April 13, 2020
काठमाडौं । सरकारले अत्यावस्यक सवारी साधन सञ्चालन गर्न अनलाईन मार्फत पास लिन सकिने व्यवस्था गरेको छ ।
कोरोना भाइरस (कोभिड–१९) रोकथाम तथा नियन्त्रणका लागि सरकारले जारी गरेको लकडाउनको समयमा अति आवश्यक सवारी साधन सञ्चालनका लागि इ–पासको व्यवस्था गरिने भएको गृह मन्त्रालय स्रोतले जनाएको छ ।
गृह मन्त्रालयले सोमबार मन्त्रालयमा पत्रकार सम्मेलन गरी खाद्यान्न ढुवानी, बिरामी ओसार पसार, शव वाहन र अन्य अति आवश्यक परेको खण्डमा अनलाइनमार्फत फाराम भरेर सवारी पास लिन सकिने जानकारी दिएको हो ।
इ–पास वितरण गृहमन्त्री रामबहादुर थापाले उद्घाटन गर्नुभएको छ । यो प्रणाली मङ्गलबारदेखि शुरु हुने छ । उक्त पास जिल्ला प्रशासन कार्यालयले आवश्यकताको आधारमा वितरण गर्नेछ ।
पास लिनका लागि यो लिंकमा गएर विवरण भर्न सकिने छ ।
प्रकाशित मिति:April 13, 2020
