पूर्वप्रधानमन्त्री नेपालले गराए आफ्नाे क्षेत्रमा राहत उपलब्ध

काठमाडाैं । नेकपाका वरिष्ठ नेता तथा पूर्वप्रधानमन्त्री माधवकुमार नेपालले लकडाउनका समयमा आफ्नाे निर्वाचन क्षेत्रमा रहेका स्थानीय तहहरुमा समस्यामा परेका विपन्न नागरिकलाई खाद्य सहयाेग गरेका छन् ।

पूर्वप्रधानमन्त्री नेपालको सचिवालय स्राेतका अनुसार नेपालले विश्वभर काेराेना भाईरस फैलिएकाे र नेपालमा समेत अाईसकेकाे बेला अाफ्नाे निर्वाचन क्षेत्रमा संक्रमण नफैलियाेस भनेर सरकारले लकडाउनको आदेश जारी गरेपछि बिहान बेलुका हातमुख जोर्न समस्यामा परेका दैनिक ज्यालादारी मजदुर, विपन्न र अपाङ्गहरुका लागि वितरण गर्न १६ सय बोरा चामलसहित दाल, चिनी, नून र तेल जस्ता खाद्य सामग्री उपलब्ध गराएका छन् ।

पूर्वप्रधानमन्त्री नेपालले उपलब्ध गराएकाे खाद्यान्न दुई नगरपालिका र दुई वडालेले व्यक्ति पहिचान गरी वितरण गरिरहेका छन् ।
लकडाउनकाे समयमा काेही पनि भाेकै बस्न नपराेस भन्ने उदेश्यका साथ त्यस क्षेत्रकाे जनप्रतिनिधिका नाताले पनि वरिष्ठ नेता नेपालले खाद्यान्न उपलब्ध गराएका हुन् । खद्यान्न वितरणकाे क्रममा शंखरापुर नगरपालिकालाई ५००, कागेश्वरी मनाेहरा नगरपालिकालाई ३००, काठमाण्डाै महानगरपालिका अन्तर्गतका ९ नम्वर वडालाई ३०० र ३२ नम्बर वडालाई ५०० पाकेट चामल सहित दाल,तेल लगाएतका खाद्यान्न उपलब्ध गराइएकाे वरिष्ठ नेता नेपालकाे सचिवालयले जानकारी दिएकाे छ ।