November 26, 2021
नेपाली सेनालाई भारतीय सेनाको पाँचवटा ट्रक उपहार
काठमाडौं-नेपाली सेनालाई भारतीय सेनाले पाँच वटा ‘वर्कशप ट्रक’ हस्तान्तरण गरेको छ ।
भारतीय सेनाले पाँच थान एलपीटीए वर्कशप ट्रकहरु बिहीबार आयोजित कार्यक्रममा नेपाली सेनालाई दिएको हो।
उपहारस्वरुप भारतीय सेनाले ती ट्रकहरु नेपाली सेनालाई दिएको हो।
काठमाण्डौमा सम्पन्न भएको नेपाल-भारत द्विपक्षीय परामर्श समूह (Nepal-India Bilateral Consultative Group on Security Issues- NIBCGSI) को १३ औं बैठकमा सहमती भए बमोजिम मिति २०७८ मंसिर ०९ गते जंगी अड्डामा आयोजित एक कार्यक्रमकाबीच भारतीय सेनाद्वारा नेपाली सेनालाई सहयोग स्वरुप उपलब्ध गराएको ‘वर्कशप ट्रक’ गोटा-५ (पाँच) हस्तान्तरण कार्यक्रम सम्पन्न भएको छ ।
मित्रराष्ट्र भारतका सैनिक सहचारी कर्णेल अमित शर्माले श्री हतियार तथा नियन्त्रित उपकरण व्यवस्था निर्देशनालयका निमित्त निर्देशक सहायक रथी कृष्णदेव भट्टलाई ‘वर्कशप ट्रक’ हस्तान्तरण गर्नु भएको थियो ।
उक्त कार्यक्रममा नेपाली सेनाका रथीवृन्द तथा अधिकृतहरुको उपस्थिति रहेको थियो ।
यस किसिमको सहयोगले दुई देशबीचको सैनिक सम्बन्ध थप मजबुद एवं प्रगाढ हुनुका साथै नेपाली सेनाको अप्रेशनल क्षमता अभिवृद्धि गर्न महत्वपूर्ण भूमिका निर्वाह गर्ने विश्वास नेपाली सेनाले लिएको छ ।
नेपाली सेनालाई भारतीय सेनाको पाँचवटा ट्रक उपहार
प्रकाशित मिति:November 26, 2021
November 23, 2024
