बैठकमा भाग लिन जादैछन् दुई आइजीपी

काठमाडौं । नेपाल प्रहरीका महानिरीक्षक धिरजप्रताप सिंह र सशस्त्र प्रहरीका महानिरीक्षक राजु अर्याल इन्टरपोल एक बैठकमा भाग लिन यही २९ तारिख अर्थात भदौ १३ गते अमेरिका जाने भएको छ । एक साता अमेरिकामा रहने र उनीहरुले त्यहाँका विभिन्न मुलुकका प्रहरी अधिकारीहरुलाई भेट्ने कार्यक्रम पनि रहेका छन् ।
उनीहरुको आइजीपी भएपछि पहिलो भ्रमण नै अमेरिका तय भएका छन् । गृहमन्त्रालयले उनीहरुको भ्रमण आदेशलाई स्वीकृत गराइसकेका छन् ।
दुई दिने बैठक सकिएपछि उनीहरु नेपाल फिर्ता हुनुपर्नेमा त्यतैबाट जापान पनि जाने स्रोतको दावी छन् । स्रोतका अनुसार इन्टरपोलको बैठक सकिएपछि जापान भ्रमणमा जाने तय भएपनि त्यसलाई बाहिर ल्याइएको छैन । कोरोना संक्रमणका कारण रोकिएको विश्वभरका प्रहरी अधिकारीको सम्मेलनमा उनीहरु सहभागी हुनेछन् । सो सम्मेलनले आतंकवाद, अपराध नियन्त्रण र लागुऔषधको दुव्यवसनी सम्बन्धी विषयमा छलफल हुनेछ । सो कार्यक्रमपछि उनीहरु औपाचरिक, अनौपचारिक रुपमा जानेछन् । जापानको कार्यक्रम सकेर मात्रै स्वदेश फर्कने प्रहरी प्रधानकार्यालय स्रोतले जनाएको छ ।