January 19, 2022
काठमाडौँका सिडिओसहित १८ कर्मचारीलाई कोरोना: सेवा प्रभावित
काठमाडौँ-काठमाडौँका प्रमुख जिल्ला अधिकारी गोविन्द रिजालसहित १८ कर्मचारीलाई कोभिड सङ्क्रमण भएको छ ।
कर्मचारीलाई सङ्क्रमण भएसँगै जिल्ला प्रशासन कार्यालयको सेवा प्रभावित भएको छ ।
जिल्ला प्रशासन कार्यालय काठमाडौँले आज बुधबारबाटै लागू हुने गरी सेवा सङ्कुचन गरेको छ ।
नेपाली नागरिकता प्रदान, नागरिकताको प्रतिलिपि, नाबालक परिचयपत्र, राष्ट्रिय परिचयपत्र र राहदानी वितरण स्थगित गरिएको सहायक प्रमुख जिल्ला अधिकारी उमाकान्त अधिकारीले जानकारी दिएका छन् ।
कार्यलयका १८ जनालाई कोभिड पुष्टि भइसकेको उनले बताएका छन् ।
थप १२ जनालाई पनि लक्षण देखिएपछि परीक्षण गरिएको उनले बताएका छन् ।
कोरोनालाई मध्यनजर गर्दै सेवाग्राहीसँग नियमित सम्पर्क हुने सेवा हाललाई रोकेको प्रशासनले बताएको छ ।
काठमाडौँका सिडिओसहित १८ कर्मचारीलाई कोरोना: सेवा प्रभावित
प्रकाशित मिति:January 19, 2022
