपालिकाको सहयोगमा प्रदेश अस्पताल सुर्खेत ल्याइएको उनले बताए । खकार चेक गर्दा क्षयरोग रोग देखियो । उपचारमा संलग्न चिकित्सकले सरुवा टिबी भएको जानकारी दिए ।
‘क्यान्सर पो हो कि भनेर मासु लिएर चेक गर्न खोज्दा राउटे मन्जुर भएनन्,’बिसीले भने, ‘अस्पतालले डिस्चार्ज गरिदियो । फर्किँदै गर्दा बाटोमा मृत्यु भएको हो ।’
उनी राउटे समुदायभित्र पर्ने कल्याल जातीका मुखिया वीरबहादुर शाहीका साइँला सन्तान हुन् । यसअघि मृतकका दाजु कपिल शाहीको ६ वर्षअघि मृत्यु भएको हो ।
काठमाडौं । २०७२ सालको भूकम्पले क्षतिग्रस्त धरहरा पुनर्निर्माण भएसँगै संविधान दिवसको अवसरमा आजदेखि सर्वसाधारणका लागि खुला गरिएको छ । सहरी विकास मन्त्रालयका अनुसार धरहराको ९८ प्रतिशत संरचना निर्माण सकिएको छ ।
पुनर्निर्माण तत्कालीन प्रधानमन्त्री केपी शर्मा ओलीको पालामा सुरु भएको थियो र २०७८ साल वैशाख ११ मा उद्घाटन गरिएको थियो । निर्माण कार्य ढिला हुँदा छैटौँ पटक म्याद थपेर बल्ल धरहरा खुला गरिएको हो । सरकारले केही समयका लागि निस्शुल्क रूपमा धरहरा चढ्न सकिने व्यवस्था गरेको छ । बाँकी निर्माण कार्य छिट्टै पूरा गर्ने तयारी छ ।
धरहरामा आधुनिक भवन निर्माणका मापदण्डअनुसार भूकम्प प्रतिरोधात्मक संरचना बनाइएको छ । अबको केही महिनाभित्रै रंगरोगन, शृंगार र अन्य सुविधासहितको सम्पूर्ण निर्माण कार्य सम्पन्न गर्ने सरकारको तयारी छ ।
काठमाडौं । आज नेपाली बजारमा सुनको मूल्य तोलामा ८०० रुपैयाँले घटेर कारोबार हुँदैछ ।
नेपाल सुनचाँदी व्यवसायी महासंघका अनुसार बुधबार १ लाख ५६ हजार ४०० रुपैयाँ रहेको छापावाल सुन आज १ लाख ५५ हजार ६०० रुपैयाँमा कारोबार भइरहेको छ ।
त्यस्तै, चाँदीको मूल्य पनि १० रुपैयाँले घटेर तोलामा १ हजार ८८० रुपैयाँ कायम भएको छ । अघिल्लो दिन चाँदीको मूल्य तोलामा १ हजार ८९० रुपैयाँ थियो ।
काठमाडौं । एकै पटक ठूलो संख्यामा कर्मचारीहरुको सरुवा भएको छ । संघिय मामिला तथा सामान्य प्रशासन मन्न्त्रालयले एक हजार भन्द बढी कर्मचारीको सरुवा गरेको हो ।
मन्त्रालयले ६ सय ४६ जना नायव सुब्बा र खरिदारको सरुवा गरेको छ । त्यस्तै १३५ जना उपसचिवको सरुवा टुंगो लगाएको छ । शाखा अधिकृत २५७ जनाको सरुवा गरेको हो ।
मन्त्रालयले सरुवा गरेको कर्मचारीको यो संख्या एक हजार ३८ हो ।
काठमाडौं । संविधान दिवशको अवसरमा राष्ट्रपति रामचन्द्र पौडेलले शुभकामना व्यक्त गरेका छन् ।
पौडेलले संविधानले केन्द्रीकृत र एकात्मक राज्य व्यवस्थाबाट उत्पन्न विभेदको अन्त्य गर्दै जातीय, भाषिक, धार्मिक तथा भौगोलिक विविधतायुक्त नेपाली समाजलाई राष्ट्रिय एकताको सूत्रमा आबद्ध गरेको बताएका छन् ।
संविधान दिवसका अवसरमा शुभकामना सन्देश दिँदै उनले संविधानले सबै नागरिकको समान पहुँच सुनिश्चित गर्न सामाजिक न्यायमा आधारित समाज निर्माण गर्ने लक्ष्य राखेको उल्लेख गरेका हुन् ।
राष्ट्रपति पौडेलले राजनीतिक परिवर्तन मात्र पर्याप्त नभएको भन्दै राज्यसत्ताको चरित्र र राजनीतिक निष्ठामा पनि परिवर्तन आवश्यक भएको बताए । साथै, संविधानले प्रतिवद्ध गरिएका सेवासुविधा र सामाजिक सुरक्षाको समान पहुँच आवश्यक रहेको धारणा व्यक्त गर्दै देशको समृद्धिका लागि उपलब्ध स्रोतको न्यायोचित वितरणको आवश्यकता रहेकोमा उनको जोड छ ।
काठमाडौं । संविधान दिवसको अवसरमा प्रधानमन्त्री केपी शर्मा ओलीले शुभकामना व्यक्त गरेका छन् । सो अवसरमा शुभकामना दिदै प्रधानमन्त्री ओलीले स्वतन्त्रताको उपभोग गर्दै भविष्य सुरक्षित गर्न सबैलाई आह्वान गरेका छन् ।
सामाजिक सञ्जालमार्फत शुभकामना सन्देश जारी गर्दै ओलीले संविधान निर्माणका लागि गरिएको दशकौं लामो संघर्ष र सयौंको बलिदानको महत्वलाई जोड दिएका हुन् ।
प्रधानमन्त्री ओलीले जनताले आफैंले तय गरेको शासन प्रणाली र संविधानसभाले निर्माण गरेको संविधानले सबैलाई अधिकार सम्पन्न बनाएको बताउँदै यसले विचार, समुदाय, भूगोल, लिङ्ग, जाति र धर्मका भावनाहरूलाई संरक्षण गरेको उल्लेख गरेका छन् ।
संविधानको संरक्षण गरेर मात्र उपभोग गरेका अधिकारको रक्षा गर्न सकिनेमा उनको जोड छ । ओलीले निरङ्कुशता भोगेको अतीतलाई सम्झाउँदै आजको पुस्ताले यो स्वतन्त्रतालाई सुरक्षित राख्नुपर्नेमा जोड दिए ।
अन्तमा, प्रधानमन्त्री ओलीले संविधानले दिएको स्वतन्त्रताको उचित उपयोग गर्दै भविष्यलाई सुरक्षित बनाउन सबैसँग आह्वान गरेका छन्।
मेष
मन भावुक र उत्ताउलो बन्नेछ । अनावश्यक ठाउँमा धन खर्च हुनेछ । जिद्दीपनाले गर्दा काम बिग्रने डर छ । सरकारी निकायको भय पनि रहला ।
बृष
शुभकार्यको चर्चा चल्नेछ । आँटेको र ताकेको कार्य पुरा होला । आदर्श ब्यक्तिको सहकार्यले नयाँ अनुभव मिल्नेछ । पढाइमा प्रगति नै हुनेछ ।
मिथुन
आज आँटेको र ताकेको कार्य पुरा होला । आकस्मिक धनलाभ हुनेछ । महिला वर्ग बाट सहयोग मिल्नेछ । पारिवारिक सद्भाव पनि बढ्नेछ ।
कर्कट
नयाँनौलो समाचार सुन्न पाइनेछ । सामाजिक काम र धर्मकर्ममा मन लाग्नेछ । गरेका कामबाट राम्रै लाभ हुनेछ । प्रेमीको सहयोग पनि पाइनेछ ।
सिंह
आज निर्णय कार्यान्वयन हुन गारो होला । स्वास्थ्यमा समस्या आउन सक्छ, सचेत रहनु होला । जोशजाँगर र आत्मबलमा पनि कमी आउनेछ ।
कन्या
एउटै कामबाट दोहोरो लाभ मिल्नेछ । बन्धु बान्धवबाट सहयोग मिल्नेछ । राजनैतिक कार्यमा सफलता मिल्नेछ । स्वादिष्ट खानेकुरा खान पनि पाइनेछ ।
तुला
आज सांस्कृतिक कार्यमा सरिक हुने अवसर मिल्नेछ । सामाजिक तथा धार्मिक कार्यमा रुचि बढ्नेछ । अरुलाई प्रभावित पारेर अधुरा काम बन्नेछ ।
वृश्चिक
आज नयाँ कार्यको योजना बन्नेछ । नजिकको मित्रसँग भेटघाट हुनेछ । परिवारको साथ सहयोग मिल्नुका साथै यात्राका योग पनि देखिन्छन् ।
धनु
आज लाभहानी, आयव्यय, सुखदुःख बराबरी खालको समय छ । धार्मिक कार्यमा रुचि रहनुका साथै सामाजिक पदप्रतिष्ठा प्राप्त हुने देखिन्छ ।
मकर
आज पारिवारिक साथ सहयोगले उल्लेख्य कार्य सम्पादन हुने देखिन्छ । विपरित वर्गबाट विशेष सहयोग मिल्नेछ । जोशजाँगर र हिम्मत बढ्नेछ ।
कुम्भ
नयाँ ज्ञान सिक्ने मौका मिल्नेछ । धार्मिक कृत्यमा सहभागी बन्नु पर्नेछ । आफन्तको प्रगतिमा मन रमाउनेछ । नयाँ कार्यको अवसर पनि मिल्नेछ ।
मीन
आज रोकिएका काम पुनः सुरु हुन सक्छन् । जोशजाँगर र उमङ्ग बढ्नेछ । वैदेशिक क्षेत्रको कार्य अघि बढ्नेछ । साहित्यिक क्षेत्रमा रुचि बढ्नेछ ।
काठमाडौं । मनसुनको न्यून चापीय रेखाको पश्चिमतिर सरदर स्थानको उत्तरतर्फ र पूर्वतिर सरदर स्थानको आसापस अवस्थित रहेको छ । देशभर मनसुनी वायुको प्रभाव संगै भारतको उत्तरपूर्वी मध्यप्रदेश र दक्षिण उत्तरप्रदेश आसपास रहेको न्यूनचापिय प्रणालीको आंशिक प्रभाव पनि रहेको छ । हाल गण्डकी, लुम्बिनी, कर्णाली र सुदूरपश्चिम प्रदेशमा आंशिक देखि साधारणतया बदली रही बाँकी भू-भागमा आंशिक बदली देखि मूख्यतया सफा रहेको छ।
आज दिउँसो देशको पहाडी भू–भागमा आंशिक देखि साधारणतया बदली र बाँकी भू(भागमा आंशिक बदली देखी मूख्यतया सफा रहने छ। कोशी र बागमती प्रदेशका पहाडी थोरै स्थानहरु तथा बाँकी पहाडी भू(भागको एक्दुई स्थानमा मेघ गर्जन्चट्याङ्ग सहित हल्का देखि मध्यम वर्षाको सम्भावना रहेको छ ।
आज राती कोशी र बागमती प्रदेश लगायत देशको पहाडी भू–भागमा आंशिक देखि साधारणतया बदली र बाँकी भू(भागमा आंशिक बदली देखी मूख्यतया सफा रहने छ। कोशी र बागमती प्रदेशका पहाडी भूभागका एक्दुई स्थानमा हल्का देखि मध्यम वर्षाको सम्भावना रहेको छ ।
काठमाडौं । संविधान दिवस तथा राष्ट्रिय दिवस २०८१ आज स्वदेश र विदेशमा विभिन्न कार्यक्रमसहित मनाइँदैछ । टुँडिखेलमा हुने मुख्य समारोहमा राष्ट्रपति रामचन्द्र पौडेल प्रमुख अतिथिका रूपमा सहभागी हुनेछन् भने प्रधानमन्त्री केपी शर्मा ओलीले सम्बोधन गर्नेछन् ।
संविधान दिवसको अवसरमा सङ्घ, प्रदेश, स्थानीय तह, राजनीतिक दल, र नागरिक समाजले विभिन्न कार्यक्रम गर्दैछन्। विदेशस्थित नेपाली दूतावासहरूमा पनि कार्यक्रम आयोजना हुनेछ ।
इः क्बष् एबतजष्दजबचब ज्यकउष्तब
ि२०७२ असोज ३ गते संविधानसभाबाट जारी भएको संविधानले संघीय लोकतान्त्रिक गणतन्त्र, समावेशी लोकतन्त्र, समानुपातिक समावेशी प्रतिनिधित्व, धर्मनिरपेक्षतालगायतका विषयलाई आत्मसात् गरेको छ ।
संविधान दिवसकै खुसियालीमा नागरिकस्तरबाट काठमाडौँको दरबारमार्गमा राष्ट्रिय दिवस साङगीतिक प्रस्तुती हुनेछ ।
यसैबीच, संविधान दिवसका अवसरमा राष्ट्रपति, प्रधानमन्त्री, सभामुख, राष्ट्रियसभा अध्यक्ष तथा विभिन्न पार्टीका शीर्ष नेताहरुले शुभकामना सन्देशमार्फत उल्लासमय वातावरणमा राष्ट्रिय दिवस भव्य रूपमा मनाउन आम–जनसमुदायलाई आह्वान गरेका छन् ।
काठमाडौं । आज बसेको मन्त्रिपरिषद् बैठकले चार जना सचिवको सरुवा गरेको छ ।
कृषि तथा पशुपन्छी विकास मन्त्रालयका सचिव डा. दीपक कुमार खराललाई वन तथा वातावरण मन्त्रालय र त्यहाँका सचिव डा. गोविन्द प्रसाद शर्मालाई कृषि तथा पशुपन्छी विकास मन्त्रालयमा सरुवा गरिएको एक मन्त्रीले जनाकारी दिएका छन् ।
कृषि मन्त्री डा. खरालको सम्बन्धमा पछिल्लो समय धेरै गुनासाहरू आएका थिए । कृषि नै नबुझेका सचिव खरालले अन्टसन्ट वक्तव्य दिँदै हिँड्नेदेखि कर्मचारी सरुवामा ‘सेटिङ’ मिलाएको बताइँदै आइएको छ ।
ऊर्जा, जलस्रोत तथा सिंचाइ मन्त्रालयका सचिव गोपाल प्रसाद सिग्देल(ऊर्जा)लाई जल तथा ऊर्जा आयोगको सचिवालयमा र त्यहाँका सुरेश आचार्यलाई ऊर्जा, जलस्रोत तथा सिंचाइ मन्त्रालय(ऊर्जा) मा लगिएको छ ।
काठमाडौं । सरकारले सहसचिव डा. कमल प्रसाद पोखरेललाई सचिवमा बढुवा गरेको छ ।
आज बसेको मन्त्रिपरिषद् बैठकले शिक्षा मन्त्रालयका सहसचिव पोखरेललाई सचिवमा बढुवा गर्ने निर्णय गरेको एक मन्त्रीले जानकारी दिए ।
लोक सेवा आयोगका अध्यक्ष माधव प्रसाद रेग्मीको अध्यक्षतामा बसेको बढुवा सिफारिस समितिको बैठकले प्रशासनतर्फ रिक्त सचिव पदमा बढुवाका लागि डा. कमल प्रसाद पोखरेल, रघुराम विष्ट र बाबुराम अधिकारीको नाम सिफारिस गरेको थियो ।
सोहि अनुरुप पोखरेललाई सरकारले सचवमा बढुवा गरेको हो ।
काठमाडौं । प्रभु बैंकका उच्च पदस्त अधिकारीहरुले बैंकको ऋण प्रवाह अबैध ढंगबाट गरिरहेको खुल्न आएको छ ।
प्रभु बैंकको केन्द्रीय कार्यलय बबरमहमा कार्यरत डेप्युटी डिसिओ मणिराम पोख्रेल र कार्यकारी अधिकृत अशोक शेरचनले अबैध ढंगबाट सर्वसाधारणको बचतलाई डुवाउने खेलमा लागेको खुलासा भएको हो ।
उनीहरुले अमुख कम्पनीहरुलाई विभिन्न शिर्षकको नाममा कमिसनको खेलमा ऋण प्रवाह गरिरहेको स्रोतले खुलासा गरेको हो ।
प्रमुख कार्यकारी अधिकृत अशोक शेरचनको नेतृत्वमा रहेको प्रभु बैंकबाट प्रवाह भएका अधिकासं कर्जा खराब कर्जाको रुपमा परिणत भएका छन् । उच्च पदस्त अधिकारीको मिलेमतोमा विभिन्न कम्पनीहरुसँग साठगाँठ गरि अवैध तवरबाट कमिसनको खेलमा ऋण दिदै आएको भेटिदा पनि सम्बन्धित निकायहरु भने मौन बसेका छन् ।
उनीहरुले काठमाडौं महानगरपालिका वडा नम्बर ३ बसुन्धारामा रहेको टिम्बर ट्रेड लिङ नामक कम्पनीसँग साठगाँठ गरि बचत कर्ताको रकम हिनामिना गरेको प्रमाण फेला परेको हो ।
सो कम्पनीका अख्तियार प्राप्त रुवी खतिवडा र डिसिओे मणिराम पोखरलको मिलेमतोमा स्टक, बिक्रि तथा धितोसमेत नभएको सानो कम्पनीलाई २ करोड १९ लाख रुपैयाँ ऋण दिइएको खुल्न आएको हो ।
प्राप्त जानकारी अनुसार सो ऋण राम्रै कमिसनको खेलमा प्रवाह गरिएको हो । बैंकले तयार पारेको कागजमा २०७७ कात्तिक १७ गते मालोपोत कार्यालय काभ्रेपलाञ्चोकको रजिष्ट्रार नम्बर १४०७ ‘ग’ बाट धितो लिखत पारित गरिएको, सो कम्पनीको नाममा दर्ता रहेको साबिक पाँचखाल गाविसको ६ मा रहेको कि। न ४०८८ को २ रोपनी एक दाम २ पैसाको जाय जेथा देखाएर उक्त ऋण स्विकृत गरिएको पाइएको हो ।
उक्त जग्गाको मूल्याङकनका आधारमा त्यति रकम ऋण दिन सकिने स्थिति नै छैन तर पनि उनीहरुले सेटिङ मार्फत सो ऋण प्रवाह गरेर बचत कर्ताको रकम भने जोखिममा पारिदिएका हुन् ।
उनीहरुले उक्त कम्पनी मार्फत अर्कै व्यक्तिको विवरण पेस गरेर ऋण निकासा गरेका छन् । सो अबैध कार्यमा बैंकका डिसिओले नक्कली कागजलाई सदर गरेर ऋण दिन विशेष भुमिका निर्वाह गरेको स्रोतको दाबी छ ।
नाम गोप्य राख्ने शर्तमा एक व्यक्तिका अनुसार डिसिओ पोखरेल र खतिवडाबीच भएको सहमति अनुसार कमिसन लिएर अरुको कम्पनीको कागजलाई टिम्बरको नाममा नक्कली कागज बनाई लोन दिएको प्रमाणित भएको हो । सो कम्पनीलाई नक्कली कागज बनाउन चितवनका एकनारायण देवकोटा नामका व्यक्तिको मुख्य भुमिका रहेको बुझिएको छ ।
उनै देवकोटा र डिसिओ पोखरेलको मिलेमतोमा अन्य कम्पनीलाई पनि कमिसनको चलखेल गरि ऋण दिएको हाम्रो स्रोतको दाबी छ ।
उनीहरुले ऋण प्रवाह गर्दा आठ प्रतिशतसम्म कमिसन लिने गरेको स्रोत बताउँछ । पोखरेलले बैंकका तल्लो निकायका कर्मचारीलाई प्रयोग गरि अपुग काजगपत्रलाई सेटिङ मार्फत बनाउन लगाएर ऋण प्रवाह गर्ने गरेका हाम्रो स्रोतको दाबी छ ।
सो विषयमा बैंकका सिइओ शेरचन त्यस्तो वेतिथिलाई रोक्नुपर्ने ठाउँमा आफै संलग्न रहेका छन् । धितो नपुगे पनि बैंकका कर्मचारीले पदको दूरुपयोग गरेर ऋृण दिनु गम्भिर विषय भएको स्रोत बताउँछ ।
पोखरेल डिसिओ भएर आएपछि बैंक नै खतरामा परेको हाम्रो स्रातको भनाई छ । बैंककै कर्मचारी रहेको हाम्रो स्रोतका अनुसार पोखरेलले सिइओ शेरचनलाईसमेत प्रभावमा पारेर सो बैंक धन्दा चलाउँदै आएको दाबी गरेका छन् । उनीहरु उक्त अबैध विषयको कुरा बाहिर आएमा त्यसको दोष तल्लो दर्जाका कर्मचारीलाई लगाएर पन्छिने गरेको स्रात बताउँछ ।
उनीहरुको काम खराब कर्जा नियन्त्रण हो तर खराब कर्जा नियन्त्रण भन्दा पनि झन जोखिम बढेको छ ।
नेपाल राष्ट्र बैंक पनि मौन
प्रभु बैंकमा त्यस्तो वेतिथि रहेको विषयमा बैंक तथा वित्तिय संस्थाको अनुसन्धान गर्ने निकाय नेपाल राष्ट्र बैंकलाई उजुरी गर्दासमेत राष्ट्र बैंक पनि मौन रहेको गुनासो उजुरी कर्ताहरुको छ ।
उक्त अबैध धन्दाको बारेमा राष्ट्र बैंक पछि हट्दा चलखेल गर्ने प्रभु बैंकका उच्च पदस्त कर्मचारीहरुले अबैध कृयाकलापलाई झन बढाएको बुझिएको छ ।
सिइओ र डिसिओले उक्त अबैध कार्य विभिन्न कम्पनी मार्फत ऋण प्रवाह गर्ने र रकम भने आफै चलाउँदै आएको पनि बुझिएको हो ।
उनीहरुको उक्त कृयाकलापका विषयमा पटक पटक राष्ट्र बैंकलाई उजुरी गर्दा पनि राष्ट्र बैंक नै मुकदर्शक बनेकोे आरोप लागेको छ । २०७६ सालमा उनीहरुको उक्त अबैध कृयाकलापको विषयमा उजुरी परेपनि त्यस उपर बैंकले कुनै कारर्वाही गरेको छैन ।
प्रभु बैंककोविरुद्धमा परेका उजुरीमा राष्ट्र बैंकले सञ्चालक समितिसँग जवाफसमेत माग्ने आट गरेको छैन । राष्ट्र बैंकबाट बैंक सुपरिवेक्षणमा जादा पनि उजुरी परेको विषय उपर प्रवेश नै नगरेको पाइएको छ ।
बैंकका उच्च पदस्त व्यत्तिको खातामा गैर कानुनी र असाधारण तवरबाट रकम जम्मा भएको भन्दै छानविन गर्न माग गर्दै उजुरी गरिएको थियो । तर हालसम्म पनि सिइओ र डिसिओमाथि कुनै कारबाही नगर्नु राष्ट्र बैंक पनि उनीहरुको प्रभावमा परेको स्रोतले दाबी गरेको छ ।
राष्ट्र बैंकले कारबाही नगरे पछि सिआइबीमासमेत उजुरी दिइएको थियो । तर सिआइबीले पनि उक्त विषयमा कार्वाही अघि नबढाएको उजुरी कर्ताको गुनासो छ । उक्त घटनामा संलग्नलाई कारबाही गर्नुपर्ने सिआइबीले पनि छानविन नगरेर उनीहरुलाई उन्मुक्ति दिइरहेको स्रोतको दाबी छ ।
उक्त कृयाकलापले गर्दा सर्वसाधारण जनताले गरेको बचत खतरामा परेको छ । समाचार श्रोतका अनुसार राष्ट्र बैकका माथिल्लो निकायले बेलैमा चासो नराख्ने हो भने बित्तीय क्षेत्रमा भएको अनियमितताको छानबिनको मौसम चलिरहेको यतिबेला प्रभु बैकका निक्षेपकर्ता समेत आफनो निक्षेप जोगाउन सम्बन्धित निकायमा गुहार माग्नुपर्ने अवस्था आउन सक्ने देखिन्छ ।
