सवारी दुर्घटनामा भारतिय नागरिकको मृत्यु

रौतहट । रौतहटको सदरमुकाम गौर च्द्रनिगाहपुर सडकखण्ड अन्तर्गत विर्ता चोक नजिक मंगलबार साँझ म्याजिकको ठक्करबाट  स्कुटी चालक भारतिय नागरीकको मृत्यु भएको छ । गरुडा स्थित ८ पाल पेट्रोल पम्प अगाडि चन्द्रनिगाहपुरबाट गरुडातर्फ आउँदै गरेको प्र २–०१–००१ च.००६३ नम्बरको म्याजिकले विपरीत दिशाबाट आउँदै गरेको बिआर ३०डब्लु ७१३९ नम्बरको स्कुटीलाई ठक्कर दिँदा चालक भारत जिल्लाबिहार सितामढी जिल्ला ग्राम पञ्चायत बरगिनिया–१३ का ३५ वर्षीय चन्दन कुमारको मृत्यु भएको प्रहरीले जनाएको छ। म्याजिकको ठक्करबाट गम्भीर घाइते चन्दनलाई उपचारका लागि गरुडा तर्फ ल्याउने क्रममा बाटोमा मृत्यु भएको थियो । ईलाका प्रहरी कार्यालय गरुडाले ठक्कर दिने म्याजिक नियन्त्रणमा लिएको छ । चालक फरार भएपछी प्रहरिले
म्याजिक भित्र सिरहा लहान–४ का जहिद अन्सारीको नाम सवारी चालक अनुमतिपत्र  फेला पारेको छ । मृतकको शव पष्टमार्टमका लागि जिल्ला अस्पताल गौर पठाईएको,फरार चालकको खोजी तथा घटना बारे अनुसन्धान भइरहेको ईलाका प्रहरी कार्यालय गरुडाले जनाएको छ ।