सुन तस्करीमा एयरपोर्ट भन्सार प्रमुख पाण्डे नै संलग्न

काठमाडौँ । त्रिभुवन अन्तर्राष्ट्रिय विमानस्थलमा पठाउने कर्मचारी राज्यको निम्ति काम गर्न जाने भन्दा नेताको लागी रकम जम्मा गर्दिन र आफुले सकेसम्म असुल्ने निति अन्तर्गत एयरपोर्ट भित्रका सरकारी निकायमा जाने गरेको बताइन्छ। कर्मचारीको सेटिङ र मन्त्री र नेताको आडमा हुने सुन तस्करी रोकिन सकेको छैन।
देश टाट पल्टाउन कसरी काम हुन्छ भन्ने सन्दर्भ जान्नको निम्ति एयरपोर्ट भन्सारको गतिविधि नियाल्दा छर्लङ्ग हुन्छ। नेपाल सरकारका सहसचिव झलकराम अधिकारीलाई प्रयोग गरेर कुस्त कमाएका गिरोहले तस्करी धन्दा बाहिर आए संगै उनलाई कार्वाहीको नाटक गर्दै हाल डेन्टिङ पेन्टिङ का साथ मन्त्रालयमा सुरक्षित राखिएको छ। झलकलाई अलग गर्दै त्यो भन्दा बढी मन्त्री र नेताको सेवामा हजिर हुने शर्तमा एयर पोर्ट पुगेका अधिकास कर्मचारी कमाउन ब्यस्त छन्। तर उनीहरुलाई के हेक्का छैन भने उनीहरुले गरेका हरेक कर्तुत आमजनताले नियालेर बसेका छन्। देशलाई सेवा गर्नुपर्ने राष्ट्रसेवक कर्मचारीले केहि निश्चित ब्याक्तिप्रति बफादार बन्छन् र देश कंगाल बन्दै जाने ब्याक्ति धनी बनाउदै जाने कुकर्म गर्ने लाई देशले श्रीलंकाको अवस्था सामना गर्नुपर्यो भने निशान को बन्लान हरेकले हिसाबकिताब सुरक्षित राखेका छन् यो बिषयमा बेलैमा ध्यानाकर्षण हुन जरुरी छ।

• कसरी हुन्छ सुन तस्करी

सुन तस्कर गर्न अर्थ ,गृह ,श्रम र पर्यटन मन्त्रालयबाट परिचालन गरिएका कर्मचारी र नागरिक उड्डयन प्राधिकरण (क्यान)बाट वितरण हुने ‘अल एरिया पास’ दुरुपयोग हुने गरेको खुलेको छ । गत २१ मंसिरमा भएको १४ किलो सुन तस्करी पनि सोही पास दुरुपयोग भएको खुलेको छ । क्यानले विमानस्थलभित्र काम गर्ने कर्मचारीलाई कार्यक्षेत्र प्रवेश गर्न विशेष पासको व्यवस्था गरेको छ । यसका लागि उसले १३ कार्यक्षेत्र निर्धारण गरेको छ ।

पासवाहक कर्मचारी तोकिएको क्षेत्रबाहेकमा प्रवेश गर्न पाउँदैनन् । यदि गरिहाले पासवाहक कर्मचारीलाई गैरसैनिक हवाई उडान ऐन, २०१५ अनुसार कारबाही हुन्छ । तर, क्यानले केही विशेष कर्मचारीका लागि यस्तो पास बनाएको छ, जुन लिएर पासवाहक १३ वटै कार्यक्षेत्रमा विनारोकतोक जान सक्छ । १४ किलो सुन तस्करीमा सोही पास दुरुपयोग भएर भएको हो भनिए पनि सो कार्यमा विमानस्थलस्थित भन्सार कार्यालयका प्रमुख डा. टोकराज पाण्डेले सुन तस्करीमा कमिसनमा लोभिएर सो धन्धालाई पक्ष पोषण गर्दै आएको बताइन्छ ।

उनलाई साथ दिने क्यानबाट उपलब्ध गराउने ‘अल एरिया पास’को प्रयोग गराउने पाण्डेको सेटिङ नै मुख्य कारण हो भनिन्छ ।‘क्यानले विमानस्थलका कर्मचारीलाई कार्यक्षेत्र अनुसार विशेष पास उपलब्ध गराउँछ । तर, केही कर्मचारीले ‘अल एरिया पास’ पाएका हुन्छन् । सुन तस्करीमा संलग्न हुनेले यही पास दुरुपयोग गरेको अनुसन्धानबाट समेत खुलेको छ,’ उनले भने । भन्सार कार्यालयका अनुसार १४ किलो सुन तस्करीमा पक्राउ परेका शेरबहादुर बस्नेत, राधाकृष्ण श्रेष्ठ, रमेश देउला, लेखबहादुर तामाङ र अनिल श्रेष्ठसँग ‘अल एरिया पास’ थियो । उनिहरुले भन्सार प्रमुख पाण्डे संग बारम्बार भेटने गरेको पाण्डे सचिवालयका एक कर्मचारीले सम्पत्ति न्युज लाई बताए ।समाचार श्रोतका अनुसार बस्नेत विमानस्थलका ‘प्लम्बर’ हुन् ।

विमानस्थलभित्र धारा तथा शौचालयसम्बन्धी सबै काम उनीमार्फत हुँदै आएको थियो । सोही कारण उनलाई क्यानले उक्त पास उपलब्ध गराएको थियो । जसले गर्दा उनी विमानस्थल भित्रको सबै कार्यक्षेत्रमा विनारोकतोक आउजाउ गर्न सक्थे । तिनै बस्नेत लाई भन्सार प्रमुख पाण्डेले साथ दिएका कारण सुन तस्करी नरोकिएको बताइन्छ। प्राप्त जानकारी अनुसार अन्तर्राष्ट्रिय उडानको ‘अराइभल’ कक्षमा प्रवेश गर्नुअघि नजिकै एउटा सुविधासम्पन्न शौचालय छ । सुन बोकेर आउने भरिया (चन्द्रबहादुर गुरुङ र कृष्णबहादुर श्रेष्ठ) ‘अराइभल’को परीक्षण कक्षमा प्रवेश गर्नुअघि सीधै शौचालय जान्थे । बोकेर आएको सुन उनीहरूले शौचालयको ‘डस्बिन’मा हालिदिन्थे । र, ‘अराइभल’को परीक्षण कक्षमा प्रवेश गरी सजिलै बाहिरिन्थे ।

त्यसअघि नै सुन आएको सूचना ‘प्लम्बर’ बस्नेतकहाँ पुगिसक्थ्यो । विमानस्थलको ‘प्लम्बर’बाट अवकाश पाएको केही वर्षअघि मात्रै सोही पदमा करारमा नियुक्त भएका उनी सरासर शौचालय पुग्थे । डस्बिनमा सुन भए–नभएको यकिन गर्थे । र, सूचना क्यानका अर्का कर्मचारी श्रेष्ठलाई दिन्थे ।

श्रेष्ठ विमानस्थलको एसी टेक्निसियन हुन् । उनलाई पनि क्यानले ‘अल एरिया पास’ उपलब्ध गराएको थियो । करारमा कार्यरत उनी विनारोकतोक विमानस्थलको सबै कार्यक्षेत्रमा आउजाउ गर्न सक्थे । सुन आएको सूचनापछि उनी सोही पास लिएर शौचालय पुग्थे । डस्बिनको रेकी गर्थे । र, सुन भरिएको डस्बिन लिन विमानस्थलकै सरसफाइ कर्मचारीलाई पठाउँथे ।

सरसफाइ कर्मचारीले डस्बिन विमानस्थलको भिआइपी कक्षमा लिएर आउँथे । भिआइपी कक्षको ‘एक्सरे’ जाँच कक्षमा कार्यरत लेखबहादुर तामाङले डस्बिन चेकजाँच नै नगरी बाहिर पठाउँथे । उक्त सुन देउला र श्रेष्ठले बुझ्थे । सुनलाई विमानस्थलबाट उनीहरूले नै बाहिर निकाल्थे । र, विमानस्थलको गेटबाहिर कुरी बसेका अर्का भरिया दिलबहादुर गुरुङलाई बुझाउँथे । भन्सार कार्यालयका अनुसार सोही तवरबाट उनीहरूले एक वर्षदेखि विमानस्थलबाट सुन तस्करी गर्दै आएका थिए । गत २१ मंसिरमा बरामद १४ किलो सुन सोही तरिका अपनाएर गरेको अनुसन्धानबाट खुलेको बताइए पनि पाण्डेको कर्तुत ढाकछोप गरिएको छ।
‘यिनीहरूले विगतदेखि नै ‘अल एरिया पास’ को दुरुपयोग गरेर सुन तस्करी गर्दै आएको देखिन्छ । सबै घटनामा सुन तस्कर गर्ने यिनीहरूको तरिका एउटै देखिन्छ । जस्तो, चन्द्रबहादुर र कृष्णबहादुरले सुन बोकेर ल्याउँथे । विमानस्थलको शौचालयको डस्बिनमा स्टोर गर्थे ।

विमानस्थलको प्लम्बर, एसी प्राविधिक र सरसफाइमा कार्यरत कर्मचारीको मिलेमतोमा सुन बाहिरिन्थ्यो, र गन्तव्यमा पुग्थ्यो । यिनीहरूले सोही तरिका अपनाएर एक वर्षदेखि सुन तस्करी गर्दै आएको अनुसन्धानबाट देखिन्छ,’ तर ठुलो भाग खान पुगेका एयरपोर्ट भन्सार प्रमुख पाण्डेले यो बीचमा ठुलै रकम जम्मा गरिसकेको समाचार श्रोतले बताएको छ। पाण्डे यस अघि पनि पटकपटक बिबादमा आएका कर्मचारी हुन। सहकारी बिभागको रजिस्ट्रार हुँदा करोडौं कुम्लाएको आरोप उनलाई लाग्ने गरेको छ।