हातखुट्टा बाँधेको अवस्थामा भेटियो युवकको शव

काठमाडौं – धनुषामा हात र खुट्टा बाँधेर हत्या गरेको अवस्थामा बुधबार एक युवकको शव भेटिएको छ ।

जनकपुरधाम उपमहानगरपालिका वडा-२१ कुर्थास्थित रामनारायण महासेठको पोखरीमा २५ वर्षीय युवकको शव भेटिएको हो ।
युवकको हात र खुट्टा कपडाले बाँधिएको छ भने मुखमा धारिलो हतियारले प्रहार गरेको प्रहरीले जनाएको छ ।

पानीमा शव तैरिरहेको देखेपछि स्थानीहरुले प्रहरीलाई खबर गरेका थिए ।

मृतकको पहिचान खुल्न सकेको छैन । युवकको शवलाई पोष्टमार्टमका लागि प्रादेशिक अस्पताल जनकपुरधाम ल्याइएको र यो घटनाबारेमा थप अनुसन्धान भइरहेको धनुषा प्रहरीका प्रवक्ता एवं डीएसपी जितेन्द्रकुमार बस्नेतले जानकारी दिए ।