गण्डकीमा मन्त्रिपरिषद बिस्तार हुँदै

गण्डकी प्रदेशको मन्त्रिपरिषद बिस्तार हुँदै छ। शुक्रबार मुख्यमन्त्री सुरेन्द्रराज पाण्डेले मन्त्रिपरिषद बिस्तार गर्न लागेका हुन्।

 गण्डकी प्रदेशमा यसअघिको मन्त्रालयको कार्य विभाजन हेरफेर भएको छ । मुख्यमन्त्री सुरेन्द्रराज पाण्डेले आन्तरिक मामिला तथा कानुन मन्त्रालय आफैंसँग राखेका छन् । कृषि, ऊर्जा तथा जलस्रोत मन्त्रालयबाट छुट्याएर कृषि तथा भूमि व्यवस्था मन्त्रालय बनाइएको छ ।

मन्त्रीहरुमा कांग्रेसबाट महेन्द्रध्वज जिसी, दिपेन्द्रबहादुर थापा र माओवादीबाट रेशमबहादुर जुग्जालीको नाम चर्चामा छ।

यता एकीकृत समाजवादीबाट राजीव गुरुङ (दीपक मनाङे) मन्त्री बन्ने चर्चा भएपनी उनलाई नेतृत्व तहले उनको नाम सिफारिस गरिसकेको छैन्।

वैशाख ९ गते एमालेका खगराज अधिकारी नेतृत्वको सरकार ढलेपछि कांग्रेस–माओवादीसहितको गठबन्धनबाट गत वैशाख १४ गते पाण्डे मुख्यमन्त्री नियुक्त भएका हुन्।