February 11, 2022
चितवनको राप्तीमा बर्डफ्लू देखियो
भरतपुर-यहाँ बर्डफ्लू रोगको सङ्क्रमण पुन: देखिएको छ ।
राप्ती नगरपालिका–६ स्थित अनिता पशुपक्षी कृषि फर्ममा बर्डफ्लू देखिएको हो ।
प्रमुख जिल्ला अधिकारी आस्मान तामाङले कुखुरा मर्न थालेपछि यही माघ २५ गते नमूना सङ्कलन गरी काठमाडौँ पठाइएकामा बिहीबार सङ्क्रमण पुष्टि भएको जानकारी दिनुभयो ।
उहाँका अनुसार बर्डफ्लूको एचपाइभ एनवान सङ्क्रमण देखिएको हो ।
उक्त फर्ममा दुई हजार कुखुरा छन् । उक्त फर्मको एक सय मिटर वरपर रहेका पक्षी नष्ट गर्ने काम आज हुने उहाँले बताउनुभयो ।
फर्मको दुई किलोमिटर वरपर निगरानी राख्दै बेचबिखनमा रोक लगाइने उहाँको भनाइ छ ।
शङ्कास्पद फर्महरुको नमूना सङ्कलन गरी परीक्षण गरिने उहाँले जानकारी दिनुभयो ।
विश्व पशु स्वास्थ्य सङ्गठनका अनुसार ‘नोटिफाइअबल एभियन इन्फ्लुएन्जा’ भाइरसको ‘सब–टाइप’ बाट हुने रोग वा संक्रमण नै बर्ड फ्लू हो ।
बर्ड फ्लु अर्थात एच ५ एन १ अत्याधिक संक्रमण हुने इन्फ्लुएन्जा भाइरस हो ।
यसले चराचुरुङ्गीको श्वासप्रश्वासमा असर गर्छ । एक मानिसबाट अर्को मानिसमा सजिलै सर्दैन ।
तर, मानिसमा संक्रमण सरे मृत्युदर उच्च हुने चिकित्सकहरु बताउँछन् ।
–घाँटी दुख्नु
–खोकी लाग्नु
–मांशपेसीहरु दुख्नु
–उच्च ज्वरो आउनु
–सास फेर्न गाह्रो हुनु
–पेट दुख्नु, छाती दुख्नु
–७० डिग्री सेल्सियसमा पंछीको मासु पकाउँदा भाइरस मर्छ ।
–मासु किनेर ल्याएपछी पन्जा एप्रोंन र माक्स लगाएर मात्र छुनु पर्छ ।
–बर्ड फ्लू संक्रमणको शंका लागेमा कुखुराको अन्डा खानु हुँदैन ।
–पंक्षी मरेको देख्नेवितिकै सचेत हुनुपर्छ ।
–मृत पक्षी र तिनीहरुको सुलीबाट टाढा रहने ।
चितवनको राप्तीमा बर्डफ्लू देखियो
प्रकाशित मिति:February 11, 2022
