सत्तारुढ दलका शीर्ष नेताहरूको बैठक जारी

काठमाडौँ । सिट बाँडफाँटको टुङ्गो लगाउन सत्तारुढ दलका शीर्ष नेताहरूको बैठक जारी छ । प्रधानमन्त्रीको सरकारी निवास बालुवाटारमा बैठक बसिरहेको हो ।

गठबन्धनमा रहेका दलशरुबीच प्रत्यक्षतर्फ कुन दलले कति सिट र कहाँ पाउने भन्ने विषय अझै टुङ्गिएको छैन ।

निर्वाचन आयोगले तोकेको समयसीमा अनुसार प्रदेश र प्रतिनिधिसभा निर्वाचनमा प्रत्यक्ष तर्फको उम्मेदवारी दर्ता गर्न १२ दिन मात्र बाँकी छ । 

तर, गठबन्धनले भने १६५ प्रतिनिधि सभा र ३३० प्रदेश सभा निर्वाचनका लागि सिट बाँडफाँटको टुङ्गो लगाउन सकेको छैन । 

अधिकांश स्थानमा सहमति भएको भनिए पनि आधिकारिक तथ्याङ्क भने बाहिर आउन सकेको छैन ।