October 3, 2021
अन्तिम चरणमा नयाँ बानेश्वरमा आकासे पुल
सडक वारपार गर्ने यात्रुको चाप बढी भएको चोकमा पर्ने नयाँ बानेश्वरमा आकासे पुल निर्माण सम्पन्न हुने चरणमा पुगेको छ ।
थोरै काम मात्रै बाँकी भएकाले केही दिनमा नै पुल प्रयोगमा ल्याउन सकिने डिभिजन सडक कार्यालय काठमाडौँले जनाएको छ ।
पुलको मुख्य काम भइसकेकाले माथिल्लो भागमा बारको काम मात्रै बाँकी रहेको डिभिजन प्रमुख कुबेर नेपालीले बताएका छन् ।
उनले भने, “थोरै काम मात्रै बाँकी भएकाले दुईचार दिनमा नै सकिनेछ ।”
उपत्यकामा अहिले भइरहेका आकाशे पुलभन्दा आकर्षक बत्तीका कारण यो पुल सुन्दर देखिनेछ ।
दसैँपहिले नै सो पुल सञ्चालनमा आउने डिभिजन प्रमुख नेपालीले बताए ।
संरचनालाई लैङ्गिक समता र सामाजिक न्याय जिइएसआई मानिएको छ ।
बत्तीको उज्यालोका कारण बालबालिका र ज्येष्ठ नागरिकलाई रातको समयमा समेत हिँड्न सजिलो हुने उनले बताएका छन् ।
उनले भने, “अँध्यारो हुँदा महिला हिंसाको जोखिम भए पनि पुलमा उज्यालो हुँदा त्यो कम हुने छैन ।”
यो पुलको लम्बाइ ३८ मिटर रहेको छ । विसं २०७६ वैशाखमा पुल निर्माणका लागि ठेक्का सम्झौता भएको थियो ।
कोभिडका कारण गत वर्षहरुमा काम हुन नसक्दा तोकिएको अवधिभन्दा ढिला भएको हो ।
सुरुमा डिजाइनमा नै ढिला भएको र काम सुरु भएपछि कोभिडले गर्दा सरासर काम गर्न नसकिएको उनले बताएका छन् ।
त्यसका लागि चाहिने सामग्रीको कारखाना सञ्चालन हुन सकेको थिएन ।
विशेष सीप भएका थोरै जनशक्ति आवश्यक हुने भए पनि तिनैलाई सङ्क्रमण भएको उनले बताए ।
उनले भने, “यी सबै समस्याका बाबजुद अहिले सम्पन्न हुन लागेको छ ।”
झन्डै एक दशकभन्दा लामो समयदेखि नयाँ बानेश्वरमा पुल निर्माण गर्नुपर्ने भन्दै आवाज उठिरहे पनि बन्न सकेको थिएन ।
हाल संसद् भवन वीरेन्द्र अन्तर्राष्ट्रिय सम्मेलन केन्द्र नजिकै भएकाले निर्माण अघि बढ्न सकेको थिएन ।
विभागले जडीबुटीसँगै सो चोकमा समेत ‘फ्लाई ओभर’ आवश्यकता भएको बताउँदै आएको छ ।
अन्तिम चरणमा नयाँ बानेश्वरमा आकासे पुल
प्रकाशित मिति:October 3, 2021
November 24, 2024
