गुल्मी जिल्ला प्रशासन कार्यालय ५ दिन बन्द

काठमाडौँ । गुल्मी जिल्ला प्रशासन पाँच दिनको लागि बन्द रहने भएको छ । प्युठानको स्वर्गद्वारी नजिकै बुधबार भएको दुर्घटनामा परी मृत्यु हुने ५ जनाको शव आफन्तलाई बुझाइए पछि कार्यलयले शोक स्वरुप पाँच दिन कार्यलय बन्द गरिने भएको हो । गुल्मीबाट नयाँ वर्ष मनाउन जिल्ला प्रशासन कार्यालय गुल्मीका कर्मचारीसहितको टोली धार्मिक तीर्थस्थल प्युठानको स्वर्गद्वारी जाने क्रममा प्यूठानको स्वर्गद्वारी नगरपालिका–३ रुमालेमा जिप दुर्घटना भएको थियो ।
मृतक प्रशासकीय अधिकृत स्याङजाका ३८ वर्षीय श्याम न्यौपानेको शव घटनास्थलबाटै बुझाइएको थियो । अन्य ४ जनाको शव जिल्ला प्रशासन कार्यालय गुल्मीमा शोकसभा गरेर आफन्तलाई बुझाइएको जिल्ला प्रशासन कार्यालय गुल्मीका प्रशासकीय अधिकृत उद्धव पन्थीले जानकारि दिनुभयो ।
दुर्घटनामा मृत्यु भएका कर्मचारीहरुको शोकमा कार्यालयका बन्द भयपनी अत्यावश्यक सेव भने सञ्चालन गर्ने निर्णय गरिएको जिल्ला प्रशासन कार्यालय गुल्मीका प्रशासकीय अधिकृत पन्थीले बताए ।