काेराेना प्रकाेप: दुईजना थपिए, दुईजना निकाे भए

काठमाडौँ । आज थप दुईजनामा कोरोना पोजिटिभ देखिएको छ ।

जनकपुरका १४ वर्षीय पुरुष र उदयपुरका ५५ वर्षीय महिलामा कोरोना पोजिटिभ देखिएको छ । स्वास्थ्य मन्त्रालयका प्रवक्ता विकास देवकोटाले मन्त्रालयको नियमित ब्रिफिङका क्रममा उक्त कुरा बताएका हुन् ।

उदयपुरकी संक्रमित त्रियुगा नगरपालिका– ३ भुल्केकी हुन् । त्यस क्षेत्रमा अहिलेसम्म २५ जनामा संक्रमण देखिएको छ । उनीहरु सबैको विराटनगरस्थित कोरोना कोराना विशेष (अस्थायी) अस्पतालमा उपचार भइरहेको छ ।

भने बिहीवार मात्र २ जना कोरोना संक्रमित उपचारपछि निको भएर घर फर्किएका छन्।
स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाका अनुसार काठमाडौं पेप्सिकोलास्थित सनसिटी अपार्टमेन्टका दुइ जना ५८ वर्षीय पुरुष र ८१ वर्षीया महिला निकाे भएर घर फर्किएका हुन् ।

यससँगै कुल संक्रमितको संख्या ४७ पुगेको छ । हालसम्ममा ९ जना निको भइसकेका छन् ।