अध्यागमनका कर्मचारीलाई डिआइजीको आदेशमा हातपात भएको पुष्टि

काठमाडौं । त्रिभुवन अन्तर्राष्ट्रिय विमानस्थलमा कार्यरत प्रहरी नायव महानिरीक्षक (डीआईजी) अर्जुन चन्दले राजीनामा दिएका छन् ।

शुक्रवार डीआईजी चन्दले प्रहरी प्रधान कार्यालयमा राजीनामा पेश गरेका हुन् ।

त्रिभुवन अन्तर्राष्ट्रिय विमानस्थलको अध्यागमन कार्यालयका अधिकृतमाथि प्रहरीबाट भएको हातपात घटनामा आफ्नै मातहतका कर्मचारीहरुलाई बचाउन नसकेपछि डीआईजी चन्दले राजीनामा दिएको स्रोतले बतायो ।डीआईजी चन्दले उक्त प्रकरणमा कारबाहीमा परेका प्रहरी कर्मचारीलाई जोगाउन निकै पहल गरेका थिए ।

तर, उपप्रधान तथा गृहमन्त्री नारायणकाजी श्रेष्ठ र आईजीपी वसन्त कुँवरले सहयोग नगरेको आरोप लगाएर आफ्नै मातहतका कर्मचारी कारबाहीमा परेको निष्कर्ष सहित डीआईजी चन्दले राजीनामा दिएको स्रोतले बतायो । समाचार स्रोतको अनुसार डिआइजी चन्दले लामो समय देखी अध्यागमनका कर्मचारी माथी आतंक नै मच्याएका थिए तर कतिपय प्रयोजित संचार माध्यमका कारण आतंक सहन बाध्य कर्मचारीले कुटपिट सम्म ब्यहोर्नु परेको थियो । आफनो निर्देशनमा तल्लो तहका प्रहरी परिचालन गरिरहेका उनको बास्तबिकता बाहिर आउने डरले राजिनामा दिएको त्यो घटना गहिरो सग अध्यन गर्नेहरूको विश्लेषण छ।

चन्दले १३ वैशाखमा विमानस्थल सुरक्षा प्रमुखको जिम्मेवारी पाएका थिए । चन्द हालका आईजीपी वसन्त कुँवरकै ब्याचका अधिकृत हुन् ।

त्रिभुवन अन्तर्राष्ट्रिय विमानस्थलमा अध्यागमन अधिकृत र प्रहरी कर्मचारी बिचको विवाद छानबिन गर्न गठित समितिले गरेको सिफारसप्रति उनी असन्तुष्ट हुनु स्वभाबिक रहेको विमानस्थल स्रोतले बतायो ।

समितिले विवादमा संलग्न असई प्रकाश चौधरीलाई निलम्बन र डिएसपी रेवतीरमण पोखरेललाई सचेत गराउन सिफारिस गरेको थियो।

तर, चन्दले आन्तरिक बैठकमा कुटपिटमा संलग्न प्रहरी कर्मचारीले गलत नगरेको बताउँदै आएका थिए। डीआईजी चन्दको सेवा अवधि २०८१ चैतसम्म रहेको थियो ।कुटपिटमा उत्रिएका कर्मचारीको अन्तिम सम्म अडान राख्नु र राजिनामाको मुडमा पुग्नाले यसबाट के पुष्टि हुन्छ भने अध्यागमनका कर्मचारी माथी हात हाल्न आदेश यिनै डिआजिले दिएको बास्तबिकता यतिबेला खुलेको छ। अब डिआइजी माथि थप छानबिन हुनुपर्ने माग बढेको बताइन्छ ।

विवाद ल्याइएको अध्यागन विभागका अधिकृत छायाँलाल मोक्तानलाई भने समितिले जोगाएको छ ।