विभिन्न मन्त्रालय तथा निकायमा कार्यरत १५ अधिकृतहरूको सरुवा

काठमाडौं । संघीय मामिला तथा सामान्य प्रशासन मन्त्रालयले विभिन्न मन्त्रालय तथा निकायमा कार्यरत १५ अधिकृतहरूको सरुवा भएको छ ।

विशेष स्रोतका अनुसार ६ जना शाखा अधिकृतको गृह मन्त्रालय सरुवा गरिएको छ । अन्य अधिकृतहरूको अर्थ, उद्योग तथा आयोगहरूमा सरुवा गरिएको छ ।

सार्वजनिक खरिद अनुगमन कार्यालयका शाखा अधिकृत सिर्जना पौडेल, सञ्चार तथा सूचना मन्त्रालयका शाखा अधिकृत सावित्रा देवकोटा पौडेल, प्रधानमन्त्री तथा मन्त्रिपरिषद्को कार्यालयका शाखा अधिकृत मान सिं धामी गृह मन्त्रालयमा आएका छन् ।

यसैगरी सूचना तथा प्रशासन विभागका शाखा अधिकृत गंगा पौडेल, संघीय मामिला तथा सामान्य प्रशासन मन्त्रालयको अतिरिक्त समूहका सन्देश प्रसाद जोशी, नेपाल ट्रष्टको कार्यालयका नरेन्द्र सिंह कुँवर, अख्तियार दुरुपयोग अनुसन्धान आयोग कञ्चनपुरका भानुभक्त भट्टलाई पनि गृह मन्त्रालयमा सरुवा गरिएको छ । संघीय मामिला तथा सामान्य प्रशासन मन्त्रालय अतिरिक्त समुुहका शाखा अधिकृत सहनशिला पुडासैनीलाई सार्वजनिक खरिद अनुगमन कार्यालय, सञ्चार तथा सूचना मन्त्रालयका शाखा अधिकृत केदार मणि भण्डारीलाई विद्युतीय सुशासन आयोग, प्रधानमन्त्री तथा मन्त्रिपरिषद्को कार्यालयका शाखा अधिकृत विष्णु प्रसाद भुषालको विद्युतीय सुशासन आयोगमा सरुवा भएको छ ।

मंगलवार मात्रै मन्त्रालयले १४ जना उपसचिवको सरुवा गरेको थियो ।