क्याविनेटले आज पूर्णता पाउँछ सकेसम्म आजै सपथ ग्रहण हुन्छ: प्रचण्ड

काठमाडौं –नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज मक्याविनेटले पूर्णता पाउने र सपथ ग्रहण हुने बताएका छन् ।

बिहीबार राजधानीमा एक सञ्चार माध्यमको उद्घाटन कार्यक्रमलाई सम्बोधन गर्दै उनले उक्त कुरा बताएका हुन् । अध्यक्ष दाहालले भने “मन्त्रिपरिषद्ले आज पूर्णता पाउछ र उस्तै परे आजै मन्त्रीहरुले सपथ लिने छन् ।”

आफूले समावेशिता, समानुपातिकता र हिजोको राज्यद्वारा विभेदमा पारिएका सबै वर्ग समुदायलाई अगाडि ल्याउन लगातार कोसिस गरिरहेको भन्दै दाहालले भर्खरै पार्टी कमिटीमा ३५ प्रतिशत महिला प्रतिनिधित्वको निर्णय भएको सुनाए । ‘संविधानमा ३३ प्रतिशत छ । हामी ३५ पुर्‍याउनेमा छौं,’ उनले भने ।

दाहालले क्याविनेटमा आफ्नो पार्टीबाट ५० प्रतिशत महिला पुर्‍याएको पनि बताए । मधेसी, जनजाति, दलितलाई समेट्ने प्रयास गरिएको उनको भनाइ थियो ।

दाहालले सामाजिक रुपान्तरणका लागि जनमत ठूलो कुरा भएको भन्दै श्रमजीवी जनताको पक्षमा जनमत निर्माण गर्न सुझाए ।