इकागजको प्रधान सम्पादकमा विकास थापा

काठमाडौँ । इकागज मिडिया प्रालिद्वारा प्रकाशित इकागज डटकमको प्रधान सम्पादकमा विकास थापा नियुक्त भएको छ । इकागज मिडियाको सोमबार बसेको व्यवस्थापन बैठकले थापालाई प्रधान सम्पादकमा नियुक्त गर्ने निर्णय गरेको हो । थापा यसअघि सोही मिडियाको सम्पादकको जिम्मेवारी निरवाह गरिरहेका थिए ।

स्थापनाकालदेखि नै प्रधान सम्पादकको जिम्मेवारीमा रहेका वरिष्ठ पत्रकार हरिबहादुर थापाले सोमबार राजीनामा दिएपछि रिक्त रहेको स्थानमा थापालाई नियुक्त गरेको छ ।

व्यवस्थापनमा स्नातकोत्तर ‍‍(एमबीए) थापाले २० वर्ष कान्तिपुर राष्ट्रिय दैनिकको विभिन्न जिम्मेवारीमा रही काम गरेका छन् । ‘जलसरोकार’ का विषयमा निरन्तर कलम चलाउँदै आएका थापाले ८ वर्ष अन्नपूर्ण पोस्ट राष्ट्रिय दैनिकमा काम गर्दै सम्पादनको नेतृत्व पनि सम्हालेका छन् ।

ऊर्जा र आर्थिक समाचारमा विशेष दक्षता हासिल गरेका थापाको ‘नेपालमा जलविद्युत’ नामक पुस्तक प्रकाशित छ ।