December 5, 2021
टिप्परको ठक्करबाट स्कुटर चालकको मृत्यु
काठमाडौं-मिनि टिप्परको ठक्करबाट स्कुटर चालकको मृत्यु भएको छ ।
काठमाडौंको थापाथलीमा टिप्परले स्कुटरलाई ठक्कर दिदा स्कृटर चालकको मृत्यु भएको हो ।
स्कुटरमा सवार एकजना घाइते छन्, उनको उपचार भइरहेको छ ।
स्कृटर चालक काभ्रेपलाञ्चोकको पनौती घर भएका १९ वर्षीय सुजन सापकोटाको मृत्यु भएको प्रहरीले जनाएको छ ।
थापाथलीबाट त्रिपुरेश्वरतर्फ जाँदै गरेको बा.२.ख ७३२७ नम्बरको मिनि टिप्परले आइतबार बिहान विपरित दिशातर्फबाट आएको बा.२४.प ९३५९ नम्बरको स्कुटरलाई ठक्कर दिएको थियो ।
स्कुटर पछाडि सवार रहेका २२ वर्षीय आशिष हुमागाईं भने सख्त घाइते छन् । उनको नर्भिक अस्पतालमा उपचार भईरहेको प्रहरीले जनाएको छ ।
प्रकाशित मिति:December 5, 2021
