ओलीले राष्ट्रपतिको आडमा संविधान धुजाधुजा बनाएको गगन थापाको आरोप

काठमाडौँ। कांग्रेसका केन्द्रीय सदस्य गगन थापाले प्रधानमन्त्री केपी शर्मा ओलीले राष्ट्रपतिको आडमा संविधानलाई धुजाधुजा बनाएकोले कांग्रेस प्रतिरोधमा उत्रेको जनाएका छन्। देशभरको १६५ निर्वाचन क्षेत्रबाट सरकारविरूद्ध प्रदर्शन हुनु पूर्वसन्ध्यामा एक भिडिओमार्फत् थापाले भइरहेको प्रतिनिधिसभा भंग गरेर प्रधानमन्त्री र राष्ट्रपतिले वैशाखमा नहुने चुनावतिर लैजान खोजेको आरोप लगाएका छन्।

ुगत पुस ५ मा प्रधानमन्त्री ओलीले प्रतिनिधिसभा भंग गर्नुभयो, यो गैरजिम्मेवारीपुर्ण काम हो। राजनीतिक मात्र नभई संवैधानिक अपराध हो,’ उनले भने, ुप्रतिनिधिसभा ‘भंग गर्ने नेता ओली हो। मतियार सिंगो नेकपा हो। प्रचण्ड–माधव नेपाल पनि हुन्।’

संसदमा उभिएर आफूले प्रधानमन्त्री ओली असक्षम भइसकेकोले नेकपाले अर्को प्रधानमन्त्री बनाओस् भने पनि त्यसबेला हल्का ढंगले लिइएको उनको भनाइ थियो।
‘मैले संसदमा उभिएर प्रधानमन्त्री ओली असक्षम भनेको थिएँ। नेकपाले प्रधानमन्त्री बदल्नुस् भनेको हो। त्यो बेला हाम्रा कुरा हल्का ढंगले लिनुभयो,’ उनले भने, ‘मनमा लोभ र डर नराखेर दलभित्र छिनोफानो गर्न संसदीय व्यवस्थाका प्रवन्ध गरेको भए प्रधानमन्त्री ओलीले नेकपा र संसदमा प्रहार गर्न सक्दैनथे।’

प्रधानमन्त्री ओलीले संविधानमाथि ‘कू’ गरेको भन्दै ‘यो अपराध गर्ने ओली हो र मतियार राष्ट्रपति,’ उनको भनाई थियोे।

ओलीले असंवैधानिक काम गरेकोले कांग्रेस टुलुटुलु हेरेर बस्न नसक्ने पनि थापाले बताए। ‘कांग्रेस टुलुटुलु हेरेर बस्दैन। प्रधानमन्त्री ओलीले राष्ट्रपतिको साथमा संविधान धुजाधुजा बनाए,’ उनले भने, ‘यो कदमविरूद्ध लड्ने हो। प्रतिवाद गर्ने हो, टुलुटुलु हेरेर बस्ने होइन। संविधान हाम्रो नेतृत्वमा बनेको हो।’

प्रतिनिधि सभा विघटनको कदम सच्याउन उनले माग गरेका छन्। उनले अदालतमा यसबारे छलफल भइरहे पनि बोल्न मिल्ने बताएका छन्। हाम्रा पार्टीका कतिपय साथीहरूले अदालतमा छलफल भइरहेको विषयमा बोल्न मिल्दैन भन्नु भएको छ। वीपीको कार्यकर्ता, संविधान मिचेका बेला नबोलि बस्न मिल्दैन्’, उनले भने।