अर्थ मन्त्रालयका सात सहसचिवको जिम्मेवारी हेरफेर

काठमाडौ ।अर्थमन्त्री डा.प्रकाश शरण महतले अहिलेलाई सात सहसचिवहरुको जिम्मेवारी हेरफेर गरेका छन् । अर्थमन्त्री डा. महतले शुक्रवार राति मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा प्रमुख सहसचिव भूपाल बराललाई आन्तरिक राजश्व विभागको महानिर्देशकको जिम्मेवारी दिने निर्णय गरेका हुन् ।

शुक्रबारको मन्त्रिस्तरीय निर्णयबाट आन्तरिक राजश्व विभागको महानिर्देशक दीर्घराज मैनालीलाई हटाएर बराललाई पठाइएको बताइन्छ ।समाचार श्रोतका अनुसार बरालको ठाउँमा सहसचिव नारायण रिसाल सरुवा भएका छन् । त्यस्तै मन्त्रालयको कर्मचारी प्रशासन महाशाखा प्रमुखमा त्रिभुवन विमानस्थल भन्सार कार्यालयका प्रमुख टोकराज पाण्डे सरुवा भएका छन् ।

सेवन्त पोख्रेलले जागिरे अवधीभर भन्सार र अर्थ छोडनु परेन

आन्तरिक राजस्व कार्यालयका उपमहानिर्देशक पाण्डेको ठाउँमा भन्सार विभागका सेवन्त पोखरेल सरुवा भएका छन् । कतिपय कर्मचारीले निजामती प्रवेशको अवधी भर प्रदेशका कार्यालय बाहेक कतै देखेका हुदैनन। अर्थ मन्त्रालय त के त्यहाँको प्रभाव बाट टाढै देखिएका हुन्छ्न भने तिनै पोख्रेल नेपालको प्रशासन क्षेत्रमा भन्सार कार्यालयको ठाउँ ठाउँको प्रमुख भएर अनुभव सगाल्ने कर्मचारी मात्रै होइनन् उनि सोही कार्यालयको नेतृत्व गर्ने बिभागको उपमहानिर्देशक समेत हुने भाग्यमानी कर्मचारीका रुपमा परिचित छ्न् ।

उनका शुभेच्छुकका अनुसार कुनै दिन आन्तरिक राजस्व बिभागका पुर्व महानिर्देशक चुडामणि शर्मा जस्तो दिन नलागोस भन्ने कामना उनको हकमा गरिरहेको समेत सुन्न सकिन्छ । चुडामणि शर्मालाई भुल्ने गरि उनले इश्टमित्र जोडेको देखिन्छ भनिन्छ ।भन्सार बिभागको पोख्रेलको ठाउँमा आन्तरिक राजस्व विभागका उपमहानिर्देशक टंक प्रसाद पाण्डेयलाई पठाइएको बताइएको छ भने

त्यस्तै मन्त्री महतले आर्थिक नीति विश्लेषण महाशाखा प्रमुखमा महेश आचार्यको सरुवा गरेको समाचार जानकारीमा आएको छ।