सनसिटी अपार्टमेन्टमा खुसि: लगभग ३०० जनाकाे टेष्टमा सबै नेगेटिभ

काठमाडौँ । पेप्सीकोलास्थित सनसिटी अपार्टमेन्टमा बस्ने दुईजनामा काेराेना पुष्टि भएपछि पुरै काठमाडौं नै त्रसित बनेकाे थियाे ।
त्यसमाथि पनि साेहि अपार्टमेन्टमा बस्ने त त्रसित नहुने कुरै थिएन तर अाज २ सय ९६ जनाको टेष्ट गर्दा नेगेटिभ देखिएको छ । जसले गर्दा सनसिटीमा खुसियाली छाएकाे छ ।

अाज परिक्षण गरिएका २ सय ९६ जनाकाे र्‍यापिड डाइग्नोस्टिक टेस्ट विधिबाट गरिएको हाे।र सबैको रिपोर्ट नेगेटिभ आएको छ ।

कागेश्वरी मनहोरा नगरपालिका प्रमुख कृष्णहरि थापाका अनुसार अपार्टमेन्टको ब्लक ‘ए’ मा बस्ने एकै परिवारका दुई जनामा संक्रमण देखिएपछि बुधबार विहान साढे नौ बजेबाट र्‍यापिड टेस्ट विधिबाट परीक्षण सुरु गरिएको थियो ।

नगरपालिका प्रमुख कृष्णहरि थापाले भने, ‘ए ब्लकमा बस्ने सबै र अरु ब्लकमा बस्ने स्वास्थ्य अवस्था कमजोर भएका, ज्येष्ठ नागरिक गरी दुई सय ९६ जनाको टेष्ट गरिएको र उनीहरु सबैको रिपोर्ट नेगेटिभ आएको हो ।

सनसिटीमा पाँच वटा ब्लक छन् । त्यहाँ ५ सय परिवारका करिब १ हजार ५ सय जना बस्दै आएका छन् ।
नगरपालिका प्रमुखका अनुसार सबैकाे र्यापिड टेष्ट हुने क्रम जारि छ ।