एनसेलको योजना अनुसार प्राधिकरण आएका अध्यक्ष भण्डारीको शुरूवात नै विवादास्पद

काठमाडौ । नेपाल दूरसञ्चार प्राधिकरणका अध्यक्ष भूपेन्द्र भण्डारीको ‘पे नेप प्रालि’मा १ लाख ५६ हजार रुपैयाँ १ लाख ५६ हजार थान शेयर भएको खुलेको छ । उनी ‘पे नेप प्रालि’ को संस्थापक शेयरधनी हुन् ।

उक्त संस्थाको उनी संस्थापक सेयरधनी मात्रै नभएर अध्यक्षसमेत भएर काम गरिसकेका छन् ।

यो कम्पनी २०७६ साउन १५ गते नेपाल राष्ट्र बैंकबाट अनुमति प्राप्त गरी मोबाइल पेमेन्ट सर्भिस प्रोभाइडरका रूपमा सञ्चालनमा आएको हो ।

मोबाइल बैंकिङसम्बन्धी संस्था भएकाले उक्त संस्थाले दूरसञ्चार प्राधिकरणसँग प्रत्यक्ष सरोकार राख्छ । यसरी प्रत्यक्ष सरोकार राख्ने संस्थामा भण्डरीको सरोकार जोडिनुका साथै स्वार्थ समेत बाझिएको छ ।

सञ्चार सेवा वा प्रणाली सञ्चालन गर्ने कुनै फर्म वा संगठित संस्थामा प्रत्यक्ष वा अप्रत्यक्ष रूपमा स्वामित्व वा निजी स्वार्थ भएमा अध्यक्ष वा सदस्य पदबाट हटाउन सकिने दूर सञ्चार ऐन,२०५३ को दफा (९)को खण्ड (ङ) मा प्रस्ट लेखिएको छ ।

भण्डारीले सन् २००८ देखि २०१५ सम्म उपेन्द्र महतोले लगानी गरेको स्मार्ट मोबाइल बुरुण्डीको कार्यकारी प्रमुख भएर काम गरेका थिए । त्यति मात्र होइन, भण्डारीले महतोको लगानी रहेका बेला तत्कालीन मेरो मोबाइल (हाल एनसेल)मा वित्तीय प्रमुखको रूपमा काम गरिसकेका छन् ।

प्राप्त जानकारी अनुसार एनसेलको रकम मन्त्री रेखा शर्माका श्रीमान लाई बुझाएर अध्यक्ष भएका भण्डारी को नियुक्तिमा चुनावका बेला अरबौ उठाइदिने शर्तमा प्रधानमन्त्री प्रचण्ड कम्पनी समेत सहमत भएको समाचार श्रोत बताउछ।