विरगञ्जमा लुकेर बसेका १९जमाती सहित २६ धर्मप्रचारक पक्राउ

वीरगञ्ज । पर्सा जिल्लाको वीरगञ्ज जामे मस्जिदमा लुकेर बसेका भारतीय मुस्लिम जमाती सहित २६ जनालाई प्रहरीले नियन्त्रणमा लिएको छ ।
प्रहरीले नियन्त्रणमा लिएकामध्ये दिल्लीको मुस्लिम तबलगती भेलामा सहभागी भएका ती १९ जना, वीरगन्जका मुस्लिम धर्म गुरु र भारतबाट पाहुना आई बसेका अन्य चार जना रहेका छन् ।
नियन्त्रणमा लिएका उनीहरूलाई श्रीपुरस्थित सिद्धार्थ माविमा रहेको क्वारेन्टाइनमा राखिएको छ । प्रहरीले उनीहरूलाई छपकैयाको मस्जिद, घुसुकपुरको मस्जिदबाट नियन्त्रणमा लिएको जनाएको छ ।

यसै समुहमा आबद्ध रहेका तीन रहेका आइसोलेसनमा राखिएका ३ जनामा कोरोना पुष्टि, भइसकेको छ ।
पक्राउ परेकाहरूले आफूहरू दिल्लीको तबलगी जमातमा सहभागी भई ३ महिना पहिलेदेखि नै धर्म प्रचारका लागि नेपाल आएको प्रहरीलाई बयान दिएका छन् ।