February 10, 2022
अकबरेकाे कमाल: करेन्ट चाउचाउकाे चार अर्ब रूपैयाँको कारोबार
काठमाडौँ-नेपालमा दैनिक ४ लाख प्याकेट चाउचाउको खपत हुने गरेको छ ।
हिसाबनै गर्ने हो भने प्रति मिनेट ३ हजार चाउचाउका प्याकेट नेपालका मानिसले खाने गरेका छन् ।
प्याकेट खोलेर भुजियाको रुपमा, सुप बनाएर, फ्राई गरेर साधेर अथवा हिजोआज त लाफिङ्गमा हालेर समेत चाउचाउ खाने गरिन्छ ।
सुन्दा अच्चम लाग्न सक्छ प्रतिब्यक्ती आयको आधारमा बिश्वमा चाउचाउ खपत गर्ने देसमा नेपाल दक्षिण कोरिया पछी दोस्रो नम्बरमा पर्दछ ।
नेपालमा चाउचाउ उत्पादनको ईतिहास केलाउने हो भने नेपालमा सर्वप्रथम १९८० मा गण्डकी नुडल्स पोखराले पहिलोपटक रारा चाउचाउ बजारमा ल्याएको हो ।
दोस्रो बिश्वयुद्ध ताका बेलायत सैनिकमा गएका नेपालीले मात्र पाएको स्वाद रारा चाउचाउ मार्फत आम नेपालीको जिब्रोमा पुग्यो ।
नेपालका एकमात्र डलर अर्वपती विनोद चौधरीको उद्योगमा प्रवेश वाई वाई चाउचाउको उत्पादन मार्फतनै भएको हो ।
नेपालमा त्यसपछीको होडबाजीमा थुप्रै चाउचाउ उद्योग खुले र बन्द भए । पछि खुलेका निकै कम चाउचाउ उद्योग स्थापित रुपमा आफ्नो उत्पादन तथा कारोवार गर्दै आईरहेका छन् ।
करिव ५ बर्ष अगाडी स्थापना भएको ’यशोदा फुड्स प्राइभेट लिमिटेड’ ले चाउचाउको क्षेत्रमा आफ्नो बेग्लै पहिचान बनाउन सफल भएको छ ।
लाली ब्रान्डको चाउचाउ उत्पादन गरेर काम सुरु गरेको यशोदा फुड्सले अहिले कोरियन हट एण्ड स्पाईसी चाउलाई टक्कर दिन सक्ने करेन्ट चाउचाउ लन्च गरेसँगै नेपालमा बिक्री हुदै आएका कोरियन चाउचाउ बिस्थापित भएका छन् ।
यशोदा फुड्सका निर्देशक ऋषिराम भण्डारीका अनुसार उनीहरू आफैं बजार विस्तारका लागि विभिन्न स्थान पुग्थे ।
आफ्ना उत्पादनबारे उपभोक्ताको प्रतिक्रिया बुझ्थे। करिब दुई वर्षअघि बजार अध्ययन क्रममा किशोर र युवा उमेरका उपभोक्ताले महँगै भए पनि पिरो कोरियन चाउचाउ मन पराउने गरेको उनीहरूले थाहा पाए ।
त्यसै अनुरुप उनीहरुले कोरिएन स्टाइलको तर मात्र ५० रूपैयाँ पर्ने करेन्ट हट एन्ड स्पाइसी बजारमा उतारे जस्ले निकै राम्रो ब्यापार गर्यो ।
करेन्ट हट एन्ड स्पाइसी बजारमा आएसँगै नेपालमा बिक्री हुदै आएका कोरियन चाउचाउ बिस्तारै बिस्तारै गर्दै बजारबाट बिस्थापित भएका छन् ।
करेन्टको पिरो चाउचाउ आएपछि साढे दुई सय रूपैयाँसम्म तिरेर कोरियन चाउचाउ खानेले सस्तोमा त्यो भन्दा राम्रो गुणस्तरको चाउचाउ खान पाएको कम्पनीले दावी गरेको छ ।
करेन्टले कोरियन चाउचाउको आयात कम भएको मात्र होईन अहिले करेन्ट चाउचाउ कोरियामा समेत निर्यातहुन थालेको कम्पनीले बताएको छ ।
उद्योग आफैंले चाउचाउ कोरिया नपठाएको तर विक्रेताहरूले पठाएका कम्पनीेले बताएको छ ।
कम्पनीेले करेन्ट हट एन्ड स्पाइसी भारतको असम, सिलोङ, सिलगुडी, गुवाहाटी लगायत सहरमा धेरै निर्यात भइरहेको जानकारी दिएको छ ।
अहिले अमेरिका, अस्ट्रेलिया, क्यानडा, मलेसिया, भुटान, जापान, नेदरल्यान्डस् लगायत देशमा निर्यात भइरहेको कम्पनीले जनाएको छ ।
यशोदा फुड्सले महँगो कोरिएन हट एन्ड स्पाइसी चाउचाउ विस्थापन गरिदिएको कम्पनीको दावी रहेको छ ।
पिरो चाउचाउको माग बढे पनि अरू स्वादको बजारमा असर नपरेको कम्पनीले बताएको छ ।
पिरो चाउचाउ किन्नेमा १५ देखि २५ वर्ष उमेर समूहका धेरै रहेको तथा नयाँ उपभोक्ता थपिएको कम्पनीले बताएको छ ।
उद्योगका अनुसार अहिले मासिक तीन लाख कार्टुन करेन्ट चाउचाउ उत्पादन हुन्छ । प्याकेट हिसाबले दैनिक २ लाख ।
चाउचाउका लागि दैनिक ६० टन मैदा खपत हुन्छ भने हट एन्ड स्पाइसीमा दैनिक चार सय किलो नेपाली डल्ले खुर्सानी प्रयोग हुन्छ ।
अन्य उत्पादनमा भने साधारण खुर्सानी प्रयोग हुन्छ । अकबरे र सामान्य गरी वार्षिक पाँच लाख किलो खुर्सानी प्रयोग भइरहेको छ
चाउचाउ बनाउन प्रयोग हुने ९० प्रतिशतभन्दा बढी कच्चा पदार्थ अर्ग्यानिक रूपमा नेपालमै उत्पादन हुने गरेको कम्पनीको भनाइ छ ।
करेन्टको उत्पादन र बजारसँगै अकबरेको बजार पनि उकासिएको छ ।
पहिले ६०–७० रूपैयाँ किलोमा नबिकेको अकबरे उद्योगले १२ सय रूपैयाँ किलोसम्म किनेको कम्पनीले जानकारी दिएको छ ।
अहिले उद्योगले पहाडी जिल्ला पाल्पा, गुल्मी र अर्घाखाँचीबाट खुर्सानी ल्याइरहेको छ ।
नपुग अकबरे स्याङ्जा, भोजपुर, इलाम, मकवानपुर, काभ्रे लगायतबाट पनि मगाउने गरेको कम्पनीले जनाएको छ ।
खपत बढेपछि पहाडका पाखाबारीमा अहिले अकबरे खेती हुन थालेको छ ।
खेती गर्न चाहने किसानलाई उद्योगले मल र बिउ व्यवस्था उद्योगले नै गरिदिने गरेको कम्पनीले बताएको छ ।
लगानी गर्न नसक्ने कतिपयलाई सहयोग पनि गर्दै आएको छ ।
दैनिक २४ घन्टा सञ्चालन हुने उद्योगमा साढे चार सयभन्दा बढी मानिस काम गर्छन् ।
कम्पनीका अनुसार उत्पादन थपिँदै जाँदा उद्योगको कारोबार पनि बढ्दै गएको छ ।
गत वर्ष चार अर्ब रूपैयाँको कारोबार गर्ने लक्ष्य राखेको कम्पनीले त्योभन्दा बढी काराेबार गरेको कम्पनीले जनाएको छ ।
यशोदा फुड्सले पिरो चाउचाउ करेन्टका कारण चार वर्षमै वार्षिक कारोबार चार अर्ब पुर्याउन उद्योग सफल भएको बताएको छ ।
अकबरेकाे कमाल: करेन्ट चाउचाउकाे चार अर्ब रूपैयाँको कारोबार
प्रकाशित मिति:February 10, 2022
November 24, 2024
