October 3, 2021
धनगढी– नेपाली कांग्रेसका सभापति एवं प्रधानमन्त्री शेरबहादुर देउवाको गृह जिल्ला डडेल्धुरामा आइतबार दिउसो कांग्रेसकै दुई पक्षबीच झडप भएको छ।
झडपमा परी ६ जना घाइते भएको प्रहरीले जनकारी दिएको छ।
डडेल्धुरामा आयोजित कांग्रेसको भेलामा देउवा पक्षले हस्तक्षेप गर्न खोजेपछि झडप भएको जिल्ला सभापति कर्ण मल्ल पक्षले बताएका छन् ।
केन्द्रीय सदस्य अर्जुनरसिंह केसी, डा शेखर कोइराला र गुरुराज घिमिरे सहभागी भएको भेलामा झडप भएको हो।
झडपपछि पनि कार्यक्रम भने जारी रहेको छ । जिल्ला सभापति कर्ण मल्ल समूहले विरोध जनाए पनि वडा अधिवेशन र पालिका अधिवेशन भएपछि जिल्लामा कांग्रेसको विवाद बढ्दै गएको हो।
मल्ल समूहले नै आमसभा आयोजना गरेको हो । उनीहरुले अधिवेशन फेरि हुनुपर्ने माग गरेका छन्।
प्रकाशित मिति:October 3, 2021
November 23, 2024
