November 26, 2021
राजसंस्था पूनस्थापित नभई जनताले राहात पाउदैनन्
राष्ट्रिय प्रजातन्त्र पार्टी, ललितपुर महानगरपालिका अध्यक्ष दिनेश थापामगरसँगको सानो संवाद
मुलुकको अवस्था अन्यौलपूर्ण छ, जनताको अपेक्षा अनुसारको काम सरकारबाट भएको छैन ।
प्रमुख राजनीतिक दलहरु पार्टीगत स्वार्थमा मात्र रुमलिरहेका छन् । जनताको आवाजको कुनै सुनुवाई भएको छैन ।
सत्ता गठबन्धनले त काम गरेन गरेन, प्रमुख प्रतिपक्ष दल नेकपा एमालेले सरकारलाई घच्घच्याएको छैन ।
त्यसैले देशमा व्यापक भ्रष्टाचार भएको सुन्नमा देख्नमा आएको छ ।
देश यसरी वेथितिमा आउनुलाई राप्रपाजस्ता राष्ट्रवादी पार्टी सत्तामा नरहनु नै हो ।
हामीले सकेसम्म सरकारका गलत क्रियाकलापको विरुद्ध आवाज उठाई रहेका छौं । सरकार कानमा तेल हालेर बसेको देखिन्छ ।
त्यसैले स्पष्ट रुपमा भन्दा राजसंस्था पूनस्थापित नभई जनताले राहात पाउन सक्दैनन् ।
त्यसो त राप्रपाको वटम लाइन नै संवैधानिक राजतन्त्र र हिन्दु राज्य हो । यहि सिद्धान्त र विचारबाट जनताले सर्वसुलभ न्याय पाउँछन् ।
हामी स्पष्ट बहुमत सहित सत्तामा पुग्यौ भने भ्रष्टाचार रोकिन्छ, युवक, महिला, जनजाति लगायत सबैको यो आफ्नो सरकार हो भन्न पाउनेछन् ।
त्यसैले ‘राप्रपाको सरकार हाम्रो सरकार’ भन्ने जनतालाई अनुभुत गराउन राप्रपा सत्तामा जानै पर्छ ।
संवैधानिक राजतन्त्र र हिन्दु राज्य पूनस्थापित नभई जनताले सुख पाउने मैले देख्दिन ।
जसरी राजा ज्ञानेन्द्र जनताको समस्या बुझ्न घर दैलो गरेका थिए र राज्यबाट दिने सेवा सुविधा दिलाई रहेका थिए, त्यही बीचमा राजा ज्ञानेन्द्रलाई सम्पूर्ण रुपमा शासन छोड्नु पर्ने अवस्था आयो ।
राजा ज्ञानेन्द्र विरुद्धको आन्दोलन दबाउन उहाँबाट कुनै प्रतिकार भएन । स्वविवेकीय रुपमा गद्दी त्याग गर्नु भयो ।
यति बेला ९० प्रतिशत हिन्दुहरुले पुरानो अवस्थालाई सम्झदै राजतन्त्रको पक्षमा जनमत बढाउँदै छन् ।
प्रधानमन्त्री शेरबहादुर देउवा पटक पटक प्रधानमन्त्री भए । पटक–पटक असफल पनि हुँदै आएका छन् ।
यस पटक पनि राम्रो काम गरेको देखिदैन । त्यसैले राम्रो काम गर्न देउवालाई घच्घच्याउनु पर्छ ।
देउवा काँग्रेसभित्रै राजनीतिमा समलिरहेको देखिन्छ । देउवाले राम्रोसँग सरकार संचालन नै गर्न सकेनन् ।
दुःखको कुरा देउवाको इतिहास जस्तो भए पनि उनको भाग्यले पटक सरकार संचालन गर्ने अवसर पाइरहेका छन् ।
राप्रपाले संवैधानिक राजतन्त्र र हिन्दु राज्यकोबारेमा बुलन्द आवाज उठाइरहेको छ ।
पार्टी महाधिवेशनको काममा लाग्नु परेकोले त्यस विषयमा अलि ध्यान दिन गाह्रो परिरहेको छ ।
अब महाधिवेशन सम्पन्न भइसकेपछि हामी हाम्रो एजेण्डा लिएर फेरि जनताको घरदैलोमा पुग्ने छौ ।
आवश्यक परे सडक संघर्ष समेत गर्ने छौं । त्यसैले राप्रपाले हिन्दु राज्य र राजतन्त्र कुनै हालतमा छोड्दैन ।
केहि पहिला हामीले संवैधानिक राजतन्त्र र हिन्दु राज्यको आवाज लिएर मेचि महाकाली विभिन्न कार्यक्रम गरेका थियौं ।
मुल्यवृद्धि गरेर तीन तहका सरकारले जनताको ढाड सक्ने काम भइरहेको छ ।
यसले के देखाउँछ भने काँग्रेस नेतृत्व सरकार जनताप्रति जिम्मेदार छैन भन्ने स्पष्ट देखिन्छ ।
पेट्रोलियम पदार्थमा भएको मूल्य वृद्धि विरुद्धमा विभिन्न विद्यार्थी संगठनहरुले गरेको आन्दोलन स्वागत योग्य छ ।
पेट्रोलियम पदार्थमा मात्र मुल्य वृद्धि भएको होइन ।
खाद्यान्न, लत्ताकपडादेखि जनताको सरोकारका मालसामाग्रीमा पनि मूल्य वृद्धि भइरहेको छ ।
तर, सरकारी निकायबाट भरपर्दाे अनुगमन भएको देखिँदैन ।
यो महाधिवेशन राप्रपाको मात्र नभई सारा देशभक्त नागरिकहरुको एकता महाधिवेशन पनि हो ।
यहाँ सारा देशभक्त, राजभक्तहरुको समेत सहभागिता हुनेछ ।
म कुनै प्यानलमा छैन । पार्टीमा सर्वसम्मत नेतृत्व चयन होस् भन्ने मरो मनसाय छ । पार्टीमा युवा पङ्तिले उचित अवसर पाउनु पर्छ भने मेरो विचार छ ।
एमाले फुटलाई यहाँले कसरी लिनु भएको छ ?
कुनै पार्टी फुट्नु हुन्न, तर फुटिरहेका छन् । एमाले फुटले ‘भाई भाई फुटे गद्दार लुटे’ भने झै देखिन्छ ।
पार्टी फुटले कति असर परेको रहेछ आगामी निर्वाचन परिणाम देखाउने छ ।
राप्रपामा शिक्षा लिने हो भने एमाले नफुटेरै निर्वाचनमा भाग लिँदा नै राम्रो थियो, छ ।
काँग्रेस विपी थपमा हिडेको देखिँदैन । नेताहरु आ–आफ्नै स्वार्थमा हिडिरेका छन् । पार्टीमा व्यापक गुटबन्दी छ ।
त्यसले गर्दा काँग्रेस पनि त्यति बलियो छ भन्ने अवस्था छैन ।
काँग्रेस सत्ताको दुरुपयोग गरेर व्यापारीहरुसँग चन्दा लिएर निर्वाचन जित्ने सोचमा रहेको देखिन्छ ।
माओवादी पनि भित्री रुपमा गुटबन्दी नै छ ।
वादलहरु एमालेमा गएका छन्, त्यसैले के देखिन्छ भने काँग्रेस एमालेमा जस्तै माओवादी केन्द्रमा पनि एकता देखिँदैन ।
विभिन्न पार्टीका नेतादेखि बुद्धिजिविहरुको भनाइले के पुष्टी गरेको छ भने एमसिसी नेपालको हितमा हैन ।
कोही एमसिसी पास गर्नु पर्छ भनिरहेका छैन, कोही यहि रुपमा एमसिसी पारित गर्नु हुन्न भनिरहेका छन् ।
मैले पनि बुझे अनुसार एमसिसी अहिलेकै अवस्थामा पारित गरिए त्यो राष्ट्रहितको पक्षमा हुने छैन ।
राप्रपा महाधिवेशनको महाअभियानमा छ । हामी महाधिवेशन पछि तपाईहरुको घर दैलोमा एकतावद्ध भएर आउने छौं ।
मलाई लाग्छ राप्रपाको आगामी निर्वाचनमा राम्रो परिणाम आउने छ ।
राप्रपालाई जिताउन समस्त देशभक्त राजभक्त र हिन्दुवादीहरुलाई हार्दिक आव्यहान गर्दछु ।
राजसंस्था पूनस्थापित नभई जनताले राहात पाउदैनन्
प्रकाशित मिति:November 26, 2021
November 23, 2024
