आयल निगमद्धारा कोरोना संक्रमण रोकथाम तथा नियन्त्रण कोषमा ५० करोड सहयोग

काठमाडौं । नेपाल आयल निगमले कोरोना संक्रमण रोकथाम तथा नियन्त्रण कोषमा ५० करोड सहयोग गरेको छ ।

विश्वव्यापीरुपमा रुपमा फैलिरहेको कोरोना भाइरसको महामारी रोकथाम, नियन्त्रण तथा उपचारका लागि नेपाल सरकार द्धारा स्थापित यस कोषमा निगमले ५० करोड रुपैयाँ सहयोग गरेको हो ।

सरकारले कोषमा सहयोग गर्न सार्वजनिक आह्वान गरे अनुरुप निगम सञ्चालक समितिको बसेको बैठकबाट सोही रकम कोषलाई सहयोग गर्ने निर्णय गरेको हो ।

बिहीबार उक्त रकम बराबरको चेक प्रधानमन्त्री तथा मन्त्रिपरिषद्को कार्यालयलाई हस्तान्तरण गरिसकेको निगमले जानकारी दिएको छ ।