निष्ठाका सारथि माधवकुमार नेपाल

गोबिन्दप्रसाद चौलागाईं
सङ्घर्ष ,त्याग ,तपस्या र वलिदानको जगमा खडा भएको नेकपा एमालेको जग एकाएक डगमगाउन थालेको छ ।कम्युनिस्ट आन्दोलनका नायक माधवकुमार नेपालले अहोरात्र खटेर जनतामाझ एमालेलाई लोकप्रिय तुल्याउनु भएको हो ।।उहाँको रगत र पसिनाले उभिएको एमाले केपी अोलीको एकाधिकारका कारण तिलमिलाउन पुगेको छ । जनअधिकारको उपेक्षा र संविधान विरोधी अोली हर्कतले एमाले र कम्युनिस्ट आन्दोलन नै बदनाम हुन थालेको छ ।अोलीका हरेक कृयाकलाप प्रतिगमनतर्फ केन्द्रित हुन थाले।झन्डै दुई तिहाइको सरकारलाई ध्वंस बनाएका ओलीको अहङ्कार राष्ट्रकै लागि भययुक्त रह्यो ।त्यसलाई चिर्दै माधव नेपालले जनता र कार्यकर्ताको भावनाको प्रतिनिधित्व गर्दै नेकपा (एकीकृत समाजवादी ) को गठन गर्नुभएको हो ।उहाँ तेस्रो पुस्ताको साथ,समर्थन र वैचारिक प्रतिबद्दता सहित फरक कित्तामा उभिनुभएको छ । अोली नेतृत्वमा रहेको एमाले विचार शून्य र काण्डै काण्डैले लत्पतिएको अवस्थामा आइपुगेको छ ।तिनको अनुहारलाई साबुन पानीले जतिसुकै धोएपनि सफा र सुग्घर बनाउन सक्ने अवस्था नै रहेन । बरु कुरुप ,गतिहीन र अधोगतिमा ओली रूपान्तरित हुन पुगेको देखिन्छ । त्यस्तो बिडम्बनाबाट जोगाइ पुष्पलाल ,जननेता मदन भण्डारी र मनमोहन अधिकारीले देखेका सपनाहरूलाई साकार बनाउन र आचरणयुक्त कम्युनिस्ट विचारलाई दिगोरूपमा स्थापित गर्नुपर्ने कार्यभार माधव नेपालको काँधमा फेरि आएको हो । सङ्गठन ,विचार र कुटनीतिका क्षेत्रमा चटानी अडान भएका नेता नेपालले एमालेको चुरो बचाउन पनि नेकपा( एकीकृत समाजवादी)पार्टीको गठन गर्नु भएको हो ।जेष्ठ उमेरमा पनि युवा जोश र जाँगरसहित भावी पुस्ताको लागि मुख्य मार्ग निर्माण गर्दै लाल झन्डा उठाउने हिम्मत गर्नुभयो ।यसले हामी सबैलाई ऊर्जाशील हुन उत्प्रेरित गरेको छ । एमालेभित्रको हुँर्कदो तानाशाही प्रवृत्ति,,सिद्धान्तविहीनता ,स्वेच्छाचारिता र कुकर्मको ढलबाट जबजलाई जोगाउन र ओली प्रवृत्तिलाई परास्त नव गठित पार्टीले गर्नेछ। त्यतिबेला मात्रै बृहत् कम्युनिस्टहरूको फेरि एकता गरी निष्ठा ,विधि र पद्धतिलाई लयमा हिँडाएर मात्रै कुशलतापूर्क आफ्नो राजनीतिक नेतृत्व युवामा हस्तान्तरण पश्चात् मात्रै विश्राम लिनुपर्ने छ । नेता नेपालले थालेका यो अभियानमा “आउँ सबैले मिलाउँ मन अनि हातहरू“ ।
राष्ट्र र जनहितका लागि एक साधारण भन्दा साधारण नागरिक हुन तयार भएको जीवनशैलीले बताइरहेकै छ यसमा धेरै भन्नु पर्दैन । झन्डै पाँच दशक देश र जनताकै निम्ति आफ्नो जीवन समर्पित गर्नुभएका नेतालाई आफ्नै घरबाट गरिएका अपमानहरूको वर्षालाई निलकण्ठ बनिदिएर पनि आफ्नो उद्देश्यमा दृढ देखिनु भएको छ । राजनीतिमा नैतिकता हराइरहेको बेला निष्ठाको राजनीतिका निम्ति सदासर्वदा मियो बन्नुभएको छ । समय बलवान् छ । नेपाली पुर्खाहरूले देखेका अधुरा सपना पूरा गर्ने मात्रै होइन ,वर्तमानले माग गरेको समृद्ध नेपालको यात्राले पर्खिरहेको छ । देश बनाउने यात्रा गर्दा उकाली ओराली अनि घुम्तीहरूमा साक्षात्कार त गर्नैपर्छ। त्यसमा जानकार नै हुनुहुन्छ।
बैगुनी मस्तिष्क , जालीझेली र स्वार्थी नियतले विचार शून्य हुन पुगेकाहरूले यत्ति मात्रै बुझ्दा हुन्छ कि- ‘माधवकुमार नेपाल नेपाली राजनीतिका नायक हुन्’ दलिय राजनीतिक जीवनमा एक्लै हुँदा होस् वा वरिपरि भिडभाड हुँदा होस् उहाँको गति निरन्तर बढिरहेकै छ । इतिहास निर्माण गर्ने हिम्मत भएकाले नेकपा (एकीकृत समाजवादी)लाई आत्मसात् गर्नु उपयुक्त हुन्छ । सानो छाती हुनेले फुटेको एमाले लिएर गुटबन्दीमै रमाउने र आफ्नो इतिहासलाई रछ्यानमा हराउने मुर्खता नगरेकै जाति हो । देशलाई सधैँ अनुभवी तथा नैतिकवान् सच्चा नेताको खाँचो छ।यो सामर्थ्य माधव नेपालले मात्रै पूरा गर्नु हुनेछ ।त्योअदम्य साहसलाई इतिहासले पक्कै मूल्याङ्कन गर्ने नै छ।
यतिबेला तपाईंले थालेको कम्युनिस्ट सिद्धान्त प्रतिको निष्ठा र लडाइँमा ‘होस्टेमा हैसे’ मिलाउन लाखौं नेपाली तम्तयार भएर बसेका छ्न् हिड्ने यात्रा लामो छ।अहिले यो यात्रामा छुटेकाहरू जुनै सुकै मोडहरूमा जोडिन सक्छ्न् बिटमार्न खोज्नेहरू इतिहासको कठघरामा देखिन सक्ने छन् ।नेकपा एमालेको जगमा इटामा इटा थपेर एमालेको चुरोलाई दर्बिलो बनाउन नेपालको सुझबुझ , निर्णय र कुशल साङ्गठानिक क्षमता हो भन्नेकुरामा कुनै भ्रम छैन।द्वन्द्वले थिलथिलो भएको हाम्रो जस्तो देशमा शान्तिको खोजीमा भैतारिएको जनचाहना अनुरूप नेपाली काङ्ग्रेसका अघिल्लो पुस्ताका नेता स्वर्गीय गिरिजाप्रसाद कोइराला र माओवादीका नेता पुष्पकमल दाहाल प्रचण्डलाई एउटै टेबलमा ल्याउन गरेको अथक मेहनतको जगमा प्राप्त भएको शान्तिपूर्ण र सङ्घीय गणतन्त्रको उपलब्धिलाई जोगाउनु पर्छ । यतिबेला श्रद्देय नेपालको अझै भूमिका बढेको छ।नेपालको कम्युनिस्ट आन्दोलनलाई उचाइमा पुर्याएर देशभक्ति पूर्णभावलाई स्थापित गर्दै जनताको समग्र समस्या समाधान गराउनमा नेकपा (एकीकृत समाजवादी )का अध्यक्ष नेपाललाई सफलता मिल्ने नै छ । ।उहाँको सरल जीवन र कर्तव्यबोधप्रतिको दृढता नेपाली राजनीतिमा आज अनुशरण गर्न योग्य बनेको छ। नेकपा ( एकीकृत समाजवादी) लाई जय लाल सलाम तथा उत्तरोतर प्रगतिको कामना गर्दछु ।