September 27, 2021
एमालेलाई संसदमा आउन समेत लाज हुनुपर्ने: डा.भट्टराई
काठमाडौँ-डा.बाबुराम भट्टराईले एमालेलाई संसदमा आउन समेत लाज हुनुपर्ने प्रतिक्रिया दिएका छन् ।
सोमबार प्रतिनिधिसभा बैठकबाट बाहिरिने क्रममा उनले नेकपा एमालेका सांसदहरुलाई पदबाट राजीनामा दिन चुनौति दिएका हुन् ।
सत्ता साझेदार जनता समाजवादी पार्टीका संघीय परिषद अध्यक्ष डा.भट्टराईले एमालेका सांसदहरुलाई संसदमा आउन समेत लाज हुनुपर्ने टिप्पणीका छन् ।
सोमबार प्रतिनिधिसभा बैठकबाट बाहिरिने क्रममा उनले अलिकति पनि नैतिकता छ भने एमालेका सांसदहरुले संसद अवरुद्ध पारेर बस्ने नभई राजीनामा गरेर जनताको बीचमा जानुपर्ने प्रतिक्रिया दिए ।
अध्यक्ष भट्टराईले सर्वोच्चको फैसला मान्दैनौ भन्ने एमालेले संविधानको सर्वोच्चता र संसदीय मर्यादाको कुरा गर्नु सरमको विषय भएको पनि दोहोर्याए ।
उनले भने, ‘जसले संसदलाई २/२ चोटी विघटन गर्छ ।
ती मान्छेहरुले लाजै पचाएर संवैधानिक सर्वोच्चता कायम गर भन्ने ।
सर्वोच्चको फैसला मान्दैनौ भन्ने अनि संवैधानिक सर्वोच्चता भन्ने ? अनि संसदीय मर्यादा कायम ।
जुन संसदलाई विघटन गरिसक्यो, उसले त्यो संसदमा आउन त लाज हुनुपर्ने हो ।
मैले पार्टी छोडिसके पछि दोस्रो संविधानसभापछि २०७२ सालमा तुरुन्तै राजीनामा गरेको थिए ।
उहाँहरुमा अलिकति पनि नैतिकता छ भने राजीनामा गरेर जनताबीच जानुपर्छ ।’
भट्टराईले एमालेले आफैंले विघटन गरेको संसदमा अवरोध सृजना गरेर निर्लज्जताको पराकाष्ठा देखाएको उल्लेख गर्दै त्यसबारे आफूले थप टिप्पणी गर्न नचाहेको बताए ।
एमालेलाई संसदमा आउन समेत लाज हुनुपर्ने: डा.भट्टराई
प्रकाशित मिति:September 27, 2021
