स्वर्णलक्ष्मी सहकारीको रकम अपचलन मुद्दामा लामिछानेको बयान न्यायाधीश माधव अधिकारीको इजलासमा

काठमाण्डू, राष्ट्रिय स्वतन्त्र पार्टीका सभापति रवि लामिछानेको बयान न्यायाधीश माधवप्रसाद अधिकारीको इजलासमा हुने भएको छ।

काठमाडौंस्थित स्वर्णलक्ष्मी सहकारीको रकम अपचलन मुद्दामा लामिछानेसहित ३९ जनाविरुद्ध जिल्ला अदालतमा मुद्दा दायर भएको थियो। सोही मुद्दामा आइतबार बयान हुन लागेको हो।

आइतबार बिहान कार्यालय समय सुरु हुनुअघि नै लामिछाने अदालत पुगेका थिए।

यसअघि लामिछानेलाई पोखराको सूर्यदर्शन सहकारी ठगी, संगठित अपराध र सम्पत्ति शुद्धीकरणसम्बन्धी कसुरमा कास्की जिल्ला अदालतले ६५ लाख रुपैयाँ धरौटीमा छाड्ने आदेश दिएको थियो।

यही पुस २५ गते मात्र धरौटीमा रिहा भएका लामिछाने पुस २६ गते साँझ काठमाडौं आइपुगेका थिए। तर हिजो शनिबार परेकाले उनी आज अदालत गएका हुन्।