निषेधाज्ञा अवधिभरको लागि नविलको यस्तो छ तालिका,उपत्यकामा आज यी ४ शाखा खुल्ला

काठमाडौँ । सरकारले विश्वव्यापी महामारीको रुप लिएको कोभिड—१९ को संक्रमण रोकथाम तथा नियन्त्रणलाई थप प्रभावकारी बनाउँन ३ गते राती १२ बजेदेखि १० गते सम्मको लागि उपत्यकामा निषेधाज्ञा जारी गरेको छ । निषेधाज्ञा जारी भएपछि बैंक तथा वित्तीय संस्थाहरुलाई पनि सिमित मात्रामा खोल्न निर्देशन दिएको हो । सरकारको निर्देशनलाई पालना गर्दै नविल बैकले निषेधाज्ञा अवधिभरको लागि कुन शाखा कहिले खुल्ने भनेर तालिका सार्वजनिक गरेको छ । सोही अनुसार आज (आइतबार) उपत्यकाको कान्तिपथ, कुमारीपाटी, कमलविायक र मैतिदेविका शाखा सञ्चालनमा ल्याएको छ ।

त्यस्तै सोमबार महाराजगंज, ग्वार्काे, कमलविनायक कुलेश्वरका शाखा खुल्ला रहने छन्, भने मंगलबा नयाँवानेश्वर, सातदोबाटो,कमलविनायक र तिनधाराका शाखा खुल्ला रहने छन् ।
यसरी नै सरकारको २ गतेको निर्णय अनुसार निषेधाज्ञाको अन्तिम दिन बुधबार त्रिपुरेश्वर, भैँसीपाटी, कमलविनायक र चावहिलका शाखा खुल्ला रहने बैंककले जनाएको छ ।

बैंकका अनुसार शाखाहरु दिउँसो ११ बजेदेखि दिउँसो २ बजेसम्म खुल्ला रहने छन् ।

साथै उपत्यका बाहिरको हकमा शाखा खुल्ने समय तालिका स्थानिय निकाय÷अधिकार प्राप्त निकायले सुचना जारि गरिएको स्थानमा उक्त सुचनाको आधारमा र त्यस बाहेकका स्थानमा नियमित रुपमा खुल्ला रहने बैंकले जनाएको छ ।