मन्त्री भट्टराईले आफ्नो जन्मदिनमा खातुनलाई दिए ५० लाख

संस्कृति, पर्यटन तथा नागरिक उड्डयन मन्त्री योगेशकुमार भट्टराईले आफ्नो जन्मदिनको अवसरमा एसिड पीडित बालिका मुस्कान खातुनलाई आर्थिक सहयोग गरेका छन् । उनले बालिकाको अध्ययनमा थप सहयोग पुगोस् भन्ने ध्येयले रु ५० हजार प्रदान गरेको बताए । मन्त्री भट्टराईले बालिका र उनका बुबालाई सिंहदरवारस्थित आफ्नो कार्यकक्षमा आज आमन्त्रण गरी सहयोग गरेका छन् ।

गत भदौ २० गते घरबाट विद्यालय जाँदै गर्दा वीरगञ्जमा बालिकामाथि दुई युवाले एसिड प्रहार गरेका थिए । एसिड प्रहारवाट घाइते उनको अहिले पनि उपचार चलिरहेको छ । उनी कक्षा नौ मा अध्ययनरत छिन् । सो अवसरमा मन्त्री भट्टराई भने, ‘मलाई विश्वास छ, तपाइँ भविष्यमा डाक्टर बन्नुहुनेछ । मैले अहिले दिएको सहयोग बैंकमा जम्मा गरेर भोलि डाक्टर पढ्ने बेलामा खर्च गर्नुहोला ।’’