December 14, 2021
एमसीसीको विरोधमा संसद् भवन घेराउ
काठमाडौँ-एमसीसीको विरोधमा मंगलबार दुई मोर्चा र ६ दलीय गठबन्धनले संसद भवन घेराउ गरेको छ ।
विप्लव नेतृत्वको नेकपासहितका ६ दल र मोर्चा संगठनले संसद भवन घेराउ गरेको हो ।
एमसीसीको विरोधमा संसद भवन घेराउ गर्ने केही प्रदर्शनकारीलाई प्रहरीले नियन्त्रणमा लिएको छ ।
मंगलबार संसद बैठक बोलाइएकै समय पारेर संसद भवन घेराउ गरिएको हो ।
यस्तै ती दलले मंसिर २७ गते नेपालस्थित एमसीएको कार्यालय घेराउ गरेको थियो ।
साथै २४ गते राजधानीको माइतीघरदेखि बानेश्वरसम्म विरोध प्रदर्शन गरेको थियो ।
संसद बैठकमा एमसीसी अनुमोदनका लागि प्रस्ताव जानसक्ने चर्चाका बीच ६ दलीय मोर्चा सडकमा उत्रिएको हो ।
छ दलीय मोर्चामा मोहन वैद्य नेतृत्वको नेकपा (क्रान्तिकारी) माओवादी, नेत्रविक्रम चन्द विप्लव नेतृत्वको नेकपालगायतका दल तथा मोर्चा संगठन रहेका छन् ।
एमसीसीको विरोधमा संसद् भवन घेराउ
प्रकाशित मिति:December 14, 2021
November 24, 2024
