उपत्यकामा एक हप्ता निषेधाज्ञा, अत्यावश्यक बाहेकका सेवा बन्द

काठमाडौं । काठमाडौं उपत्यकामा एक हप्ताको लागि निषेधाज्ञा जारि गरिएको छ । वैशाख १६ गतेदेखि लागुहुनेगरी वैशाख २२ गतेसम्म अत्यावश्यकबाहेकका सेवा र यातायात बन्द गरिएको छ । काठमाडौं, भक्तपुर र ललितपुर जिल्लाका प्रमुख जिल्ला अधिकारीहरुले सोमबार साँझसंयुक्त रुपमा एक विज्ञप्ति जारी गर्दै अत्यावश्यक बाहेकका सेवा बन्द गर्न निर्देशन दिएका हुन् ।

काठमाडौं, ललितपुर र भक्तपुर जिल्ला प्रशासन कार्यालयले कोभिड नियन्त्रणका लागि वैशाख १६ गते विहान ६ बजेदेखि वैशाख २२ गते मध्यराति १२ बजेसम्मका लागि गाडी चलाउन रोक लगाउने निर्णय गरेको हो ।