बबई नदीमा डुबेर दाजुभाइको मृत्यु

काठमाण्डौ । बबई नदीमा पौडी खेल्ने क्रममा डुबेर दाजु भाइको मृत्यु भएको छ । बबई गाउँपालिका वडा नम्बर ७ ओदाले घाटमा पौडी खेल्ने क्रममा १८ वर्षका दीपक परियार र १६ वर्षका दिपेश डुबेका थिए । अस्ति सोमवार भारतबाट फूपूको घर बबई आएका दाजुभाइको हिजो नदीमा डुबेर मृत्यु भएको इलाका प्रहरी कार्यालय खिलतपुरका प्रहरी निरीक्षक अजयजङ्ग थापाले बताए । दीपकको उपचारका क्रममा प्रादेशिक अस्पताल तुलसीपुरमा र दिपेशको पौडी खेल्नेक्रममै मृत्यु भएको प्रहरी निरीक्षक थापाले बताए । उनीहरुको परिवार कामको सिलसिलामा भारतमा बस्ने गरेका छन् ।