March 3, 2022
काठमाडौं-साल्ट ट्रेडिङ्ग कर्पोरेशन लिमिटेडले नयाँ अध्यक्ष पाएको छ ।
संचालक समितिका अध्यक्ष लक्ष्मीदास मानन्धरको निधन भई रिक्त रहेको उक्त पदमा कल्याण गोबिन्द श्रेष्ठ चयन भएका छन् ।
संचालक समितिको फागुन १६ गते बसेको बैठकले संचालक श्रेष्ठलाई अध्यक्षमा सर्वसम्मत चयन गरेको हो ।
साल्ट ट्रेडिङ्ग कर्पोरेशन लिमिटेड नेपाल सरकारको लगानी रहेको एक ऐतिहासिक संस्था हो ।
आज भन्दा करिब ४८ बर्ष अगाडी २०१९ सालमा आयोडिन युक्त नुन बिक्री विरतणका लागी स्थापित उक्त संस्थाले हाल नुनको अलावा खाध्यान्न तथा चिनी समेत बिक्री बितरण गर्दै आईरहेको छ ।
यसका अलावा साल्ट ट्रेडिङ्गले एसटिसी ग्यास, कृषी मल समेत सर्बसुलभ मुल्यमा बिक्री बितरण गर्दै आएको छ ।
भुकम्प, नाकाबन्दी, लकडाउन, चाडपर्व जस्ता कालोबजारी मौलाउने समयमा बजारमा साल्ट ट्रेडिङ्गको उपस्थितीमार्फत जनताले सदैब राहत पाउने गरेका छन् ।
राज्यलाई करोडौ राजश्व बुझाउने साल्ट ट्रेडिङ्गले आपत विपतको समयमा जनतालाई कालोबजारी तथा ठगीबाट जोगाउदै आम अपभोक्तामा सर्वसुलभ सेवा मार्फत आफुलाई लोकप्रिय बनाउदै आएको छ ।
प्रकाशित मिति:March 3, 2022
November 24, 2024
