October 31, 2021
काठमाडौँ-कानून व्यवसायीहरुले कालोपट्टी बाँधेर प्रधानन्यायाधीश चोलेन्द्र शमशेर जबराको राजीनामा माग्दै विरोध प्रदर्शन गरेका छन् ।
आइतबार विहान १० बजेबाट कालोपट्टी बाँधेर सर्वोच्च अदालतमा नेपाल बार एशोसिएसनको नेतृत्वमा विरोध प्रदर्शन सुरु भएको छ ।
उक्त कार्यक्रम ११ बजेसम्म जारी रहेको नेपाल बार एशोसिएसनले जनाएको छ ।
प्रधानन्यायाधीश जबराले न्यायपालिकाको स्वच्छता, गरिमा कायम राख्न नसकेको आरोपमा बारले विरोधका कार्यक्रम घोषणा गरेको छ ।
प्रधानन्यायाधीश जबराले राजीनामा दिएर न्यायपालिका सुधारका लागि मार्गप्रशस्त गर्नुपर्ने अडान राखेको छ ।
तर प्रधानन्यायाधीश जबराले भने राजीनामा नदिने अडानमा छन् ।
प्रकाशित मिति:October 31, 2021
November 23, 2024
