क्याप्टेन आङगेलु शेर्पाको साहसले बुद्ध एयरको सुरक्षित अवतरण

काठमाडौं- क्याप्टेन आङगेलु शेर्पाको साहसले बुद्ध एयरको सुरक्षित अवतरण सफल भएको छ । प्राबिधिक समस्या देखिएर विराटनगर विमानस्थलमा अवतरण गर्न नसकी फर्किएको बुद्ध एयरको जहाज त्रिभूवन अन्तर्राष्ट्रिय विमानस्थल (टीआईए) मा सुरक्षित अवतरण गरेको छ ।

ल्याण्डिङ गियर इन्डिकेटरले समस्या भएपछि अवतरण हुन नसक्दा जहाज आकस्मिक अवतरणका लागि काठमाडौंतर्फ फर्किएको थियो ।

केही समय काठमाडौंको आँकाशमा होल्ड भएको जहाजले सुरक्षित अवतरण गरेको नेपाल नागरिक उड्डयन प्राधिकरणका निमित्त महानिर्देशक राजकुमार क्षेत्रीले जानकारी दिए ।

विराटनगर विमानस्थलमा अवतरण गर्न नसकी काठमाडौं फर्किएको जहाज त्रिभुवन विमानस्थलमा पनि सहजै अवतरण हुन सकेन ।

जहाज काठमाडौंको आँकाशमै आधा घण्टा बढी होल्ड भएको थियो ।

ल्याण्डिङ गियर नखुलेका कारण विमानले आकाशमा लामो समय फन्को मारिरह्यो ।

विमानमा भएको इन्धन सकेर धावनमार्गमा फम राखेर अवतरण गराउने योजना बन्यो ।

जहाजभित्र रुवाबासी भएको र धेरैले आश मारेको यात्रुले सुनाएका छन् । रनवेमा हेर्दा एम्बुलेन्स, पुलिस सबै तैनाथ थिए जहाजमा भएका आमा बच्चा र पाका मानिसहरु आत्तिएर रुन थालेपछि स्थिती त्रासपुर्ण बनेको थियो । सुरक्षाकर्मी तयारी अवस्थामा देखेपछि अब जिन्दगी यति नै भयो भन्ने लागेर यात्रुको रुवावासी चलेको थियो ।

तर विमालाई निकै तल ल्याएर हेर्दा ल्याण्डिङ गियर पनि खुलेको देखिएपछि विमानको सहज अवतरण सम्भव भएको विमानस्थलका अधिकारीहरु बताउँछन् ।

क्याप्टेन आङगेलु शेर्पाको साहसले गर्दा बुद्ध एयरको सुरक्षित अवतरण गराउन उनी सफल भए उनले धर्यका साथ ल्याण्ड गर्ने प्रयास जारी राखे जुन अन्तत् सफल भयो र सबै यात्रु खुसी भए ।