प्रदेश–२ मुख्यमन्त्री कार्यालयमा अख्तियारको छापा

जनकपुर-प्रदेश–२ का मुख्यमन्त्रीको कार्यालयमा अख्तियार दुरुपयोग अनुसन्धान आयोगले छापा मारेको छ ।

बर्दिबासबाट गएको आयोगको टोलीले जनकपुर स्थित मुख्यमन्त्रीको कार्यालयमा छापा मारेर साइकल खरिद सम्बन्धी कागजात जफत गरेको छ ।

अख्तियारका प्रवक्ता (सहसचिव) नारायणप्रसाद रिसालले आयोगको टोलीले साइकल खरिदबारे कागजात लिएको बताएका छन् । । सहसचिव रिसालले – ‘स्थलगत छानविनका लागि टोली गएर कागजात लिएको छ ।’

प्रदेश–२ सरकारले ‘मुख्यमन्त्री बेटी पढाऊ, बेटी बचाऊ’ कार्यक्रमका लागि ११ करोड १७ हजार मूल्यको साइकल किनेको थियो । साइकल खरिदमा कम्पनी नखुलाई किनेर भ्रष्टाचार गरेको भन्दै आयोगमा उजुरी परेको थियो ।

साइकल खरिदबारे सक्कल कागजात ल्याएर विस्तृत अनुसन्धान गरिने आयोगका प्रवक्ता रिसालले बताए ।