कामु प्रधानन्यायाधीशको जिम्मेवारीमा दीपक कार्की
१ फाल्गुन २०७८, आईतवार
कामु प्रधानन्यायाधीशको जिम्मेवारीमा दीपक कार्की
काठमाडौं-सर्वोच्च अदालतका वरिष्ठ न्यायाधीश दीपक कुमार कार्कीलाई कायम मुकायम प्रधानन्यायाधीशको जिम्मेवारी दिईएको छ ।
महाअभियोगको प्रस्तावका कारण प्रधानन्यायाधीश चोलेन्द्र शम्सेर जबरा स्वतः निलम्बनमा परेसँगै कायम मुकायम प्रधानन्यायाधीशको जिम्मेवारी कार्कीलाई दिईएको हो ।
अब कार्कीले संवैधानिक परिषदको, न्याय सेवा आयोग, न्यायपरिषदको पनि कामु अध्यक्ष भएर काम गर्नेछन् ।
संविधानको धारा १०१ (६) अनुसार, महाअभियोगको प्रस्ताव टुंगो नलागेसम्म कुनै कामकारवाही गर्न पाइँदैन ।
सत्तारुढ गठबन्धनका गगन थापा, मीनेन्द्र रिजाल, पम्फा भुसाल, जीवनराम श्रेष्ठ, देव गुरुङ लगायत ९८ सांसदले प्रधानन्यायाधीश जबराविरुद्ध संसद सचिवालयमा महाअभियोग दर्ता गराएका छन् ।
कामु प्रधानन्यायाधीशको जिम्मेवारीमा दीपक कार्की
