January 25, 2022
सीटीईभिटीको सम्पूर्ण परीक्षा अनिश्चितकालका लागी स्थगित
काठमाडौं-कोभिडका कारण प्राविधिक शिक्षा तथा व्यावसायिक तालीम परिषद् (सिटिइभिटी)ले सबै परीक्षा स्थगित गर्ने निर्णय गरेको छ ।
परीक्षार्थीहरुको संख्या बढी भएको र कोभिड संक्रमण तीव्र गतिमा फैलिरहेको अबस्थाका कारण परीक्षा स्थगित गरिएको सिटिइभिटीले जनाएको छ ।
परीक्षा स्थगित गर्ने निर्णयको सूचना भोलिको गोरखापत्रमा प्रकाशित हुने सिटिइभिटीले जनाएको छ ।
परिषदले यहि १५ गते बायोमेडिकल तर्फको प्रवेश परीक्षा र २२ गते प्रिडिप्लोमा तहको मौका परीक्षा सञ्चालन गर्ने गरी परिक्षा तालिका सार्वजनिक गरेको थियो ।
परिषदले आउँदो २७ गतेदेखि वार्षिक प्रणाली र सेमेष्टर प्रणालीका तर्फका इन्जिनियरिङ, स्वास्थ्य, कृषि लगायतका विभिन्न कार्यक्रम अन्र्तगतका नियमित तथा पुरक परीक्षा सञ्चालन गर्ने तयारी गरेको थियो ।
तत्कालको लागि अर्को निर्णय नभएसम्म परीक्षा स्थगित गरिएको परिषदको परीक्षा नियन्त्रण कार्यलयले जनाएको छ ।
परिस्थिति सहज हुनासाथ एक हप्ता अथवा दश दिनको समय दिएर नयाँ परीक्षा तालिका सार्वजनिक गर्ने परीक्षा नियन्त्रक केसीले जानकारी दिएका छन् ।
सीटीईभिटीको सम्पूर्ण परीक्षा अनिश्चितकालका लागी स्थगित
प्रकाशित मिति:January 25, 2022
